［校園，愛情，友情］在學校不受歡迎的我竟然被女神喜歡！？: 醫院

「喂？」這把不是周皓的聲音

「你係咪周皓嘅屋企人呀？」一把男人聲這樣問

「Um...我係佢朋友」我不知道自己為什麼會這樣回應

「唔好理啦，總之佢而家好情況好嚴重，你睇下你會唔會黎xx醫院」

「我而家過黎」把電話掛掉後我便上了的士





「司機唔該xx醫院」


「喂！你做乜野呀？」我大聲吆喝著子駿並把電話從他手上奪回。

「我幫你炸！」子駿亦把聲浪提高。

「傻架？一陣佢黎到發現我冇野一定覺得俾人呃啦」話畢我便拿起電話回撥給舒情。

雖然她沒有明確的表示過，但我知道她已經開始遠離我，一定是因為她已得知那件事，如果因為這次惡作劇令關係更加惡化的話就慘了。





「喂，舒情我其實冇野架，啱啱係我朋友玩野炸，sorry呀！bye bye!」還沒等舒情開聲我已經掛了電話

「咁樣真係好咩...?」我知道其實子駿是為我好才打這通電話，所以我沒有怪他。

「咁樣就得，同上年一樣啫，同埋我仲有你呀嘛」我故裝瀟洒又不失幽默，但其實我內心正敞著血。

「屌好撚基呀！」子駿一句就讓氣氛變得輕鬆。

到了醫院我循例做了一些簡單檢查，醫生說沒有大礙，包紮過後可以出院。





正當我拿著拐杖經過大堂打算離開的時候有人喊了我的名字。

「周皓！」竟然是舒情！

「你做乜係到嘅？」我感到非常錯愕。

「啊！我趕時間走先，舒情你幫我睇住佢啦！」在我們還沒有反應過來時子駿已經從大門走了。

「嘩！好痛」我打算追上子駿但發現自己腳受了傷。

「你冇事呀嘛？你坐底先啦」舒情扶我到旁邊的椅子坐下來。

「你點解會係到嘅？明明我打...」





「Cut我電話cut得咁快，係人都知有事啦！同埋我見住你俾人抬上白車架！」舒情打斷了我，而且好像顯得有點生氣。

「我廢事煩到你嘛​...」

「廢事？你知唔知我幾擔心你呀！」舒情語氣進一步加重，就連臉頰也紅了。​

「擔心我？」

「咩..咩呀，朋友入醫院係人都會擔心架啦！」她後補了一句，但這次她整張臉都通紅，但語氣反而有點收儉。

「我地仲係朋友？乜你唔係知道左喇咩？」

「都唔知你講乜我地緊係朋友啦，你係咪跌親個頭呀？」她伸手拍一拍我的頭。

「啊！」我摀著頭裝作受傷。





「係咪整親你呀？sorry呀...」她一臉內疚。

「玩你炸傻妹！」她實在太可愛，讓我忍不住戲弄她。

「唔理你呀！」她離開椅子步向大門。

「喂！去邊呀？」我緩緩站起來打算追上她。

「送你返屋企呀傻仔！行快啲啦！」

看來我又可以繼續追求這可愛的女孩，那個我喜歡的女孩。