(真人真事 短篇 無糖) Live & Life 系列 – "原來我地已經識左七年喇": 7. 第五年

由中四揀好左讀咩科入咩班之後，中五、中六大概都係讀書讀書之後就考DSE。無乜突破，所以我就決定左要選學生會。我其實一直都係一條毒撚，無乜人識，所以都唔會令好多人憎我，最後當然選到。
除左中三要揀科之外，第二個轉捩點就係中五做左學生會。
重點唔係在於有幾多人仰慕，站去邊個位置，因為依一啲只係虛名，而著眼點應該係能力嘅提升。
我講左上面好多好似唔關事嘅野，但其實想帶出我一直以黎嘅垢病：無自信、溝通技巧，都有所進步。
雖然我同佢傾偈唔多。一黎唔知傾乜，有都已經盡量傾。二黎我都忙，每日係學校跑黎跑去做野。
當時我覺得自己變左第二個人，我就開始撩下其他女仔，可以叫做成功。不過當時有人問我依一生人最鍾意嘅人係邊個，我就不斷諗不斷諗，諗左好耐，亦係我個心入面搵左好耐，到最後我答左CC。

雖然你有愛別人的權利，但是別忘記她亦有拒絕接受你愛的權利。