因為pokemon go我唔再係毒撚: 三,

唔知大家對於可以同女仔單獨出街呢樣野有咩睇法, 可能係你地眼中覺得已經冇咩所謂. 但係對於一個毒撚黎講係一件好難得嘅事. 果一日我同林小敏去街之前我係屋企好糾結咁諗緊要著D咩去陪佢. 結果搞左一個鐘先出到街.

小敏第一眼見到我, 佢O大左個嘴, 之後即刻笑左出黎.
"你搞咩丫? 著到咁嘅. 牛仔褲配波鞋, 我寧願你短褲加對拖鞋."

我無氣咁同佢講 '同大小姐你出街喎, 我點敢踢拖丫, 你想去邊捉呢?'

佢反一反眼"好囉, 我想去旺角, D人話果到好多櫻花易D捉喎."

"旺角呀, 好遠喎..."





"咁你去唔去丫?"
 
"去..."

就係咁我同佢就出左去, 係答緊車嘅時候我見到車上面都有人捉緊小精靈, 小敏都唔例外. 

"點解捉極都捉唔到架呢隻..." 佢一邊拉緊我件T, 一路係到自然自語緊.

"捉緊第幾次丫蠢?" 我問返佢.





"關你咩事丫, 仲有丫你話邊個蠢丫!!" 佢啤到我實一實.

"你囉唔通我咩?"

"你咁叻咁你捉丫!!!"

"好丫, 簡單啦.'

我接過佢部電話, 發現佢要捉嘅係一隻死人波音蝠, CP係46. 我即刻用我嘅腦部分析, 之後用手指尾拉西嘅秘技一野甩左個excellent出黎, 波音蝠GET!

"捉左啦, 簡單啦."

"你好彩啫, 俾我都捉到啦."

"你繼續吹丫你, 我實信你架."

係搭緊車嘅途中, 佢不斷咁捉唔到怪, 不斷咁叫我幫佢捉, 再不斷咁同我講"俾機會你練下炸, 廢事你捉唔到怪." 我都唔知可以點話佢. 搭左九個字車, 我地終於到左旺角, 同平昤一樣咁多人, 唯一一樣唔同嘅, 係佢地手中都會多左部電話.

"喂, 你想點捉丫, 去商場定係條街到行?"

"去D多櫻花嘅地方啦! 好似朗豪坊有喎, 我地一齊去咯!" 佢指住部電話.

"好好好~~"





一路上都有好多精靈訓練員, 有D情侶都低住頭咁係到捉緊小精靈, 冇咩點傾計.

"喂, 你做咩唔玩丫, 好多精靈丫!!!!" 小敏問我.

"我冇4隻手丫..."

"捉小精靈兩隻手夠啦, 要四隻做咩?" 佢一路望住部電話一路問我.

"幫埋係捉丫要, 蠢."

"丫你條友丫!!!!! 你夠膽再講多次!!!"

"捉小精靈啦你, 有得你捉啦."

"係喎係喎, 等陣再治你罪!!" 佢即刻去捉小精靈.





我地兩個到左朗豪坊之後, 搵左個位之後就坐低左, 佢係執邊捉小精靈, 我就係執邊教佢點點捉先易捉, 可能係有人開香水嘅關係, 好多人都慢慢咁黎左, 隔離左右都好多人捉緊, 但係小敏就好鬼衰咁, 一捉到就係咁嗌, "捉到啦捉到啦!!" 隔離左右D人都係到望住佢, 有D直頭話"捉到咪捉到囉, 使唔使叫出黎呀." 但係之後有一件事發生左, 我完全冇諗過我會有D嘅勇氣去反擊.

過左冇幾耐, 有個約18歲嘅男仔行左過黎, 同小敏講"咦, 你自己一個捉咁悶丫, 有冇興趣一齊去捉丫?"

我同個男仔講 "佢唔係自己一個架大哥, 我係到陪緊佢."

個男仔串串哄咁話"我問你咩, 我問個女仔啫, 你邊位丫."

我唔知點解, 可能因為精蟲上腦, 可能因為俾人地嚇一嚇, 有D基因變異, 即刻捉起左小敏隻手, 同佢講....

"我係佢男朋友!"