有一天，金紫荊與會展從香港地圖中消失。: 10.3

阿靜坐在沙發上，不停抱頭痛哭，一方面因失去父親而傷心，令一方面是因為得知自己有一個不負責任的母親。 

「我地都大致知道發生咩事，你地放心，我地會立即安排你地去英國，到時會比個新既身份你地，唔會有人再騷擾你地。」公使拿出2本事前已準備好的護照。 

「我……一定要留係到幫阿爸報仇!我唔可以比佢地好過。」阿靜說。 

阿靜雙手緊握拳頭，似乎心中有萬千的怒火要向新法則與紅龍會宣洩。 

「阿靜，你要明白我地已經無能力介入中國既所有事務，我地依家只可以做既就係幫你地安全過到英國，到時所有野都會重新開始!」公使的任務好明顯只是要說服我們去英國。 





「華叔係你朋友，首相的男朋友，阿靜既老豆，佢死得咁慘，點解你地依班英國人可以咁無情?」英國人有能力與紅龍會及新法則一戰，我實在不明白為什麼還要處處忍讓。 

「你地想點，我都好想幫華叔，只要我做到既，上頭比既，我都一定會盡力幫你地。」公使的態度開始軟化。 

「幫華叔報仇，剷除紅龍會同埋新法則!」我與阿靜說道。 

「唔得，咁樣太難做，我地只可以做既就係殺左佢地既領導人，依樣係我地唯一可以幫到你，而且唔會惹禍既方法。」


公使開始於電腦上輸入資料，未幾開始連接了多人視像會議，畫面上出現了三個人，他們分別是英國女首相，即是阿靜的媽媽，另一位是身穿軍服的人，最後一位是一個貌似網絡專家的青年人。 





「TERRY!係唔係已經搵到我叫你搵既人!」首相問道。 

「係啊首相，佢就係我身後面，佢地依家平安無事，我地會好好保護佢地，請你放心。」公使把我們帶到螢光幕前。 

阿靜與自己的媽媽第一次進行了視像通話，她第一次與媽媽的距離是這麼近，同時心中的陌生感使2人感到那麼遠。 

「佢地都係我既親人，就係你既叔叔，穿軍服既係英國特種部隊指揮官，佢係你二叔，另一位就係英國網絡安全部主管，佢係你既三叔，今次黎我地係想幫你地。」首相說道。 

「你咁樣係唔係叫做補償……我永遠都唔會原諒你地，首相你要記著，今次你唔係為左同我相認而幫我，而係為左你曾經心愛既男人而幫佢，希望你明白依一點。」 





阿靜心中未肯原諒首相，或許她心中只有為華叔報仇的觀念，根本容不下其他事情，包括這個她認為不負責任的媽媽。 

「阿女……我明白既，所以我先叫2位叔叔過黎幫你地!如果要英國參與剷除依個組織係冇可能既事，因為英國近日脫歐，同歐盟關係變差，以往所享有既福利未知可唔可以維持，所以中國就變得更加重要!」首相以國家的利益為大前題。 

首相再一次因為經濟利益而背棄了香港人，1997年因為中國強大而不肯堅持保留香港，到回歸後中國多次違反聲明，英國只作出毫無作用的口頭警告，到現在也不肯幫香港人剷除邪惡勢力。