有一天，金紫荊與會展從香港地圖中消失。: 7.2

我們再一次陷入險境之中，但我們已經沒有任何方法逃走，現在的我們只是一群螞蟻面對一隻饑腸轆轆的食蟻獸。

「阿豪……當初我見你無人無物，同老豆反面，要訓街，所以好心收養你，仲培養你加入特偵組，估唔到所有野都係一個局。」華叔心有不甘。

「我老豆？我呃你咋！我一直都冇屋企人！」阿豪就道。

「唔好以為咁講我就會放過你地，無可能架！你收養我，係你傻的嗎！你怪得邊個！我冇求你架，我依家第一個就殺你個死老野先。」阿豪走近了華叔。

「大佬！」一批士兵衝了進來。





「你地咁遲架！但依家唔需要你地，你地專心睇下大佬我點樣做場好戲比你地睇。」阿豪說道。

「阿維，今次真係要講再見啦。」華叔握著我的手。

「咁又未必既。」阿照道。

「啪啪啪啪啪」士兵對著阿豪連開數槍，阿豪手上的槍掉在地下。

士兵站在我們面前把槍口對準阿豪，這次阿豪已經完全沒有板斧了。





「喂……我係你地大佬啊，你地做緊咩啊？殺佢地啊，殺佢地啊！」阿豪大叫。

「照哥！你有冇事！」一位士兵伸手扶我們起來。

沒錯，他們是阿照的救兵，及時到來保護我們的安全。

「你地係咩人……點解會咁……你地明明冇哂人幫手架啦……冇理由，冇理由架……」阿豪喃喃自語，不信自己反勝為敗。

士兵們把一塊銅牌拿了出來，這是身份的證明。銅牌上有一個天秤的標誌。天秤就是新法則的會徽。





阿照是新法則的成員，他也是到特偵組隱藏自己的身份，事到如今他也不用再隱瞞自己的身份。

「我地就係新法則！紅龍會既人，今日係你地既死期！」阿照笑道。

「你……既然係新法則既人……我真係胡塗……點解我會唔知……」我，華叔與阿靜退後了數步。

「你地同我拎塊石壁過黎，捉住阿豪唔好比佢走。」阿照指揮士兵。

士兵們炸開了牆壁，有一條地下路軌出現在我們面前。列車已經等待著我們。

「捉佢上去。」阿照說道。

阿照揮手示意我們盡快上車，但我們有一些遲疑。

「你地無得揀，政府同埋紅龍會一定唔會放過你地，你地番到去都係要死，等我保護你地既安全！」阿照說道。