有一天，金紫荊與會展從香港地圖中消失。: 3.7

我與阿文喬裝成石油氣公司職員以獲得進入屋內調查的機會，而阿靜為免曝光而與阿豪在門口埋伏。

「先生你地搵邊位？請你地過黎登一登記。」門口保安問道。

我們出示特偵組證件，訛稱自己是警察，以求蒙混過關，當然我們實際上的編制不是屬於警察，自然證件上也缺少警察的字樣。

「我地係便衣，依家趕住上去捉犯，如果比個犯走左，你擔唔擔當得起？」阿文說道。

不知保安是被嚇得不知所措還是馬虎了事，他竟然沒有多問便放我們離去，我們心中正在暗笑。





5樓C，就是家怡的居所，我們在門外把耳貼到木門，試圖偷聽屋內的聲音。

「 依家點算啊？阿孔就黎出番黎。」家怡說道

「你怕咩野？就算佢出番黎咁又點？佢可以對我地做到咩野？佢咩都唔知架」另一把女聲回道

「Mini姐，依家大把人知道我地d野，阿孔傻唔哂，佢隨便問下人就會知。」

「Hi！你估一定翻到案？係有證據，係咁易既就唔使坐監啦。」mini朝門口方向走來，似乎想開門離開。





我立即按下門鐘，裝作是剛到門口的石油氣公司職員。

「小姐！你地好，我係石油氣公司既人，想2同你地檢查番石油氣爐，唔知你地依家方唔方便呢？」阿文問道。

Mini上下打量了我們，眼神流露出一絲絲懷疑，似乎不太相信2位文質彬彬的書生會是石油氣公司的人。

「我冇收過管理處通知喎，一係你地比張證件我睇睇。」

證件？我們知道了地址後立即趕到，那有證件？





「小姐，我地唔記得帶，一係我地之後叫公司send番封信比你。」

「你當我弱智？你估下我肯唔肯？冇證就下先黎。」mini立即把門關上。

「阿維，阿文，唔使再做戲，收隊。」阿靜從耳機中說道。

「頭先你心口果個攝錄機已經影到阿mini個樣，下一步就要比阿孔睇下知唔知依個女仔係邊個，佢地一定有古怪。」

Mini,阿孔與家怡究竟有什麼特別關係？為什麼自己男朋友有機會出獄時，作為女朋友不是開心而是憂心呢？