有一天，金紫荊與會展從香港地圖中消失。: 1.2

無論如何，第一步是要求司長解釋到底是什麼回事。為什麼新法則要把矛頭指向他。

「依家上頭急call緊司長，睇下發生咩事，再決定下一步行動。」

「既然佢既矛頭指向司長，點解唔叫佢立即同大家解釋，佢如果有做過衰野，就應該辭職！唔好要香港人做白白既犧牲！」我確實不太喜歡這群自私的官員。

「阿維冷靜d！你急都冇用。但我好同意你既講法，依家我地要做既，就係等待司長回應。」華叔拍拍我的膊頭表示支持。

「老老實實係中國，香港做得高級官員既，有邊個冇做過衰野，睇下做得多定少姐，做得少既咪好官，做得多既咪壞官囉。如果咁都要追究，全香港三司十三局都會落哂台！」誠哥點著香煙，眼神充滿無奈。





「搵到啦！」阿靜大叫道

「佢依家地點係邊到！」華叔問題

「歐洲一個小國入面，我只係用信息去聯絡佢，依家佢肯同我地進行視象通話。」

視象通話於一分後成功連接，眾人也站在鏡頭前，希望觀看大衛高斯的真面目。到底他是什麼人，與新法則有沒有關係？

視象接通後，一位戴著全白面具的人坐在鏡頭面前向我們揮手示好。桌上有一把手槍，這個人雙手也沾滿紅色液體。





不知道為什麼一看到他，我便感覺到無比的不安，他就像死神一樣，冷漠得來帶點神秘，使我不禁正視他。

「大家好！我有一個好消息同壞消息要同你地講，你地想聽邊個先？」大衛高斯道

「咁壞消息先」阿照搶先回答。

「壞消息就係你地雖然搵到大衛高斯，但我地比你早一步清理門戶！佢已經成為永遠保守秘密既人！」這個男人發出令人心寒的笑聲