二零五六: 【第十二章 對峙】

【第十二章 對峙】
 
2016年10月3日
 
「喺你俾F捉走咗之後，馬泰就出現咗。我開頭唔知佢係邊個，但係佢話佢係一個可以幫到我嘅人。」
 
未來林天澤開始解釋。
 
「之後我就同大林博士一齊制定拯救細林博士你嘅計劃。」
 




馬泰就同林天澤一齊講解。
 
「於是我混入咗F嘅手下入面，大林博士就負責分散F嘅注意力。」
 
「之後我就同你逃跑，而馬泰就喺入面對付F嘅手下。」
 
「好彩大林博士救咗我，如果唔係我可能已經死咗。」
 
「之後我哋就返到嚟2016年喇。」
 




細林天澤突然間覺得好嬲。
 
「所以我哋而家又逃跑？點解我哋唔去面對F呀？馬泰又唔係打唔過，剩係識走佬，咁樣嘅懦夫之策我哋仲要用幾耐呀？我哋已經由16年走到去06年，再去2056，而家仲要返嚟16年？我哋去到邊，F佢哋都會追到我哋架啦！」
 
「Sorry，但係…」
 
「但咩係呀？我受夠喇！一個范子軒可以搞到我哋咁嘅樣，成何體統呀？」
 
雖然馬泰同大林天澤都好無奈，但係我繼續講落去。
 




「而家我哋就留喺度，等F佢哋嚟。今次我唔要逃跑，我要面對。」
 
馬泰好驚訝。
 
「吓？但係我哋得三個人，F佢有成幾十個特務…」
 
「總有辦法嘅。」
 
2056年10月3日
 
「照咁睇嚟…林天澤佢哋又走咗。」
 
「Mr. F，咁而家…」
 
「追，起碼要活捉細嘅林天澤。」




 
「但係佢哋去咗邊度？」
 
「2016年10月3日，夜晚八點正。邱一晉，你call齊所有冇工作在身嘅特務，一陣喺廣場集合，一齊去2016年。」
 
「係。」
 
一個鐘後，幾十個著西裝嘅特務喺F公司總部對出廣場排成矩形。
 
「各位，今日要進行嘅係本公司最重要嘅任務，如果失敗，後果小至你哋失業，大至你哋失去性命，understand？」
 
F企喺講台，對住全部特務發表講話。呢個畫面，同二戰時期嘅納粹德國領導人希特拉發表講話嘅情形竟然有啲相似。
 
「任務目標：殺死林天澤！」
 




「Yes sir！」
 
台下眾人發出雄壯嘅回應聲音。
 
2016年10月3日晚上八時十五分
 
晚上八點，正常嚟講呢個時間嘅公園十分冷清。
 
突然，公園中央發出強光。
 
但係強光散去，仍然係一個人都冇。
 
原來，為咗唔好俾人發現，每個特務，同埋F，都開啟咗隱形屏障。
 
特務往四面八方進發，搜尋林天澤嘅蹤跡。




 
F就留喺公園，等待各特務嘅消息。另一方面，林天澤三人。
 
「…作戰計劃就係咁，明唔明？」
 
細林天澤用樹枝喺沙地上面畫圖。
 
「冇問題。」
 
「OK。」
 
馬泰同大林天澤都一齊認同咗細林天澤嘅作戰計劃。
 
「唉，我都成幾十歲人，竟然要靠年輕嘅自己嚟解決問題。」
 




大林天澤突然嘆息。
 
「我同你都係林天澤，我做嘅嘢咪啫係你做嘅嘢。唔好講咁多喇，快啲行動，F應該都作出咗行動架喇。」
 
八點二十七分。
 
一個特務一直跟蹤住大林天澤，行到一個好大嘅廣場，大林天澤喺廣場停低咗。跟蹤住佢嘅特務就通知F。
 
「哈哈…你今次走唔甩喇！」F好快就收到發現林天澤嘅消息。
 
F再通知其他特務。
 
五分鐘後，所有特務都到咗大林天澤嘅位置。
 
首先關閉隱形屏障嘅係F。佢喺大林天澤面前出現。
 
「林天澤，我同你追追逐逐咗咁耐，我玩夠喇！今日，就係你嘅死期！」
 
估唔到大林天澤竟然露出笑容。
 
「哈哈哈…你要殺我，問過佢哋先啦！」
 
之後，一堆特務喺大林天澤身後出現，嗰堆特務都係排成矩形。
 
而當中帶頭嘅，就係馬泰。而細林天澤都喺特務堆中行咗出嚟。
 
「呢班人係…」
 
F感到十分驚訝。
 
「呢班係我製造出嚟嘅特務機械人，我之前製造佢哋出嚟只係為咗以備不時之需，估唔到今日竟然可以派佢哋上場。」
 
大林天澤原來喺2048年，發明咗技術之後，擔心會有人對佢不利，就製造咗一個特務機械人保護自己。
 
之後更加由林天澤嘅幾個學生一齊複製出咗呢堆機械人，成為一班機械人軍團！
 
「呢班機械人個個都有馬泰嘅身手，睇你點對付！」
 
「哼…以防萬一，我都俾我班特務食咗Exci-pill。」
 
F都早有準備。
 
「你個衰人，竟然俾自己嘅人食禁藥…」
 
「Exci-pill係咩嚟架…」
 
細林天澤當然唔知道未來嘅玩意。
 
「係興奮劑嘅一種，但係一俾人發明咗出嚟就即刻被列為禁藥。」大林天澤解釋。
 
「都死到臨頭啦，仲咁多嘢講！」F露出奸詐嘅笑容。
 
林天澤勢力，有以馬泰為首，由細林天澤控制嘅機械人軍團。
 
F勢力，有以邱一晉為首嘅特務軍團。
 
空氣中彌漫住緊張嘅氣氛。
 
一場超越時間嘅大混戰，現正開始！
 
待續...