F5個年我比女同學撞親JJ: 第三十二章 起伏人生

第三十二章 起伏人生
 
之後個一個星期
我一直陪住佢 不斷同佢傾計 趁佢屋企冇人就上去做愛
係我一生中最快樂 最開心既時光
 
女同學要走前一日 我地有仲見面 我話第二日要去送佢機 但佢堅持唔好
佢仲話:「我阿媽仲認得你 而且我始終都係要走」
 
我唔知講咩好 靜左幾秒之後 佢送左一本書比我




「我本來打算讀econ 買左好多關於econ既書 但而家用唔著 送比你啦」
我冇心情理本書 就咁放左入袋就算 我唔想睇書 我淨係想珍惜同佢一齊既每一分每一秒
 
我上網研究 去英國既飛機會係香港經過咩位置
佢飛個日 我係其中一點坐低 我望住個天 想目送佢離開
雖然我應承佢 會等佢番黎 但其實連我自己都唔知道 我可以等到幾耐
 
我抬頭望天 我而家相信一切都由上天主宰
假如當初我冇係個個位睇波 或者個排球打歪少少 我冇比佢撞跌
今時今日 我地既發展可能會完全唔一樣




亦可能 我同佢 會有更多美好既回憶
自然 那又是另一個故事了。
 
我忽然醒起佢送左本書比我 我係個袋度拎番出黎
見到個書名係 《經濟學家 JSMill: 一生的起起伏伏》
我輕輕嘆氣 世上恐怕冇人既經歷 比我呢段更起起伏伏了。
 
我望左成日 萬里晴空 始終見唔到有飛機飛過 無法目送女同學離開
或者架飛機既目的地 唔係倫敦 而係我一生中永遠無法到達既彼崖。
 




(全文完)