F5個年我比女同學撞親JJ: 第二十二章 命運常幻變

第二十二章 命運常幻變
 
我又一次戰勝命運!
我一早估計到 會有突擊大搜查 命運要沒收我部電話
於是我提早將我想送比女神個部電話收埋底褲入面
 
冇人可以阻止我送部電話比女神!
 
我已經有成幾十個後備方案 應付突如其來既海嘯同地震!
總知 今日放學 我一定要見到女神!




 
個日下午風平浪靜 我亦平安無事
肥婆件pe衫真係唔見左 一放學佢就周圍搵件衫 我亦因此甩難
放學個陣 我一打鐘就跑左出去 企係學校門口度等女神放學
 
學校冇後門 除非佢爬圍欄走 如果唔係我一定會見到佢
我等左半個鐘左右 女神終於同件柒頭班長一齊出現
 
我行埋去 推開個件柒頭 今次我有注意力度
我拉住女同學 行開兩步 話比佢知:「我有d野想送比你!」




女同學好似一早知道我想送野比佢咁
佢毫不驚喜:「就係個部nokia 3310呀? 幾cute呀」
 
女同學以為我想送部nokia3310比佢
「哈哈哈哈!」我忍唔住笑左出聲 因為我知道佢誤會左
部nokia係送比肥婆既 點會送比佢
真正送比佢個部 係同佢原本個部一樣型號既電話
最重要係 部電話入面有我想同佢講既野
 
當我一拎部電話出黎個陣 訓導主任就係校門口出現




「仲捕你唔到?」訓導主任對住我冷笑
又係呢d冷笑 令我成身震晒
 
「你係門口等同學半個鐘 我都係門口gup左你半個鐘呀」
訓導主任原來一直望實我
佢繼續解釋:「如果唔係你偷左阿肥件衫 我今日就唔洗趁lunch落黎搜書包」
之後個句 佢細細聲咁講:「更重要既係 今日lunch我本來想同我心愛既人表白 就係你搞破壞!」
 
全校都知道訓導主任追緊8婆社工 但勢估唔到佢今日先黎表白
 
我試圖解釋比訓導主任聽 我冇偷到肥婆件衫
但佢唔聽我解釋 再次沒收左我部電話
 
「呢部電話唔係你平日用開個部喎! 肯定冇向學校申報啦 嘻嘻」
訓導主任如獲至寶 令我諗起抄牌個班交通警




我唯有講句:「比次機會啦 阿sir」
訓導主任冇理我:「一日收你兩部電話 都算係奇蹟」
 
我跟佢入學校 記埋個缺點 眼白白睇住女同學同柒頭班長成雙成對咁走左
訓導主任見到我咁傷心 唯有講d野打圓場:
「唔洗羨慕人地成雙成對 你d缺點都係」