F5個年我比女同學撞親JJ: 第十七章 肥豬肉

第十七章 肥豬肉
 
之後我都唔敢上女同學度 怕左戇鳩細佬同顛雞伯母
亦冇向佢表白 一黎我唔敢
二黎 對於自己曾經傷害過佢 我好內疚 要為佢做番d野先得
三黎 就快會考 佢明示、暗示暫時想專心溫書
 
但我亦要保持同女神既親密關係先得
第一步我要多d時間陪佢 首先要搞走個肥婆先 佢繼續用情緒病呢個藉口痴實我
我根本冇時間陪女神


眼見靚仔班長同佢越來越frd 有講有笑 而且靚仔班長可以上佢屋企溫習 但我就唔得
再咁發展落去 女同學會唔會又幫靚仔班長打j嫁?
 
情急之下我唯有做d野
 
個日中午 我去買一件加x1000000000000大碼既pe衫 之後再買左一舊肥豬肉
渣晒d肥豬肉既肉汁出黎 再用件衫索晒d肉汁
我拎起件衫聞一聞 熟悉既味道又再重現! 冇錯 就係呢陣豬油味
 
我既計劃 亦成功左一半!


 
「其實偷你件衫既人 唔係我」我約左死肥西1點係操場度等
個陣烈日當空 我就係想曬死件肥西
 
「冇可能! 你個日明明話係你暗戀我...」肥婆唔肯聽 我唯有努力解釋:
「個日唔想你有事 我先咁講。阿肥 你係我最好既朋友 但係我唔值得你咁深愛我」
肥婆極度驚訝 o晒咀 我從來未見過一個口可以大到咁
佢表情極度失望 面上d肥肉好似就快崩塌
D汗亦好似尼亞加拉瀑布咁湧出黎
 


「偷你件衫既人 係男班長!」我掩住良心咁講
一聽到係靚仔班長 肥婆由失望變到極度亢奮 當中轉變過程唔洗兩秒
 
佢面上既肥肉好似又有番生機咁 朝氣勃勃
「但係個日明明搵過佢書包 都冇發現!」肥婆總算仲有少少理智 又未完全豬西得晒
我都係有備而來:「係 但係我個書包一樣都冇發現呀」
「男班長當日利用運送功課比老師既時機」我繼續解釋:
「將你件衫收左係教員室外面既功課簿櫃 避開老師搜查 唔信你去望下」
 
肥婆一聽到呢個消息 就跑去教員室 佢每跑一步都地動山搖
去到教員室門外 佢去到用黎收集我地班功課個個櫃 發現一個膠袋
肥婆將入面既野拎出黎 我一早知會有陣惡臭撲鼻 於是戴上一早準備好既口罩
 
當時我以為自己天衣無縫既計劃就此成功左
點知 我始終都係敵唔過命運既播弄