請先讓乘客落車 please let passengers alight first!(至第廿六章): 第十五章

「請先讓乘客落車 please let passengers alight first!」（第十五章）

「我地係喺2046年返黎依個空間…. 」

 第一至十四章: http://bit.ly/2aTgRST

********************************************************

2046......？？？拍戲咩？唔好玩我啦！





「2046年？你講笑咩？！」我覺得阿雪媽咪可能被黑頭盔人電暈左先亂噏嘢。

「我冇講笑呀！我地的而且確係來自2046年。你同我都係！」阿雪媽咪個樣好認
真下。

「咁你話我知，我地到底係點樣返黎吖？」基本上若果係之前我已經唔會相信阿雪
媽咪講嘅嘢。

「我地係用時光機返黎嘅。」





「哈哈哈哈哈….. 時光機…哈哈哈….!! 你唔好玩啦!」我實在忍唔住笑左出黎。

阿雪媽咪捲起佢後頸d頭髮，佢後頸上面有個好似SIM Card 嘅金色紋身。紋身呈

長方形，大概10mm * 5mm。

「依個紋係身份證明，我地所有嘅資料喺哂入面。 」

「車！依個你講唧，我點知真定假！」





「你信唔信都好，你自己後頸都有一個。」

我即刻攞手機影自己條頸，睇返手機，竟然真係有個阿雪媽咪所講嘅長方形金色紋身。

「冇可能嘅! 如果我真係同你一樣喺2046年返黎嘅話，咁點解我對你完全冇印象? 」

「依個我都仲要返去個LAB研究。」

「LAB? 」

「係呀! Oh，係喎，唔記得你冇左記憶添。我係美國普林斯頓高等研究院實驗物理

學教授。我主要係做有關量子學同相對論嘅實驗，時光機係其中一樣。」

量子學? 相對論? 時光機? 大佬呀! 我三個月前都仲喺7仔打工，而家都只不過係





一個波板糖人。我完全唔知佢噏乜!

「我淨係想知點解你話我會同你返左黎2016年JA!」

「你以前係我其中一位學生，你每年嘅成績都係全國第一，之後你被政府挑選左

成為特工。國家知道佢地資助我研究嘅時光機成功返到過去...」

「咪住先！你話你之前返到過去？ 你係咪去過1997年呀？」我醒返起除哥俾我張相...

「係呀!」

「但係....你果時...唔係已經死左喇咩？」我諗返起喺警崗入面個file...





「ER...係咁嘅。因為當時出左少少問題，我被發現左我唔係果個年代嘅人，當時嘅

政府想捉我黎研究，我要扮死先luck到身。」

「所以警察仲一直keep住你個file! 」

「如果我唔扮死，我就返唔到去2046年，亦因為呢個原故，我返去之後一路都冇見

過阿雪同阿飛，怕連累佢地。」原來係咁所以阿雪一直都以為佢媽咪已經死左...

「咁但係...你話我係特工，同你研究到時光機，你咁講係咩意思? 」

「本來我地係受國家委託返黎2016年，進行一項維護國家安全嘅任務，不過因為

我被HARMY叛軍捉左，佢地迫我返黎改變歷史。我估你應該係睇到我嘅留言然後





跟住返黎...」

「HARMY叛軍? 」

「即係H-ARMY，佢地係一班反政府嘅叛軍，佢地好多都係半人半機械人。」

「係咪戴住黑色頭盔，全身都係黑色，然後腰果度有個金屬H字扣果班? 」

「係，我地本來返黎2016年就係為左阻止HARMY軍嘅崛起。」

阿雪媽咪講到依度，突然聽到腳步聲喺走廊傳過黎。

第十五章 完。待續...
 *********************************************************************





如想知道最新故事發展或對故事有任何提問, 可以輕輕like下 小弟 Facebook page 同留言~

Facebook:https://www.facebook.com/peoplelaughmetoocrazy/

同步連載:
紙言：http://bit.ly/2b1ZCRp
Discuss: http://bit.ly/2bLNrYy
Penana: http://bit.ly/2bX5tay (同步中)