請先讓乘客落車 please let passengers alight first!(至第廿六章): 第廿六章
「請先讓乘客落車 please let passengers alight first! 」（第廿六章）
其實自從喺2016年見到阿雪之後，唔知點解，我一直都忘記唔到佢，到我見到
同佢嘅合照，我開始相信我係一早就已經認識阿雪…無論點都好，我都要搵返
佢!
「咯咯咯…!」突然有人喺出面敲門。
第一至廿五章: http://bit.ly/2aTgRST
**************************************************
「咔喳！」 明仔將中指同拇指擦一擦，道門應聽開左，我好奇會係邊個入黎，
所以都不期然望去門口度。
「Daddy 我返黎喇！！」係一把男仔聲，佢將門推開...
「吓...？？？」 當門被推開嘅時候，喺我眼前出現左一個男仔，一個我識得嘅
男仔，一個我曾經救過嘅男仔。
無錯！佢係阿飛！佢一定係...
「阿飛？？」
「咦？ 琛哥？ 你都返左黎呀！我同家姊仲擔心緊你呀！驚你唔夠d HARMY軍
打...」
「ER.....係呀！我同教授同Benny一齊返左黎...」我一時見返阿飛，有d不知所
措。
「哦..咁就好喇，嘩你真係好犀利喎，黑頭盔人都唔係你對手！Daddy 你知唔
知呀，阿琛哥一句話要出去救人，就衝左出去，幾勇呀！」
我左右掃一掃後頸，尷尬咁頭望地。
「係呀？ 哈哈...嘩...琛仔，估唔到你咁堅喎。 」
「係呀，佢叫我同家姊留喺個駕駛室入面唔好出黎，好在有琛哥炸，如果唔係
我實俾佢地捉左去。」
「係喇，阿飛，咁之後你係點返黎架？」我反而想知我離開佢地之後發生左乜
事。
「其實琛哥你出去救人無耐，我同家姊一直都留喺入面，我地一路等一路等見
出面都冇動靜，大概等左一個鐘左右， 有一班人衝左入黎，將我同家姊救左。
然後我地就返左嚟喇。嘩，琛哥...」
「阿飛，你返左黎就好喇，我同琛哥有好多嘢要講，你出返去先啦！」明仔截
住阿飛。
「哦...」然後阿飛側頭細細聲喺我耳邊講：「家姐喺頂樓呀！」
我對住阿飛微笑咁點頭。
「陣間再傾過啦琛哥，拜拜！...我返出去先喇Daddy!」
「拜拜阿飛！」
「嗯！」明仔行返去自己位。
「咔喳！」明仔動一動手指又將道門上返鎖。間房又得返我同琛仔兩個。
明仔再坐返自己個位度，翹起雙手，神色凝重咁同我講。
「你知嗎，琛仔？ 我地呢五年都不斷被HARMY叛軍侵襲，我地國家安全局係
咁俾政府施壓，話我地辦事不力，要cut我地budget，唉...如果再咁落去，我分
分鐘都要執包袱走人...」
「明仔，你講依d俾我聽係想....」
「琛仔你果然係聰明人呀吓，嗱，我地其實已經知道HARMY 叛軍嘅弱點...」
「弱點？」
「嗯...拍拍！」明仔拍兩下手，天花突然有一堆文字浮出黎，每個字都發光！
咦，依堆字好似喺邊度見過咁嘅？...呀！我記得喇！好似喺教授佢果間房入
面，都有幅咁嘅相。
「Kryptos?」我想確認一下。
「你見過嗱琛仔？」
「ER...淨係喺教授間房見過一次。」我繼續望住天花。
「但係...明仔...依個同HARMY軍嘅弱點有咩關係？」
「其實喺三十年前，有位Dr.HUGO，佢係研究生物機械學，本來係為左幫一班
因為戰爭而失去手或者腳嘅士兵。佢幫依班士兵裝返d機械手臂同腳，本來政府
好支持，果班士兵亦可以繼續執勤。
但大概喺十年前，Dr.HUGO 經歷左一次意外，佢失去左佢嘅太太。之後佢嘅性
格就變得好怪，佢唔再幫政府不特止，仲控制成班半人半機
械嘅士兵，組成HARMY叛軍。」
「吓？佢點控制呀？」
「佢係用一組密碼嚟控制住。」
「密碼？咁我地知道係咩密碼未呀？」
「仲未，個密碼好復雜，我地用超級電腦反覆計左兩年都未計到。」明仔指住
個天花。
「個密碼就喺依度？」我問明仔。
「嗯！」
之前喺教授間房其實都冇認真望清楚，今次望真d，發覺原來個圖係由一個個英
文字母組合而成。
「咦? 幅圖係咪分左右兩邊架? 」
「冇錯! 左邊有865個字母，而右邊就有867個。我地相信個密碼係控制HARMY
軍嘅關鍵，所以只要我地知道個密碼係咩嘅話，我地就可以控制返HARMY軍。
但係…到而家我地都仲未破解到…」
「咁堆密碼同2016年又有咩關係呢? 」
「其實當初Dr.Hugo設計依d機械臂嘅時候，為左可以令佢地更自如咁操作，佢
將依d機械嘅晶片連接人類嘅大腦神經。而後來當Dr.Hugo經歷左果次意外之
後，佢就將個晶片系統重寫然後再加密碼，變左只有佢一個可以利用晶片而遙
距控制班黑頭盔人…」
「原來係咁….，咁幅密碼圖….」
「係我地兩年前喺佢其中一個基地搵到。而我地亦一路都冇Dr.Hugo嘅蹤影…」
「即係話，依堆密碼就係我地唯一嘅線索…!」
明仔無奈咁點頭…而我亦一路望住堆密麻麻嘅英文字母。左面其中一堆係咁:
ABCDEFGHIJKLMNOPQRSTUVWXYZABCD
AKRYPTOSABCDEFGHIJLMNQUVWXZKRYP
BRYPTOSABCDEFGHIJLMNQUVWXZKRYPT
CYPTOSABCDEFGHIJLMNQUVWXZKRYPTO
DPTOSABCDEFGHIJLMNQUVWXZKRYPTOS
ETOSABCDEFGHIJLMNQUVWXZKRYPTOSA
FOSABCDEFGHIJLMNQUVWXZKRYPTOSAB
GSABCDEFGHIJLMNQUVWXZKRYPTOSABC
HABCDEFGHIJLMNQUVWXZKRYPTOSABCD
IBCDEFGHIJLMNQUVWXZKRYPTOSABCDE
JCDEFGHIJLMNQUVWXZKRYPTOSABCDEF
KDEFGHIJLMNQUVWXZKRYPTOSABCDEFG
LEFGHIJLMNQUVWXZKRYPTOSABCDEFGH
MFGHIJLMNQUVWXZKRYPTOSABCDEFGHI
第廿六章 完。待續...
*********************************************************************
如想知道最新故事發展或對故事有任何提問, 可以輕輕like下 小弟 Facebook page 同留言~
Facebook:https://www.facebook.com/peoplelaughmetoocrazy/
同步連載:
紙言：http://bit.ly/2b1ZCRp
Discuss: http://bit.ly/2bLNrYy
Penana: http://bit.ly/2bX5tay