我做電話投注，每晚都會接到同一個女人來電: 第二十五章
到我們到了地下大堂走出馬場的大門，見到高涼介正半倚著路邊欄杆拿著香煙吞雲吐霧；他一見到我們三人出來，就興奮得大叫：「嘩你地死唔去呀？」
我還未來得及白他一眼，他看到我懷中昏迷不醒的Michelle又叫道：「你地唔洗玩到咁激呀？搞到條女暈埋？」
我聽到這個不期然覺得很落漠，低下頭不再想說什麼。黃子軒也正色對高涼介道：「咪玩啦，出左事啦。」
這時高涼介才收起玩笑。玩時玩、認真時認真是他的優點，他二話不說就跑到跑車上，打開車門及摺起前座椅子，讓我先和Michelle坐進後座，然後他才和黃子軒一起坐上前座。
我才剛放下Michelle及為她扣好安全帶，便覺得手臂突然極為酸痛，幾乎拿不起來；黃子軒從倒後鏡見到我的狀況，便笑道：「哈哈，呢個係我岩岩用內功激發你潛能既代價；放心啦，一陣就無事。」
我不禁苦笑問：「乜內功唔係好似武俠小說咁可以係咁過俾人咩？」
「唔好意思，呢本係靈異小說。」黃子軒歉意道：「拍下你就有內功？邊有咁兒戲。」
「咁我地而家係咪去重光？」說到底，我根本就不了解他所在的世界，便將話題拉回正經事上。
「重光？咩重光呀？」高涼介插嘴問，畢竟，作為司機的他最重視當然是目的地。
「重光精神病院呀，」黃子軒客氣地對他道：「靠曬你啦涼介哥。」
「無問題，坐穩啦。」高涼介爽快應著，便發動車子直駛而去。
在路程中，黃子軒一開始便對涼介交待了Michelle為何會失去意識，更重要的，是他也向我解釋了他在電話投注中心出現之前發生的事。
原來，當他為我和Michelle斷後守著宿舍後門不久，便開始發覺自己中計了。
他本來一直以為可欣的目標是單純想要我，但原來事實是，可欣的目標更是身為絕陰體的Michelle。
「我有聽過你師兄講過咩絕陰體好似好勁咁，但點解一定要搵佢？」我不禁插嘴問。
「你覺得Michelle有咩特別既地方？」黃子軒反問。
「我知！佢特別索！」說到美女，高涼介便興奮回答，令黃子軒不禁白了他一眼。
我當然不會信這種兒戲的答案，但也想不通為何可欣千方百計要Michelle的身體。
「因為，佢實際上只可以將意識轉移落Michelle度！」黃子軒認真道，但聽起來卻非常滑稽；因為我們一直在談論玄學的東西，但他卻用上了「意識轉移」這種科學⋯不⋯科幻化的詞語。
不過，我在剎那間就明白了一切，可欣以往那些不合理的舉動也可以理解了。
難怪她一直只是靠電話去控制人而非直接上人身（還是這個玄學詞語既簡單又傳神），因為她根本就不能！
「你即係話，佢只可以上絕陰體身？」我小聲問著。
「可以咁講，」黃子軒點頭讚許道：「而且，就算佢一直以黎，都只可以用你附近既電話去催眠人⋯」
「用電話就可以催眠？」我驚訝地問，那些心理學家催眠人時不是需要很多道具搖來搖去嗎？
「人既意志本來就好易俾外界影響，」黃子軒突然科學家上身：「如果技術足夠，單靠包聲已經可以催眠人，尤其係電話，佢本身就由電話線去傳訊號，人既精神力，轉化成電池波，透過電線去轉播，唔係解釋唔到丫。」
幸好我也是理學院學生，才能聽明白他所說的話，但我又問：「咁點解佢一定要搵我？」
「可能你個腦電波頻率同佢果個咩死鬼男朋友似掛，」黃子軒不可置否地道：「始終而家科學對靈魂既知識同零無分別，好多野我都係靠研究茅山同暗示，再科學化咁去理解。」
「咁⋯你唔係想講⋯由頭到尾都無鬼呀？」我有點難以置信地道。
「咁又唔係，」黃子軒笑道：「起碼你都撞過辮子姑娘啦；丫係呀，唔該曬你幫我拎番支護身法杵上黎。」他說完便自口袋中拿出法杵來把玩，但現在它不再發光，表面還好像有點焦黑。
「係喎，呢支野好神奇啊，一野就整低曬啲人。」我讚嘆道，又問：「但點解你丟左佢落水既？」
「咪就係用黎淨化辮子姑娘既怨氣，」他答：「我估佢都應該乜都諗通架啦，咪叫你如果有危險咪試下搵佢幫？」
「你估？應⋯應該？咁如果你估錯我咪⋯」我大驚，原來他也只是猜的，若果辮子姑娘還是很憤怒，那我豈不是⋯
「但你最後都無事係咪？即係我岩啦。」黃子軒理所當然道，我卻越來越覺得他原來不是那麼可靠。
「咁你而家⋯恢復左功力？」我只好說過別的。
「講還講，呢下我真係要多謝你，」黃子軒卻極為高興地道：「如果唔係有你呢單野，師傅都唔會留呢啲咁重要既野俾我。」
「即係⋯」我真的很好奇那道符和法杵的真正作用是什麼。
「我而家恢復左純陽體啦！」黃子軒愉快地道。
「吓？即係你又變番唔得？」高涼介插嘴道，卻令黃子軒本來笑著的臉變得十分尷尬。
「你就唔得！呢個係茅山禁技黎架，同以前果個谷出黎既純陽體唔同！」他漲紅了臉反駁，好像對此極為在意。
「即係⋯你以前唔得架？」我好死不死的加問了一句，然而，從黃子軒死灰的臉上，我已看出答案。
「哈⋯」我很想笑但又不想取笑我這位好朋友，難怪高涼介說他一天也不想當純陽體，那真是個天大的代價。
不過，這時車了停下來了。也使我的心沉重起來。
那是一個小建築群，被石牆圍著，只有鐵閘上的「重光精神病院」六個大字標示著，我們已到達目的地。