「續寫」無啦啦多左幾個家姐同阿妺: 衝突
七日既提名期，好快就結束。
聽學生會公佈話最後有成五個內閣參選，多得誇張。
呢段日子，大家都係度討論緊d競選策略咁，個個都好認真，好似非贏不可咁。
每日放學都留到六點，為既就係傾唔同既政綱。
大家都知道，我地呢個「Knights」既目標係消除歧視，即係話要抹走學校入面不可視既階級制度。
咁亦代表住我地既目標選民係我地學校入面既窮撚同中產。
之前阿威都有提過，我地學校入面既窮撚同中產佔四成左右。
若然呢四成人都選擇投我地「Knights」的話，係五個內閣相爭的情況下，我地會好有利。
你以為呢D分析得咁好又咁有腦既野係我講？梗係唔係啦，Alex講架。
大家聽到Alex咁講之後都好有信心同力量，做野都特別落力。
好快大家就做起左Banner吖，傳單吖，甚至連Facebook page都開左。
每日大家都好早返到去學校，為既就係係學校門口向同學拉票。
所有野望落都好順利。
好似好順利。
日日都搞既拉票，加上我地標榜變革同消除歧視令我地好快累積到一定既人氣。
好多人係Facebook上亦表態話會支持我地，搞到我地個個都鬼咁開心，覺得我地一定可以贏到。
直到問答大會既前兩日，一個Whatsapp令所有野都突然唔同哂。
我果陣係屋企同Sarah,Yui，羽晨仲有大家姐係大家姐間房玩緊大富翁。
正當我做緊地主unun腳等收租個陣，我收到個Whatsapp。
呢個Whataspp係send去我地候選內閣個grp度。
個msg係咁：
「突發！「Sky」，「Faith」仲有「Red」三個候選內閣係Facebook突然宣布退選！」
我睇到呢個msg之後嚇到手上既錢都跌哂出黎，羽晨仲要執走左佢。
只有Sarah同Yui意識到有事發生，Sarah即刻拎起電話睇。
我D魂魄都未返哂黎，個Grp又彈左個msg出黎。
「最仆街既係呢三個內閣話全力支持Light呀！
」 屌！！即係分明要做死我地啫。
Sarah：「係Ellen..」
我：「應該都係佢啦，最大得益者係佢。」
Sarah：「咁點算好？」
我：「Anna應該..」
「手機響鈴來留名~」
都未講完，電話就響，係Anna打黎。
咁岩呢個時候二家姐又走左入黎，話有同學搵Sarah，Sarah就出左去。
我：「喂點吖Anna姐而家好大件事喎。」
Anna：「唔算，咁仲好，我聽日會比份野你，你同我背熟佢，後日有用仲好重要。」
佢講完就cut左線。
我仲以為佢會激動到講哂粗口添..反應比我想象中更平靜喎…
不過自從話搞學生會之後Anna就成個人變哂，成個女強人咁笑都唔多笑。
學生會真係有咁重要咩？我都係鐘意以前大家一齊玩一齊笑咁，開心好多，起碼無壓力。
Sarah：「阿明。」
掛住諗Anna既事連Sarah幾時返左黎我都唔知添。
我：「點呀Sarah~~」
我笑住咁行埋去想抱佢，點知比佢推開左，眼神好似想同我講係呢度唔好咁。
怕乜啫大家姐都知架啦，羽晨又仲細唔識野。
不過既然佢唔想，我都無謂逼。
我：「做乜？」
Sarah：「Ellie佢..」
佢講果陣眼神望下後面，我估應該係Ellie黎左，所以我推開左道門，果然係Ellie。
我：「咦Ellie因乜解究你一袋二袋咁？宣傳單張黎？
」 Ellie：「其實我同我家姐反左面..我離家出走..」
「你可唔可以收留我？
」 講笑咋？？
我嚇到o哂嘴，一時之間比唔到反應。
不過我諗正常人無啦啦有個女仔話自己離家出走想你收留佢都會有咁既反應啦係咪先。
咦，咪住先，我都已經試過無啦啦多左幾個家姐同細妹啦，應該對呢種情況見慣不怪啦。
唉我做乜又無啦啦自己係度諗野。
我：「Eh...呢D野我話唔到事，我地父母又去左旅行，我諗要問下我大家姐..」
大家姐：「你係阿明同Sarah既朋友吖原來？好吖歡迎你吖！玩唔玩大富翁吖你？
」
你好歹都諗下先答吖大家姐…
Ellie：「我唔玩啦，不過真係好多謝你地，eh..我應該點叫你地好..」
大家姐：「跟佢地咁叫我大家姐得啦~~阿May，帶佢去空既睡房啦。」
二家姐：「哦，呢邊啦。」
二家姐木口木臉咁帶走左Ellie，羽晨又跟左上去，留低我，Sarah，Yui仲有大家姐四個。
大家姐：「阿明你又幾受女仔歡迎喎，又會人地離家出走第一時間諗到搵你既~~
」
大家姐咁講擺明想我死啫，Yui同Sarah已經望住我啦！
「好期待會係邊個做我弟婦啊~~唉我要訓啦你地出返去！
」
大家姐一邊講一邊笑住咁推左我地三個出佢房，簡直就好似親手推我去死咁。
大家姐一閂埋房門，我已經被Yui同Sarah捉到實一實。
Sarah：「阿明你係咪鐘意Ellie？」
我：「eh..我對佢就無乜特別感覺既，但係佢對我係點我就唔知喇。」
Yui：「咁若然佢同你表白你會點做？」
我：「嘩你兩個已經開始呷醋啦？咁有戒心？」
Sarah：「答我啊。
」
佢用力捉左我一下，痛到我標眼水。
我：「咁就要睇到時我想唔想分我既愛比佢喇。
」
留後路比我自己係最好既。
我講完之後佢兩個都即刻鬆開手，我好似會無事。
Sarah：「唔理你啦，我去搵Ellie！ 」
Yui：「我去睇下有無野要幫手。」
佢兩條友講完之後就dup低我一個一齊走左去。
佢地嬲定唔嬲，我唔清楚。
第二朝我係俾閙鐘叫起身，無人敲我房門叫醒我之類。
我起左身好耐，換好哂校服一直望住個門口，但好耐都無人敲我門。
正當我打算放棄，起身準備落去食早餐個陣，有人開左我道門。
要來的，總要來的。
但係，開門既係二家姐。
二家姐：「喂，落去食早餐啦。 」
我：「哦，哦..」
唉，失望。
我死死地氣咁接受現實，吊住二家姐尾咁落去飯廳，見到Sarah,Ellie,Yui三個已經坐左係度。
佢三個仲有羽晨係度傾偈傾到好開心，笑到卡卡聲。
睇到佢地傾得咁開心，唔知點解我個心硬係有少少唔高興。
硬係覺得Yui同Sarah好似dup低左我唔理咁，明明Ellie係女仔，但我都妒忌。
呢種心情係我心入面揮之不去，好似一條刺咁，搞到我成餐早餐都無心情食。
最乞人憎既係，明明我已經做到出哂面，佢兩個一d反應都無，繼續細聲講大聲笑。
我嬲爆爆咁出門口上車，Sarah居然仲繼續同Ellie吹水，理都唔理我。
哇，嬲到上眼呀真係，理都唔理下個男朋友都有既，真係吖。
一到學校我就一支箭咁落車打算衝入學校，點知有一大班人企左係學校門口阻左條路。
咁早就咁多人？唔通係助選團？
不過，Light個助選團有咁多人架咩？
「早晨吖阿明，我細妹Ellie無打擾到你嘛？」
有把聲係堆人入面傳出，不過咁多人，我一時之間都搵唔到Ellen係邊度。
點解我知係Ellen？因為佢話「我細妹Ellie」囉。
Search左一陣之後，我先搵到佢，原來企左係正中間。
我：「我諗唔阻既，呢到咁多人既發生乜事。」
Ellen：「唔？佢地係我地Light既助選團吖。」
咁多人！？
我開始仔細咁望助選團入面既人，發現原來大部分人都係之前話退出既三個內閣既人。
居然由競爭對手變到做埋自己既助選團..我真係愈來愈覺得Ellen呢個人好恐怖。
Ellen：「所以而家就只係得番我同你咋阿明。」
得番我同你？大佬你咁講我有少少尷尬喎..
Ellie：「係吖家姐你講得岩吖，而家就只係得番我同你咋。」
Ellie！！！
Ellen：「難得喎Ellie，你今次居然敢正面頂撞我，明明以前只係一味逃避。」
Ellie：「因為我覺得經過咁多事，我都可以有機會贏你，同我班朋友一齊。」
Ellen：「好吖，睇下點。」
Ellen講完之後就帶埋佢批「軍隊」行埋一邊set banner set盛，我同Ellie仲有Sarah就去左另一邊。
我挨係牆邊睇Ellen佢地set野，真係覺得好誇張。
無論係人數，物資，人地既規範都大過我地好多。
只係朝早既宣傳，居然起左兩個攤位出黎，仲有兩個mon去展示自己既政綱，痴撚線。
我：「我諗我地都幾難羸，人地個勢咁勁。」
「唔好係度講埋哂D助長他人志氣既說話！你係我地既主席黎架！
」
唉吖，一朝早就激嬲左Anna添。
係，鬧我既人係Anna，佢揸住張紙嬲爆爆咁同阿威阿惠行緊埋黎。
我：「我講事實啫。」
Anna：「選學生會靠門面功夫架咩？靠政綱架嘛！拎住！ 」
佢隊左張紙埋黎，我乖乖咁收左。
我：「你尋晚講既就係呢樣？咩黎架。」
Anna：「聽日質詢會用到既野，係我地唔可以錯過既機會，好好背熟佢，明未？」
我：「係，我明白了。」
照Anna個氣勢，睇黎聽日會有一場激烈既衝突啊…
不過我諗正常人無啦啦有個女仔話自己離家出走想你收留佢都會有咁既反應啦係咪先。
咦，咪住先，我都已經試過無啦啦多左幾個家姐同細妹啦，應該對呢種情況見慣不怪啦。
唉我做乜又無啦啦自己係度諗野。
我：「Eh...呢D野我話唔到事，我地父母又去左旅行，我諗要問下我大家姐..」
大家姐：「你係阿明同Sarah既朋友吖原來？好吖歡迎你吖！玩唔玩大富翁吖你？
」 你好歹都諗下先答吖大家姐…
Ellie：「我唔玩啦，不過真係好多謝你地，eh..我應該點叫你地好..」
大家姐：「跟佢地咁叫我大家姐得啦~~阿May，帶佢去空既睡房啦。」
二家姐：「哦，呢邊啦。」
二家姐木口木臉咁帶走左Ellie，羽晨又跟左上去，留低我，Sarah，Yui仲有大家姐四個。
大家姐：「阿明你又幾受女仔歡迎喎，又會人地離家出走第一時間諗到搵你既~~
」 大家姐咁講擺明想我死啫，Yui同Sarah已經望住我啦！
「好期待會係邊個做我弟婦啊~~唉我要訓啦你地出返去！
」 大家姐一邊講一邊笑住咁推左我地三個出佢房，簡直就好似親手推我去死咁。
大家姐一閂埋房門，我已經被Yui同Sarah捉到實一實。
Sarah：「阿明你係咪鐘意Ellie？」
我：「eh..我對佢就無乜特別感覺既，但係佢對我係點我就唔知喇。」
Yui：「咁若然佢同你表白你會點做？」
我：「嘩你兩個已經開始呷醋啦？咁有戒心？」
Sarah：「答我啊。
」 佢用力捉左我一下，痛到我標眼水。
我：「咁就要睇到時我想唔想分我既愛比佢喇。
」 留後路比我自己係最好既。
我講完之後佢兩個都即刻鬆開手，我好似會無事。
Sarah：「唔理你啦，我去搵Ellie！
」 Yui：「我去睇下有無野要幫手。」
佢兩條友講完之後就dup低我一個一齊走左去。
佢地嬲定唔嬲，我唔清楚。
第二朝我係俾閙鐘叫起身，無人敲我房門叫醒我之類。
我起左身好耐，換好哂校服一直望住個門口，但好耐都無人敲我門。
正當我打算放棄，起身準備落去食早餐個陣，有人開左我道門。
要來的，總要來的。
但係，開門既係二家姐。
二家姐：「喂，落去食早餐啦。
」 我：「哦，哦..」
唉，失望。
我死死地氣咁接受現實，吊住二家姐尾咁落去飯廳，見到Sarah,Ellie,Yui三個已經坐左係度。
佢三個仲有羽晨係度傾偈傾到好開心，笑到卡卡聲。
睇到佢地傾得咁開心，唔知點解我個心硬係有少少唔高興。
硬係覺得Yui同Sarah好似dup低左我唔理咁，明明Ellie係女仔，但我都妒忌。
呢種心情係我心入面揮之不去，好似一條刺咁，搞到我成餐早餐都無心情食。
最乞人憎既係，明明我已經做到出哂面，佢兩個一d反應都無，繼續細聲講大聲笑。
我嬲爆爆咁出門口上車，Sarah居然仲繼續同Ellie吹水，理都唔理我。
哇，嬲到上眼呀真係，理都唔理下個男朋友都有既，真係吖。
一到學校我就一支箭咁落車打算衝入學校，點知有一大班人企左係學校門口阻左條路。
咁早就咁多人？唔通係助選團？
不過，Light個助選團有咁多人架咩？
「早晨吖阿明，我細妹Ellie無打擾到你嘛？」
有把聲係堆人入面傳出，不過咁多人，我一時之間都搵唔到Ellen係邊度。
點解我知係Ellen？因為佢話「我細妹Ellie」囉。
Search左一陣之後，我先搵到佢，原來企左係正中間。
我：「我諗唔阻既，呢到咁多人既發生乜事。」
Ellen：「唔？佢地係我地Light既助選團吖。」
咁多人！？
我開始仔細咁望助選團入面既人，發現原來大部分人都係之前話退出既三個內閣既人。
居然由競爭對手變到做埋自己既助選團..我真係愈來愈覺得Ellen呢個人好恐怖。
Ellen：「所以而家就只係得番我同你咋阿明。」
得番我同你？大佬你咁講我有少少尷尬喎..
Ellie：「係吖家姐你講得岩吖，而家就只係得番我同你咋。」
Ellie！！！
Ellen：「難得喎Ellie，你今次居然敢正面頂撞我，明明以前只係一味逃避。」
Ellie：「因為我覺得經過咁多事，我都可以有機會贏你，同我班朋友一齊。」
Ellen：「好吖，睇下點。」
Ellen講完之後就帶埋佢批「軍隊」行埋一邊set banner set盛，我同Ellie仲有Sarah就去左另一邊。
我挨係牆邊睇Ellen佢地set野，真係覺得好誇張。
無論係人數，物資，人地既規範都大過我地好多。
只係朝早既宣傳，居然起左兩個攤位出黎，仲有兩個mon去展示自己既政綱，痴撚線。
我：「我諗我地都幾難羸，人地個勢咁勁。」
「唔好係度講埋哂D助長他人志氣既說話！你係我地既主席黎架！
」 唉吖，一朝早就激嬲左Anna添。
係，鬧我既人係Anna，佢揸住張紙嬲爆爆咁同阿威阿惠行緊埋黎。
我：「我講事實啫。」
Anna：「選學生會靠門面功夫架咩？靠政綱架嘛！拎住！
」 佢隊左張紙埋黎，我乖乖咁收左。
我：「你尋晚講既就係呢樣？咩黎架。」
Anna：「聽日質詢會用到既野，係我地唔可以錯過既機會，好好背熟佢，明未？」
我：「係，我明白了。」
照Anna個氣勢，睇黎聽日會有一場激烈既衝突啊…