「續寫」無啦啦多左幾個家姐同阿妺: 生命
呢一星期，我每日都去佢地學校練波，Yui亦日日陪我去。
明明每日都好哂，但佢一句怨言都無，一直默默咁係旁邊睇。
練波真係非常辛苦，因為我同佢地既水平實在差太遠，我要追上佢地非常困難。
雖然佢地不斷話我唔洗勉強，比賽既事佢地會搞掂，但我始終想自己出一分力。
畢竟，今次係我自己挑起既決鬥，無理由要人地完全幫我架。
今日就係練習既最後一日，大家練完都一齊去大排檔食飯，我同Yui亦參與其中。
Yui好似好少黎呢D地方，見佢全身都好唔自然，又係咁抹呢樣抹果樣咁。
我：「唔洗好似係屋企咁架，自然D，做返個普通女仔啦。」
Yui：「嗯…」
晨：「上次就係家姐啦！今次應該係女朋友啦掛！
」 藍洛晨夾起舊排骨無啦啦大叫，搞到其他人都望住我，Yui亦即係紅都面哂。
點答好呢？我又唔想話題Yui係我屋企既女僕，但究竟Yui係我家姐定係細妹呢？
正當我煩惱緊呢個問題既時候，有人開聲。
Cherry：「係唔係女朋友都唔關你地事啦，食飯啦。
」 之後全部人都重新全神貫注係食飯度，呢個女仔認真利害，可以hold全場。
食完飯之後，我打算去埋單當係答謝大家，所以我就借d依行開左去櫃檯埋單。
但當我去到櫃檯個陣，我見到藍洛晨交叉手企左係櫃檯旁邊。
晨：「唷，呢餐多謝哂。
」 點解佢好似乜都可以睇穿咁？？
我：「大家幫左我咁多，一餐飯算得係咩吖。」
晨：「唔~都係果句，多謝哂啦。係啦，我有少少野想同你傾，方便嘛？」
有野想同我傾？
我同佢離開左大牌檔，去左一個樓梯口，呢度一個人都無。
我：「有咩同我傾？關於後日既比賽？
」
晨：「唔係。」
我：「咁你想..」
晨：「你可唔可以話我知，你搞呢個比賽既目的係乜？」
我：「幫我家姐解除婚約。」
我諗都無諗就答左佢，因為根本唔洗諗。
晨：「仲有呢？」
我：「無喇，我一心就係為左幫我家姐解除婚約先部署左咁多野。」
晨：「嗯，係咁既話就好，希望真係咁，返去啦。 」
佢講完就走返去大牌檔，奇奇怪怪咁都唔知佢想點。
返到去，大家都已經準備好走。
晨：「大家都辛苦啦，星期一見喇我地，俾班不知所謂既矛鬼睇下咩先叫最強！
」
大家：「好！」
大家歡呼完就各散東西，我就同Yui去的士站坐的士。
好彩個的士司機無拒載，我地好快就上到車。
不過呢度返屋企都需要d時間，所以我選擇左用望風景去打發時間。
沿途既風景，令我諗左好多野。
星期一就可以解決一直纏繞住我地一家人既問題啦。
有藍洛晨佢地呢D咁勁既人，一定唔會輸。
到時就可以落仆街偉面，而家幻想到佢輸既樣我都忍唔到笑。
到時咩仇都報哂啦哈哈。
「阿明..」
Yui一句將我由幻想中抽出。
我：「咩事？ 」
Yui：「今晚餐飯..我好開心。
」
我：「嗯，我都係，D野食都幾好食，其實唔係下下要貴先好食既，大排檔都可以..」
Yui：「我唔係指D野食，我覺得咁多人咁樣一齊食飯，個氣氛好開心。」
係喎..今晚既人全部都係同我年齡差唔多，Yui又無平時係屋企既包袱，一定開心。
其實佢都幾辛苦，明明係個正值識朋友既年齡，但又要留係屋企poker face咁做女僕。
如果佢係一個普通家庭生活的話，會唔會更開心呢..
可能，呢d就係命運啦。
一條生命，可以改變到既其實好有限。
我可以做既就只有…
我：「有機會的話，我再同你去食好無？
」
我忍唔住摸下佢個頭。
Yui：「好吖！」
佢興奮到成個細路咁。
Yui咁容易就可以開心，但Sarah就永遠都好似憂憂鬱鬱咁，唉。
Yui：「頭先呢..有人問我係咪你女朋友啊。」
我：「係囉佢地都short short地既哈哈。」
Yui：「其實..我都好想可以做阿明你既女朋友..」
Eh？
我係咪聽錯？
空氣同時間突然靜止左咁。
的士佬：「到喇哥仔，百五唔該。
」
多謝你吖阿叔！！你救左我！
多得的士佬，沉默被打破，我急急咁俾錢就帶Yui落車。
我並無回答Yui既問題就入左屋企，因為我自己都好混亂，唔肯定自己頭先係咪聽錯。
我一支箭咁行返上房，完全無理身後既Yui。
應該話我怕望到佢而家既表情。
我硬係形住佢會用個一臉期待既樣望住我。
我暫時都未可以被呢D野影響，至少要過左星期一先。
當我行到去我間房果陣，我見到Sarah企左係度。
Sarah：「阿明你返黎嗱？」
佢既語氣好明快，好似以前一開始果陣咁，但都只係似。
我feel到佢係扮出黎。
希望係我多心啦。
我：「嗯，同Yui去左同班隊友食飯。」
Sarah：「哦~~可唔可以同三家姐我影張相？
」
…？
我無問原因，只係照做，同佢自拍左一張，從鏡頭中我發現Yui一早已經唔係我身後。
呼。
「笑~ 」
一張相就咁影好。
影左之後佢咩都無講，只係默默咁望住部電話。
我：「三家姐？」
「我會好好咁保存張相架。」
「如果我而家唔係曹曉晨，只係以前既賈曉晨就好啦。」
佢拋低呢句野之後就返左去自己房，留低我自己一個傻傻咁企係度。
今日大家都好似怪怪地咁既？
經過一日既休息，今日就係比賽既日子。
返到去學校，大家見到我都即刻同身邊既人咬耳仔，睇黎單野已經傳遍全校。
個仆街肯定以為自己已經穩操勝券先周圍向人講啦。
不過，睇住黎啦。
「阿明。」
咦？係Anna喎。
我：「早晨啊Anna姐。」
Anna：「聽你既語氣，好似對一陣場波好有信心咁喎。」
我：「當然，Sure win添吖我。」
Anna：「你話架，唔好輸吖，打死你架。」
我：「係啦。」
Lunch我選擇左同阿威阿惠仲有Anna四個人食，唔知點解好想同佢地食。
我地揀左去食譚仔，不過成餐都無人出聲，只係不停聽到雪雪聲。
唔好諗錯，係食米線既雪雪聲。
氣氛又唔可以話怪，不過我諗大家都係諗唔到有乜好講先唔出聲啫。
同我一齊食飯，已經係一種表態啦，邊洗再講d乜。
下晝既堂，好快上哂，一到放學所有人都向同一個方向跑去。
唔係我知果個方向有咩既話，我肯定會以為而家係《World War Z》。
果個方向，有我地學校既室內體育館，我同仆街偉就係約左係果度打。
我望一望錶，都覺得差唔多係時候，所以就去左學校門口打算接佢地。
接我既隊友。
果然，佢地好準時，我去到個陣佢地已經企左係度。
晨：「唷，要開始喇，你準備好未？」
準備好未？老實講我自己都唔知，我而家好緊張。
我：「我都唔知，不過真係好多謝大家，多謝大家幫我。」
我向佢地深深咁躬左一下躹。
晨：「呢D野等贏左先做啦，行啦我地。」
佢拍左我個頭一下，之後就帶住其他人向前行。
佢真係無改錯名，成個神咁。
我帶住佢地行入去體育館，一入去就聽到嘩嘩聲。
我估D嘩聲應該係嘩我可以班到咁多人返黎？
不過話時話，都好多人黎食花生，上層迫爆咁濟。
係，我學校既體育館係有兩層。
我再望一望返對面場，即係仆街偉果面，佢塊臉黑哂，肯定係因為見到藍洛晨啦。
咦？？藍洛晨佢幾時行左過去架？
魯路修：「唉，我有唔好既預感。 」
我地聽到魯路修咁講之後都即刻急急腳行上去，但好似遲左少少。
仆街偉：「你想賭乜？ 」
晨：「你輸左就跪地吠三聲，我輸的話..」
「我係呢度二樓跳落黎。 」
玩命？？？？去到咁盡？？
我：「有咩同我傾？關於後日既比賽？
」 晨：「唔係。」
我：「咁你想..」
晨：「你可唔可以話我知，你搞呢個比賽既目的係乜？」
我：「幫我家姐解除婚約。」
我諗都無諗就答左佢，因為根本唔洗諗。
晨：「仲有呢？」
我：「無喇，我一心就係為左幫我家姐解除婚約先部署左咁多野。」
晨：「嗯，係咁既話就好，希望真係咁，返去啦。
」 佢講完就走返去大牌檔，奇奇怪怪咁都唔知佢想點。
返到去，大家都已經準備好走。
晨：「大家都辛苦啦，星期一見喇我地，俾班不知所謂既矛鬼睇下咩先叫最強！
」 大家：「好！」
大家歡呼完就各散東西，我就同Yui去的士站坐的士。
好彩個的士司機無拒載，我地好快就上到車。
不過呢度返屋企都需要d時間，所以我選擇左用望風景去打發時間。
沿途既風景，令我諗左好多野。
星期一就可以解決一直纏繞住我地一家人既問題啦。
有藍洛晨佢地呢D咁勁既人，一定唔會輸。
到時就可以落仆街偉面，而家幻想到佢輸既樣我都忍唔到笑。
到時咩仇都報哂啦哈哈。
「阿明..」
Yui一句將我由幻想中抽出。
我：「咩事？
」 Yui：「今晚餐飯..我好開心。
」 我：「嗯，我都係，D野食都幾好食，其實唔係下下要貴先好食既，大排檔都可以..」
Yui：「我唔係指D野食，我覺得咁多人咁樣一齊食飯，個氣氛好開心。」
係喎..今晚既人全部都係同我年齡差唔多，Yui又無平時係屋企既包袱，一定開心。
其實佢都幾辛苦，明明係個正值識朋友既年齡，但又要留係屋企poker face咁做女僕。
如果佢係一個普通家庭生活的話，會唔會更開心呢..
可能，呢d就係命運啦。
一條生命，可以改變到既其實好有限。
我可以做既就只有…
我：「有機會的話，我再同你去食好無？
」 我忍唔住摸下佢個頭。
Yui：「好吖！」
佢興奮到成個細路咁。
Yui咁容易就可以開心，但Sarah就永遠都好似憂憂鬱鬱咁，唉。
Yui：「頭先呢..有人問我係咪你女朋友啊。」
我：「係囉佢地都short short地既哈哈。」
Yui：「其實..我都好想可以做阿明你既女朋友..」
Eh？
我係咪聽錯？
空氣同時間突然靜止左咁。
的士佬：「到喇哥仔，百五唔該。
」多謝你吖阿叔！！你救左我！
多得的士佬，沉默被打破，我急急咁俾錢就帶Yui落車。
我並無回答Yui既問題就入左屋企，因為我自己都好混亂，唔肯定自己頭先係咪聽錯。
我一支箭咁行返上房，完全無理身後既Yui。
應該話我怕望到佢而家既表情。
我硬係形住佢會用個一臉期待既樣望住我。
我暫時都未可以被呢D野影響，至少要過左星期一先。
當我行到去我間房果陣，我見到Sarah企左係度。
Sarah：「阿明你返黎嗱？」
佢既語氣好明快，好似以前一開始果陣咁，但都只係似。
我feel到佢係扮出黎。
希望係我多心啦。
我：「嗯，同Yui去左同班隊友食飯。」
Sarah：「哦~~可唔可以同三家姐我影張相？
」 …？
我無問原因，只係照做，同佢自拍左一張，從鏡頭中我發現Yui一早已經唔係我身後。
呼。
「笑~
」 一張相就咁影好。
影左之後佢咩都無講，只係默默咁望住部電話。
我：「三家姐？」
「我會好好咁保存張相架。」
「如果我而家唔係曹曉晨，只係以前既賈曉晨就好啦。」
佢拋低呢句野之後就返左去自己房，留低我自己一個傻傻咁企係度。
今日大家都好似怪怪地咁既？
經過一日既休息，今日就係比賽既日子。
返到去學校，大家見到我都即刻同身邊既人咬耳仔，睇黎單野已經傳遍全校。
個仆街肯定以為自己已經穩操勝券先周圍向人講啦。
不過，睇住黎啦。
「阿明。」
咦？係Anna喎。
我：「早晨啊Anna姐。」
Anna：「聽你既語氣，好似對一陣場波好有信心咁喎。」
我：「當然，Sure win添吖我。」
Anna：「你話架，唔好輸吖，打死你架。」
我：「係啦。」
Lunch我選擇左同阿威阿惠仲有Anna四個人食，唔知點解好想同佢地食。
我地揀左去食譚仔，不過成餐都無人出聲，只係不停聽到雪雪聲。
唔好諗錯，係食米線既雪雪聲。
氣氛又唔可以話怪，不過我諗大家都係諗唔到有乜好講先唔出聲啫。
同我一齊食飯，已經係一種表態啦，邊洗再講d乜。
下晝既堂，好快上哂，一到放學所有人都向同一個方向跑去。
唔係我知果個方向有咩既話，我肯定會以為而家係《World War Z》。
果個方向，有我地學校既室內體育館，我同仆街偉就係約左係果度打。
我望一望錶，都覺得差唔多係時候，所以就去左學校門口打算接佢地。
接我既隊友。
果然，佢地好準時，我去到個陣佢地已經企左係度。
晨：「唷，要開始喇，你準備好未？」
準備好未？老實講我自己都唔知，我而家好緊張。
我：「我都唔知，不過真係好多謝大家，多謝大家幫我。」
我向佢地深深咁躬左一下躹。
晨：「呢D野等贏左先做啦，行啦我地。」
佢拍左我個頭一下，之後就帶住其他人向前行。
佢真係無改錯名，成個神咁。
我帶住佢地行入去體育館，一入去就聽到嘩嘩聲。
我估D嘩聲應該係嘩我可以班到咁多人返黎？
不過話時話，都好多人黎食花生，上層迫爆咁濟。
係，我學校既體育館係有兩層。
我再望一望返對面場，即係仆街偉果面，佢塊臉黑哂，肯定係因為見到藍洛晨啦。
咦？？藍洛晨佢幾時行左過去架？
魯路修：「唉，我有唔好既預感。
」 我地聽到魯路修咁講之後都即刻急急腳行上去，但好似遲左少少。
仆街偉：「你想賭乜？
」 晨：「你輸左就跪地吠三聲，我輸的話..」
「我係呢度二樓跳落黎。
」 玩命？？？？去到咁盡？？