「續寫」無啦啦多左幾個家姐同阿妺: 最強

係踏出會議室果一下，我個腦開始急速運行，諗緊可以請邊個幫手。

雖然好想請阿惠同阿威佢地幫手，但考慮到可能會被秋後，始終都係唔好將佢地牽連到會好d。

學校入面既人已經唔可以列入考慮範圍，幸好既係我發現到份契約入面並無規定比賽球員要係本校學生。

即係話，我可以請街外人幫我。

小學同學係我腦入面彈出黎既第一選擇。

好，今晚返去查紀念冊搵人先。

「喂。」

正當我想返上班房之際，仆街偉叫停左我。

我：「又有咩事。」

偉：「呢個禮拜，邊個都唔可以係學校入面騷擾Sarah。」

白癡，我返屋企就可以見到佢，你咁樣只係封死自己。

我：「好，一言為定。

」

講完我就同佢分道掦鏢，返去舊校舍既班房。

下星期一就比賽，我無乜時間，必須要捉緊一分一秒。

返到上班房，大家都好錯愕咁望住我，包括Anna佢地。

錯愕既原因，應該係見到我完整無缺咁返到黎？

呀，都係唔可以再係咁企係度，返埋位先。

我返到埋位，大家就將視線從我身上移開，繼續上堂。

我起初都將專注力放返係課堂，但係我一直feel到有d奇怪。

好似有人望住我。

我開始四圍望，搵下係邊個望我。

我好快就搵到究竟係邊個望住我，原來係Anna。

佢牛咁眼咁望住我，搞到我有少少驚。

佢同我四目交投之後就不停對我做手勢，指住我張檯唔知做乜。

櫃桶..？

我見佢個口型好似係咁講，所以我睇下櫃桶，但又無乜特別，同落去之前一樣。

呀，我部電話，感覺上好似好耐無見咁。

咁耐無見部電話，梗係要禁返兩下。

咦？有Whatsapp喎。

係Anna sd黎！？

「Lunch上天台傾。」

雖然我唔知佢想點，但我都係乖乖咁係lunch time帶埋野食上天台。

一打開天台既門，我就見到佢地三個係哂度。

邊三個？仲要問？咪就係Anna，阿威仲有阿惠佢地三個囉。

我：「叫我上黎咩事吖，今朝又唔so我。」

阿惠：「無辦法，班房太多小人，佢地好有可能報串，Sorry。」

我：「我明既，今次事態係比較嚴重，黎緊呢一星期你地都係唔好同我接觸好d。」

Anna：「呢一星期？點解？頭先你落去做乜？」

阿威：「係咪因為Secret單野。」

Anna既語氣非常緊張，同阿威既冷靜形成好強烈既對比。

我：「唔知，無人提起Secret既事，頭先係仆街偉借訓導叫我落去。」

Anna：「咁..」

我：「我同佢賭左一場，下星期一鬥波，籃球，輸左既人永遠唔可以見Sarah。」

我留意到Anna聽到Sarah個名果陣眉頭鄒左一鄒。

阿惠：「咁同黎緊呢一星期唔好同你接觸有乜關係？你鬥波應該要隊友架？定係1on1？」

我：「唔係，5v5。」

阿威：「咁我地都黎幫你。」

我：「唔可以，我唔可以要你地幫，佢可能會秋後算帳，你地之後可能會被佢搞。」

阿惠：「講呢D，我地frd黎架點會怕呢d，而且我都想好好同佢算清楚之前既帳。」

其實聽到咁，我的確係有少少感動，差少少就心軟。

我：「多謝你既好意，但真係唔可以，到時候你地幫我打氣就夠喇，咁係為大家好。」

Anna：「阿明，我…」

阿威：「咁你想點打，1v5？」

今日阿威唔知做乜成日打斷Anna講野。

我：「我打算搵街外人，佢地唔會怕仆街偉。」

阿威：「果然係咁，既然你咁堅持，我都無謂再為難你，但你一定要贏。」

我：「我會儘力架啦，話唒我去到咁盡，都無得返轉頭。」

阿惠：「喂！街外人的話！我有個人推介喎！佢叫Dickson，打波好勁。」

我：「咁..」

阿惠：「得啦我一陣搵佢打聲招呼，再wts佢電話比你同佢傾。

」

呢D咪朋友囉！

Anna：「好啦你三個食左野先啦！lunch time就快完。」

我，威，惠：「知道Anna哥！

」

或者，呢個星期就係我同佢地相處既最後一星期。

放學之後，我收到一個唔識既號碼sd黎既whatsapp。

佢自稱係Dickson，話阿惠已經搵過佢，俾左個地址我，叫我上去傾。

我起初都有少少懷疑，所以有wts阿惠問一次先，佢話呢個號碼係真我先信左。

當我依照個地址去到之後，我先發覺世界真係細。

個地址係上次藍洛晨帶我去既cafe。

我又一次上到黎呢度，但今次藍洛晨佢地好似唔係度。

死喇，有少少尷尬添，應該都係叫杯野飲先會比較好。

我走去櫃檯，打算隨便叫杯Green tea latte之類就搵位坐低等。

我：「eh…唔該一杯Green tea latte吖，凍既。

」

「咦，你咪上次果位哥仔？我呢到無呢d喎，俾支橙汁你好無？

」

哇，個冬菇頭姐姐認得我。

我：「好吖唔該，幾錢？

」

女：「見你應該係lulu佢地既朋友，今次唔洗錢，美星姐我請你。

」

我：「多謝你。

」

我尷尷尬尬咁拎住支橙汁搵左個位坐低慢慢啜，再wts個個Dickson話我到咗。

啜到個樽底都幾乎穿，我見到有一班學生上左黎。

我以為會係佢，點知係藍洛晨佢地。

藍洛晨：「咦？阿明？做乜上左黎既？話時話篇Secret反應點？

」

Secret?

我：「篇Secret你打架？

」

晨：「係吖，幫一幫你嘛，俾下壓力佢都好。

」

我：「eh…我今日就已經挑左佢機，賭左我家姐份婚約。

」

晨：「哦！勁喎！點吖鬥乜？

」

佢好似好興奮咁，成個小學生咁look大隻眼。

我：「籃球，但我無辦法叫學校既朋友幫我，我怕佢地會俾阿偉搞，所以我約左一個叫Dickson既人係度見面..」

晨：「噢…籃球我唔多掂..

咦？

Dickson？

得仔！係咪你吖！

」

藍洛晨一聽到Dickson呢個名就向係櫃檯落緊單既男仔大叫，個男仔都即刻過左黎。

男：「屌，咁大聲叫我做乜。

」

晨：「你係咪約左個聖所羅王書院既人係度見吖仆街仔。

」

男：「係吖做乜。

」

晨：「人地等左你好耐啦，佢就係吖。

」

藍洛晨用手指左一下我，個男仔就望左過黎。

男：「你叫阿明？

」

我：「係吖，你係Dickson？

」

男：「係吖，阿惠同我講左啦，我會幫你。

」

佢一同我相認就坐低左。

我：「多謝你！」

對於佢既爽快，我激動到捉住佢隻手不停咁搖。

Dickson：「冷靜d先！

你仲叫左d咩人？陌生人需要夾下先會打到好波架。

」

佢呢句又打左我落谷底，好似坐過山車咁。

我：「其實暫時得你一個..

」

我好老實咁同佢講，話哂人地都肯義務咁幫我，唔應該呃人。

「咁就有少少麻煩喇，下星期一就要打喇喎仲係得我同你兩個..」

我已經預左佢會咁講。

Dickson：「咁仲好，喂，晨哥打唔打，好似會幾好玩。

」

Eh..頭先佢話佢籃球唔多掂…

我：「你有人推介？我一定要贏，希望你可以搵d勁人..」

唔知我咁婉轉咁講佢明唔明呢…

「一定要贏？」

係一邊玩緊電話既藍洛晨突然開聲，搞到我同Dickson都望左過去。

晨：「咁我玩，預埋我。

」

唔係玩架屌你。

雖然我好想咁講，但難得有人加入我就唔出聲啦..

「叮！~」

邊個wts我？

我拎部電話出黎睇，寫住由Ellen send黎。

佢有我電話？

我開黎一睇，係四個人名。

咩黎架？

「Ellen is typing…」

佢好似仲有野要講？

「呢幾個係阿偉搵黎同你打既人，全部係Form5，仲要係以前既校隊，係最強陣容。」

「唔好輸。」

其實佢都幾細心吖，無Ellie講得咁差，只係有時有少少煩。

我：「我朋友sd黎，話係阿偉搵黎同我地打既人。」

我將電話俾左藍洛晨同Dickson睇，但佢地睇完只係笑左一笑。

Dickson：「最強？笑死我咩？