「續寫」無啦啦多左幾個家姐同阿妺: 真相

晨：「芷睛麻煩你喇，拎D跌打洒之類既野比佢地啦。」 

藍洛晨一帶我同Sarah上到cafe就開聲。 

魯路修：「點解叫Cherry唔叫我，呢間鋪我屋企架喎。 」 

Cherry？個女仔叫Cherry？我好似有少少印象.. 

Cherry：「無所謂啦你既野咪即係我既野~~」 



講完佢兩個就拖住手咁走去水吧，神神化化咁。 

我：「佢兩個..係情侶？ 」 

晨：「係吖，好似你地咁。 」 

我，Sarah：「我地係姊弟！ 」 

我同Sarah同一時間爆出呢句，場面十分尷尬。 



晨：「唔..我個人係非常尊重戀愛自由既，我唔會批評亂倫吖同性戀之類 ，而且重點唔在於呢度。」 

係喎，重點係仆街偉先岩。 

我：「我想問..」 

晨：「係問人野之前，先自我介紹係禮貌。」 

呃…我又真係好似咁耐都未自我介紹.. 



我：「我叫陳煒明，佢係我三家姐Sarah。」 

Sarah：「你好，我叫賈曉晨，英文名係Sarah。」 

晨：「個名好熟，你爸爸係咪姓曹？」 

Sarah：「係吖，我係…」 

晨：「得，唔洗再講，我明點解阿偉會話你係佢未婚妻。」 

「叫我吖晨哥？ 」 

頭先一直無出聲既第五個人行左出黎。 

晨：「唔係叫你吖 ，講緊另一個人，你同十四返去先啦，今日辛苦哂啦。 」 



呢個又係叫阿偉？個look好打好多喎比起個個。 

偉：「咁我地走先啦晨哥。」 

呢個阿偉同俾人叫做十四既男仔講完就走左去，而魯路修同Cherry拎完跌打酒比我地之後就走左去cafe另一邊。 

晨：「好喇，叫你阿明得吖可？有乜想知先？」 

佢個眼神突然變左，我feel到突然有股壓力，唔通係Newtype既感應？


唔知係咪因為感覺到佢身上散發既壓力定抑或係我口乾，我係開聲之前不自覺咁吞左啖口水。 

我：「我想知..仆街..呀李俊偉佢阿哥既事。」 



晨：「哦？係想知佢阿哥而唔係佢既野？你到底打緊乜野主意？」 

佢再一次用一個好銳利既眼神望住我，嚇到我個心離一離。 

「不過我都唔應該過問既，Sorry Sorry。」 

佢又突然笑起上黎，真係好難捉摸。 

晨：「佢阿哥叫李俊軒，可以話係一個近乎完美既人。」 

近乎完美？ 

「佢自細成績運動已經好好，遠超過同齡既人，性格又好好，好容易令人接受到佢。」 



我：「咁點解話係近乎完美？我就咁聽落佢應該係完美喎。」 

晨：「唯一唔完美既，就係個天無比時間佢。」 

「佢連中學都未讀到就已經過左身。」 

！？ 

Sarah：「真係架..？我完全無聽過呢件事…」 

晨：「我無必要同你地講大話吖係咪先，當時班同學個個都知既。」 

「不過阿軒個葬禮就好低調咁進行，一般人唔知唔出奇既。」 

我：「咁我想問..點解阿偉咁憎同佢啊哥比？」 



藍洛晨並無馬上回答我既問題，而係拎起左頭先由一個冬菇頭女仔拎過黎既咖啡飲左啖。 

「因為相比起阿軒，阿偉佢就顯得非常平凡。」

「阿軒走左之後，阿偉就係李家既繼承人，但李家始終忘記唔到阿軒。」 

「佢地開始要求阿偉做到阿軒咁，好嚴格咁對佢，最後仲顛到成立左一間學校去培育阿偉。」 

我：「聖所羅王書院…」 

晨：「哦？你都知呢間？ 」 

我：「我地就係讀緊呢間…佢係入面惡哂..鐘意踢邊個走都得..」 

晨：「果然係咁，好彩我開頭無入啫。 」 

開頭無入？ 

我：「你意思係，你開頭會讀聖所羅王書院？ 」 

晨：「嗯，收到邀請。」 

邀請…呢條友到底… 

晨：「事情既大慨，就係咁多，有無其他野想問？」 

其他野… 

我：「我想問，有乜方法可以迫到阿偉取消同Sarah既婚約…」 

我衝口而出。