「續寫」無啦啦多左幾個家姐同阿妺: 宣言

點解個仆街會係度。 

佢黎係笑我..？定抑或係… 

我望一望班女仔，佢地全部都起哂槓咁警戒住，尤其係二家姐，佢直頭伸手將Sarah收係佢後面。 

仆街偉既視綫亦一直係二家姐既方向，果然係咁。 

佢果然係黎搵Sarah。 



「走，呢度唔歡迎你。」 

二家姐用一個極之唔友善既語氣講。 

偉：「咁唔係一個同未來妹夫講野應有既態度啊二家姐。 」 

佢個死人得戚樣，真係好想打爆佢棚牙。 

「係你整親哥哥既！衰人！ 」 



羽晨突然衝左出去，踩左條友一腳。 

偉：「唔關你事，走開。」 

佢一下就推開左羽晨，搞到羽晨成個人跌左落地。 

仆你個街，咁對細路女！？ 

我忍唔住大大步咁衝落樓，企係佢地面前，頂住個仆街。 



至少係呢一刻，我想可以似返一個男人。 

我：「我唔准你搞我屋企人。」 

偉：「廢物，同我死開，明明今日先輸左比我。」 

聽到輸呢個字，我個心又痛左一下。 

「明明你係靠污糟手段先贏到…」 

咦？Sarah把聲？ 

我見到仆街偉對眼突然睜到好大，我就知到我無聽錯，真係Sarah講既。 

估唔到一直咁驚佢既Sarah居然會… 



偉：「贏左就係贏左，你要同我去街，我今日黎就係想同你講下星期就要同我出去。」 

豈有此理… 

偉：「仲有，呢個屋企既所有野遲早都係我既，唔輪到你呢個外人，死左條心啦。」 

佢講完就走左去。 

點解我唔打佢…就咁由佢走左去…

大家都靜左一陣無郁，直至大家姐抱起仲坐係地下既羽晨先有反應。 

大家姐：「好喇，我地去食野啦。 」 



大家咩都無講，好有默契咁上左車，出發去C Hotel。 

酒店D裝潢好靚，野食又好食，仲要有咁多靚女陪我食，簡直可以話身處緊係天堂。 

但係點解我開心唔起… 

咁岩係呢個時候，我見到大家姐拎起左杯紅酒。 

或者，可以… 

我：「大家姐我可唔可以飲一杯…」 

大家姐：「呢個？你未成年喎~」 

二家姐：「飲少少好喇，我斟比你啦。」 



二家姐都未等大家姐批准，就主動斟左一杯紅酒比我。 

大家姐：「May!做乜搶左我D野做！細佬你㨂！飲邊杯！ 」 

大家姐又斟左一杯放係我面前。 

唔洗揀，我兩杯都飲。 

我左右手各自拎起一杯，一口氣飲哂兩杯。 

哇，好苦。 

Sarah：「阿明..」 



我：「仲有無？ 」 

大家姐：「紅酒唔係咁飲架，飲呢個啦你，唔好浪費左D紅酒。 」 

大家姐推左一杯啡色既野比我，應該係威士忌？ 

我無深究，仍然照舊一口氣飲哂佢。 

泳琦：「主人，請保重，咁飲好傷身。」 

感覺好想嘔，個人仲好暈。 

「阿明？」 

我已經唔知係邊個叫緊我。 

我：「我…出一出去抖下氣… 」 

我唔想係佢地面前嘔呀老闆。 

我揺下搖下咁行出酒店，一見到個渠蓋口就開始大嘔特嘔。 

嘔完之後個人不但無舒服d，個人仲突然覺得比起頭先更加唔開心。 

又話飲酒可以令人開心既，呃人既... 

我跌跌撞撞咁坐在街邊，突然就開始喊起上黎。 

明明我有力量，點解我連打個仆街既勇氣都無？ 

仲要比佢咁樣羞辱我既屋企人… 

咩「所有野遲早都係我既」，放屁！ 

我一定要阻止佢，救返Sarah，仲有一直比條仆街欺壓既人！ 

咁做既話，大家都可以幸福，一定可以！ 

「喂，哥仔你無事嘛，口upup既？ 」