「續寫」無啦啦多左幾個家姐同阿妺: 陸運會 其之一

仆街，無諗過Sarah無啦啦番黎。屌，今次仆街啦。頭先仲要錫左二家姐一啖。 

但係我做咩要驚呢，係喎我驚乜嘢啊，我只係搬二家姐番房。錫左二家姐一啖個部份唔講就可以囉。 

哈哈...我點解要驚哬。我咪同Sarah講二家姐醉左搬佢番房就可以囉。咁都要驚一餐，我真係傻的嗎？ 

「er...二家姐醉左，所以我...我呢。」 

做咩...做咩我講到好似入佢間房想強姦佢咁啊。就好似平時咁自然就可以囉屌。 



「所以？」Sarah好認真咁望住我，搞到我有少少不知所措咁。 

「所以佢入左我間房。」做咩無啦啦講佢入左我間房啊，我應該係同Sarah講我搬左佢番房先係。 

「佢入左你間房，咁點解你係二家姐間房出黎嘅。」Sarah個樣有點疑惑然後望到我實一實。 

「我只係...只係搬二家姐間房，我...我咩都無做過架。」只係唔小心錫左二家姐，食左兩個波餅。 

「哦~」Sarah好似明白左咁，就轉頭入番去佢間房。 



「Sarah你信我？」我用左把幾大聲既聲音同Sarah講。Sarah行左幾步聽到就停左係到。再轉番身望向我。 

「信啊，因為我相信阿明係唔會偷偷地做個啲嘢既人。」烈後，Sarah比左一個甜美既笑容望住我。 

我好似個心比佢靜化左咁，我講嘢講到我好似女女女左二家姐咁，Sarah都仲相信我，好感動啊。 

但事實上我又好似差點兒沉船，啪左二家姐。我一諗起自己良心又過唔去。 

「阿明，咁無乜嘢我就番房先，晚安。」 



Sarah就轉過身準備又番房。我諗起宴會個件事我好似仲未問就又叫停Sarah。 

「係啦，Sarah，頭先你想同我講咩。」 

Sarah就好快咁另番轉身，塊面紅扑扑咁。比人個感覺好似想表白既少女咁。但係，佢唔會無啦啦同我表白掛。 

「阿明...我...我。」正當我全力想聽清楚Sarah想講咩個時就有一把熟悉既女聲傳入我耳邊。 

「咦，阿明，Sarah，你地做咩企晒係到既～」大家姐企左係個轉角位，帶點開心咁同我地兩個講。 

「無...無嘢，我番房先啦。」 

我就急急腳行左番房。然後，就熄燈沖左去張床度，因為太攰就瞓左。

然後，因為陸運會就快到，我就開始係一星期特訓。我贏既戰略就係所有阿惠報既我都唔報。佢實在太癡線。 



癡線到佢參加學界同全港中學生跑都可以有頭十名。 

田項就唔知佢啦，佢好似年年都唔同。有時頭三有時牌都無。 

但同甲組班癡線佬我諗佢都一定有頭二。問過佢佢話報200米，400米同埋跳遠。今年大乙，最大就係我地中四， 

所以佢差唔多都贏硬咁濟。班際接力就搵左4乘100就阿威阿惠Anna哥同埋一個跑得幾快既女仔跑。 

我就做左後備。 

但係A班,B班,D班都有好多各校隊既猛將，所以贏唔贏仲係未知之數。而且女既仲有幾個同Anna哥差唔多快。 

話咁快，就到左陸運會前一日。 



「咦，明仔，朝早又跑夜晚又跑，你好努力喎～」我練緊跑個時聽到大家姐把聲，就望一望後面。大家姐好努力 咁追上我。 

「因為...聽日就陸運會啦，我應承左人...要拎過全場總冠軍比佢。」我好辛苦咁繼續跑。 

我望一望手機已經跑左15km，來回市區來回左四轉左右。仲要上左四次個條奪命斜，我腳仔一早就軟晒。 

「咁阿明你報左咩項目啊～」大家姐應該用一個好輕鬆既語氣同我講。 

「...我...我...我報左1500米，啊。我無氣啦。」我用雙手撐左係門口燈柱個度,半身彎低不停喘氣。

我件波衫濕到已經可以扭出水。 

「啊.啊.啊.啊.啊.仲...仲有，三級跳同800米。」 

點解會報呢三個項目？因為呢三個項目好少人報，乙組200個左右男仔,上年都1500米好似先得二十個左右報, 要贏實在唔難。 



然後800米就要同阿威跑啦。 

「哦，咁加油啦明仔，大家姐會全力支持你～。」大家姐笑住望下我。 

當時大家姐著左件Nike風褸同埋一條短褲，條長腿同我發夢個時一定有出入，明明46寸長腿我話30幾寸。 

「係，咁我返去先啦，大家姐。」我起番身，準備入番屋企。 

「明仔，記住問Sarah報左咩項目喎~」我望一望家姐比左個疑惑既表情佢 

唔?做咩無啦啦要問Sarah報左咩項目。 

Sarah佢好似年年都做工作人員架喎。佢今年會報項目!!? 



「好啊，大家姐。」大家姐笑住同我揮手，但我感覺到大家姐既笑容有點腹黑既感覺。 

然後，終於到左朝早。陸運會既大日子開始啦。