「續寫」無啦啦多左幾個家姐同阿妺: 告白？
我:「好啦,好啦,就快無時間啦,幫我揀西裝啦.」
我抹一抹Anna隻眼D眼淚.
Anna:「唔.」
Anna笑番望住我,但我仲攬緊佢搞到我有少少唔好意思.然後,我就慢慢鬆開隻手.
Anna就起身拉住左行左去入面睇.
Anna好快就揀左件西裝外套.
Anna:「阿明,呢件你覺得點.」
Anna拎起左一件黑色西裝外套,我望一望個牌一萬五千幾大洋
我同Anna細細聲講.
我:「好...好似貴左少少.」
Anna:「都話錢既問題就唔係問題,好似,呢件仲好喎.」
然後Anna就拎起另一件.
就咁,試左一個鐘左右,埋單個時Anna買左件新禮服,但佢就話唔比我睇想比個驚喜我.
我望一望張單,十萬八千五百蚊!!?
Anna望都唔望就比左張信用卡佢.
Anna:「好啦,阿明,番去啦.」
我:「係.」
然後,一出到去上車個時,見到阿標企左我隔離.
阿標:「頭先,你條友好似抽小姐水喎.」
但我睇唔出佢究竟用咩心情講呢句說話.
我:「無..無,我只係....」
但我講唔出我唔係抽水係其他野.
阿標:「下次見到你再亂摸小姐就一槍打爆你個頭.」
佢隱若露出左支手槍出黎比我睇.
然後,阿標就清脆利落咁一個華麗轉身,就入左去部車第二道車門.然後,我就入左最後一道車門.
我一入到車門就點一點Anna哥膊頭,Anna哥就除左一邊耳機,然後,我細細聲同Anna講.
我:「Anna哥,個個阿標係你咩人?」
Anna望一望我,就諗左一陣.
Anna:「阿標咪係我保鏢囉,但講真既話似我哥哥多啲?.」
我:「哥哥?」
Anna:「係阿, 阿標由十歲開始就做我保鏢,一直做我保鏢做到咦家.」
我:「但個個阿標點解十歲開始就做你保鏢,唔洗番學咩,」
Anna又諗左一陣.
Anna:「好似我細過講想要一個同我差唔多大既人陪我玩,當時我仲係法國,而且個時我無番學,所以成日都自己一個人,但有一日見到Daddy介紹阿標話由今日開始阿標就係我保鏢,當時我真係好開心.而且因為我係獨女,一直都好想要個哥哥,所以,我一早當左阿標係哥哥唔係保鏢.」
哦,完來係咁,終於知道阿標點解咁緊張Anna哥.
原來,阿標當Anna佢阿妹咁,而我呢個又弱又毒既毒撚同Anna親近,阿標再見到可能用槍射死我都似.
Anna:「阿標睇落去好惡咁,其實係個大好人,之前我試過比一班MK仔捉住, 阿標一見到就一拳打低一個.所以,我對阿標100%信任.」
個阿標將我想做比Sarah睇既野做左出黎,咁Man搞到我都對佢開始有好感.
利申 非Gay
然後,聽到MK仔就開始敏感,做咩無啦啦比MK捉住架.
我:「但..做咩Anna你會比MK仔捉住.」
Anna:「我唔小心撞到佢地其中一個,同佢講左sorry都係要煩我.」
我:「哦.」
然後,就Dead Air,我開始累,隻眼好似好重咁,就挨左窗口瞓着左.
然後,唔知瞓左幾耐,Anna就拍我塊面拍醒我.
Anna:「到啦,阿明.」
我迷迷糊糊起左身,發現頭先瞓左係Anna膊頭度.
我:「Sorry,Anna哥,我瞓左幾耐.」
Anna:「半粒鐘啦,我膊頭都比你挨到酸晒.」
Anna同我講完,打一打個膊頭,好似同我講緊好撚酸阿比你個毒撚挨到,搞到我都驚驚地.
我:「Sor...Sorry,阿,最多下次比你挨番.」
Anna:「你話架.」
然後,Anna就話八點會去我屋企門口接我,我就番左去屋企先,同Anna講完byebye之後就入到門口
見到Sarah自己一個坐左係花園.好似好Sad.
我就鼓起勇氣行左過去,我要同佢講條仆街既野,然後溝埋佢!,但媽,話晒之前禁撚柒.
我:「Sarah,我有少少嘢同你講.」
Sarah見到係我.之後,佢就無正面望向我.只係一直低頭.佢當時着住一件卡其色冷衫,加條棉白色長身運動褲.
我:「我知道我可能好多事,但你明明唔鐘意個個仆,唔係係李俊偉,做咩仲要同佢一齊.」
Sarah聽到好似好驚訝望左我一下.然後,佢繼續低頭.隔左一日終於聽到佢把聲.
Sarah:「你聽二家姐講?」
係阿,你點解知既,但我當然要懶醒吓啦.
我:「我一早就知啦,Sarah你個時個樣咁唔開心,完全同你平時個樣唔同.」
Sarah:「唔同?我平時個樣就係咁,咁冷漠,咁無情.」
我:「先唔係,Sarah你話你好鐘意笑架.」
Sarah:「呢個秘密只係我呃你.」
我:「好,當呢個當你呃我,咁去接阿妹呢,你想同我一齊接阿妺既心情唔會呃我掛.」
Sarah:「我...我只係扮出黎.」
我聽到都開始嬲嬲地.就同Sarah大嗌.
我:「點解你就唔可以坦率少少面對自己啊.」
Sarah企左起身,同我大嗌.
Sarah:「你識左我幾耐阿,你識左我兩日你就明白我所有嘢咩,我都有自己既難處,唔好要我對你咁絕.」
Sarah講完就行開左.
我聽完雖然好Sad,但點都要同Sarah表個白,唔係我會同Sarah既距離仲遠.起碼盡左最後努力.
就算拒絕我,我都可以些高登叫下春,但表都唔表,高登班人一定會睇死我.
我就想用最大聲嗌.
我:「Sar.」
點解講唔出口,比我講啦,屌,我點都要講阿.
我:「Sarah.」
我細細聲講左出黎,只係見Sarah越行越遠.就快到我都望唔到.
屌,講出黎啦.比我講出黎啦.
我:「Sarah,我鐘意你阿,只要你肯講比我聽,我咩都會聽架.」
我用左一把最大既聲同Sarah講,Sarah聽到企左係到,我就急急腳行過去,我個時仲要手震腳震.
我:「Sarah?」
我用手點一點Sarah膞頭.Sarah無轉個身望向我.
Sarah:「你...講到咁,我...我仲點樣扮無嘢,阿明.」
Sarah轉個頭過黎,我見到Sarah已經流晒眼淚,隻眼都紅晒.
我望住Sarah,一時三刻唔知講咩好,同人吹水吹左2日就去表白可能都係得我先敢.
Sarah:「阿明,幫...幫吓我,我好...好辛苦.」
但我望到Sarah佢第一次流眼淚流到咁,我就知我既決定無做錯.
過左十秒左右,我決定攬住Sarah,借個膊頭比Sarah喊,好正阿,終於借到膊頭比女神用.
但我唔會自滿.我會全力攻略Sarah.
然後,一分鐘左右,我就係Sarah耳邊講.
我:「我幫你趕條仆街走啦.反至你咁.」
Sarah:「唔...唔准講粗口.」
Sarah打左我個嘴一下.個時我見Sarah已經流完馬尿,開始亁.但我仲攬緊Sarah.我死都唔會放手架啦.
我:「又話要我幫你,又要打我個嘴.」
Sarah:「你係我細佬,我緊係要監管你既言行舉止.」
屌,都表埋白仲當我細佬,我屌你阿Sarah姐.
但見到Sarah開心番都好既,暫時都係搞走個仆街最重要.保持呢個關係都唔錯.
我:「Sarah.」
我用一個認真樣望住Sarah,Sarah望到就專心望住我,個時我仲攬緊Sarah,我仲攬緊Sarah,我仲攬緊Sarah.
好重要所以講三次.
我:「我認真問你你鍾唔鐘意個個阿偉.」
Sarah諗都唔諗就同我講.
Sarah:「唔...唔鐘意,我細過都同媽咪講過,但媽咪聽到竟然打起我上黎,仲話點都要鐘意佢.」
我:「邊有啲咁既老母.」
Sarah:「唔准講粗口仲有講我媽咪壞話.」
Sarah又細細力打我個嘴一下.正阿,可以係咁錫佢隻手.
Sarah:「媽咪雖然唔係我親生媽咪,但一直對我都好好,而媽咪當時叫我要鐘意佢我就要鐘意佢,但呢排我真係忍唔到佢啦.」
我:「咁你以前點忍佢.」
Sarah:「我以前同佢講過學校要扮唔識我,唔係我會以後唔再理佢,但佢呢排一直騷擾我上堂,我同邊個男仔講嘢佢就搵人打個個男仔.搞到人人都驚左我.」
我:「咁樣似癡線佬多喎.」
我自己都係係癡線佬,但佢真係同我等級差太遠.
Sarah:「琴日仲要強行錫我,我...我初吻咁就比左佢,咁就比左佢阿...」
Sarah講個時又低頭,無正面望我.
我就抬番起Sarah個頭,然後錫左佢額頭一下.
我錫完望Sarah,Sarah成塊面紅晒,我不自覺摸起Sarah塊面.
我:「我初吻都比左你,唔好咁唔開心啦,女神大人.」
Sarah:「吓吓吓.」
Sarah連續講左三次,好似好驚訝做咩咁做咁.
然後,當我一回過神,Sarah就唔鬼見左.
我仲係門口望住個花園,屌,原來我又走左去FF.
屌,點解毒撚咁鐘意FF架.明明想同Sarah表白點知企左係門口FF.
我:「唉,媽,我番黎啦.」
屌,我都無咩力講嘢啦.然後,老母着到成隻雀咁.
我:「哇屌,你搞咩阿.」
老母:「我都要去啊嘛,緊係着好少少啦,衰仔,你媽靚唔靚阿.」
望到我老母個姣樣都打晒冷震,雖然我老母三十幾歲,但我老母睇落去都係二十尾咁.所以真心幾靚女.
但我對我老母只有母子之情,絕無其他嘢.
我:「我番上去換衫先.」
我就一步一步行番上去,見到二家姐準備出去.
二家姐着左一身藍色禮服,一把純金色長頭髮,望到二家姐,搞到我條巨龍兄都有少少扯扯地.
二家姐:「點阿,一陣有咩計劃強奪Sarah啊,仲有頭先企起門口做咩阿,又唔過去同Sarah講嘢.」
二家姐嬲嬲地望住我.
我:「我..我怕羞.」
我好坦白同左二家姐講.我都唔知點解會講咗出黎.二家姐聽到呆左幾秒,大笑左出黎.
二家姐:「死毒撚真係死毒撚,哈哈哈哈.」
二家姐笑到飄晒眼水,搞到我紅都面晒.
我:「我都唔想架,話晒Sarah我女神,同女神講嘢我先會怕羞.」
二家姐:「唉,May姐我幫你啦.真係無用,到底你用無蛋架.」
我聽到二家姐幫我,就捉住二家姐隻手.
我:「二家姐,你幫我啊,點幫啊點幫啊.」
二家姐:「一陣呢,咁咁咁咁咁.」
我:「係咪架,多謝你阿二家姐,我愛死你啦.」
我沖左去二家姐度攬住二家姐,然後錫左佢面一下.