「續寫」無啦啦多左幾個家姐同阿妺: 計劃
唉，情人節到底要點做好呀，有無人可以教下我？
仲要想盡辦法滿足哂五位女王，得罪是旦一位我都一定唔慌有好下埸。
今日仲要已經係十二號，仲有兩日就到情人節，但我仲係咩都未plan呀！
我知道係應該要去行街食飯，但問題係我唔知道應該點樣去做先係最好吖屌！
我好想做到完美，做一個我地六個人都會有深刻難忘回憶既情人節。
就係因為呢份執著，搞到我遲遲未下到決定，進度仍然係0%。
今日點都要諗掂佢先得，一於就食完早餐上高登開post問。
大家姐：「早晨吖~阿~明~
」 仆街嚇撚死我！！諗野諗到入哂神個下大家姐先係我耳邊細細聲講野！仲要吹左一下氣！
我好肯定佢吹左一下氣！好肯定！
我即時嚇到跑開九尺遠，仲掩住自己隻耳咁擰轉頭望住大家姐。
佢係度笑。佢望住我叉住腰咁係度笑緊。
大家姐：「做咩啫你，我又唔係鬼，不過阿明你個反應真係好好笑呀哈哈。
」 屌你，當我係玩具咁玩，仲要笑得咁開心，乞人憎。
我：「唔好玩喇大家姐，你頭先咁做係人都有我咁既反應啦。
」 大家姐：「係咩哈哈，啊講返正經野先…」
大家姐講到一半果陣突然停左，又望左又望右，之後仲跑到去我面前細細聲咁繼續講埋落去。
「後日就係情人節啦喎，你約好哂Sarah佢地未啊？」
哦原來係呢個問題。
我：「未啊，其實我連應該去邊好都未諗好…大家姐你呢？你會去邊？你好似都有男朋友架？
」 大家姐：「男朋友？無左lu~
今年我會留係屋企。」 我：「吓咁突然既？」
大家姐：「無啊覺得佢無阿明你咁好咪飛左佢囉~」
「唔好講我喇，諗唔到有咩特別地方想去的話，就帶佢地去海邊啊，沙灘之類既地方喇，我估佢地都會鐘意既。」
「咦，講起海邊同海灘…」
我：「做咩啊大家姐？海邊同沙灘有問題？
」 其實真係有問題，而家二月仲要好凍，去海邊同沙灘同自殺有乜分別。
大家姐：「無，只係我咁岩醒起阿May佢係烏溪沙有間村屋啫，個度好近海，個景好靚。」
我：「你話二家姐有間村屋？？
」 喂，讀緊HKU咋喎，已經有間村屋？
大家姐：「係吖不如我一陣問佢借鎖鑰，比你用黎同佢地過情人節，燒下野食玩下咁好無？」
我：「真係可以？？好吖好吖！」
大家姐：「不過記住唔可以曳曳架，我一陣去問喇，你快D去約佢地喇。」
聽到唔可以曳曳呢五個字，我呆左兩秒，之後成塊臉紅哂。
大家姐：「哈哈你睇下你，行喇去食早餐啦。
」 呼，咁係咪叫做有一個引路牌呢，而家總算有D方向…
烏溪沙…入都未入過去，入面會唔會有牛架。
「喂你地初六得唔得閒呀？我有個地方想帶你地去玩！」
好，搞掂。Send出去先。
我再對多一次個msg無問題之後，就send左去個group度。
無錯你無睇錯，係send去個group度，我同佢地五個既Whatsapp Group。
之前Ellen話不如開個group方便傾計，其他人都好贊成，結果就搞成咁。
有五個女朋友不突止，仲要有個女朋友之間既Whatapps Group，好似串左少少添。
唔洗一陣，佢地五個都係group度覆左我，個個都話無問題，過年悶到顛好想去玩之類。
不過我係send呢個msg之前特登做左一件事，就係提都無提過情人節呢三個字。
我只係講初六，希望可以瞞到佢地，達至surprise既效果。
「阿明你諗住初六帶我地去邊度玩？」
Sarah係我地成家食緊早餐個陣突然間問我，嚇到我幾乎噴粥。
雖然Yui無開到聲問，不過我留意到佢一直唔出聲望住我，好似等緊我答咁。
我：「秘密。到初六你咪知。
」 Sarah：「初六係幾時啊
，Daddy今日初幾？」 好野，佢果然唔知初六就係情人節，希望其餘四個都唔知啦。
Uncle：「今日初呀傻女，你地幾個後日玩得開心d啦，唔洗特登趕返黎屋企食飯。
」 Sarah：「知道！我地又可以去玩啦Yui！
」 Yui：「係…係啊..」
Sarah：「做乜啊有得去玩喎你唔開心咩？」
Yui：「唔係…只係…要同大家一齊出去有D緊張啫…」
我：「傻妹唔洗緊張喎，好似上次咁開開心心咁去玩咪得。」
Yui：「嗯，我會架喇…
」 唔得，佢地咁期待，我一定要好好咁plan下當日行程先得。
一陣就search下烏溪沙有乜好野先。
係Google一打「烏溪沙」三個字，即刻彈左咩「海之心」啊「心形石」之類既野出黎，睇黎係好出名。
我search左一search呢個咁出名既心形石既相，哇D人又影得幾靚，尤其係係黃昏既時候。
好，一於就係黃昏個陣帶佢地去果度。
不過成日流流長，無理由淨係同佢地去舊石度睇日落架，可以帶佢地去邊呢？
呀，一於好似上次咁，帶呢班千金小姐去體驗下平凡人既生活，黎個一日體驗啦。
有成棟村屋連天台，話唔定仲可以燒下野食喎，應該會幾正。
講起村屋，唔知大家姐問二家姐拎到鎖鑰未呢？去問下先。
正當我企左起身，準備離開自己間房去搵大家姐個陣，我聽到敲門聲。
唔通係大家姐？佢拎到鎖鑰嗱？
我：「門無鎖架，入黎啦。」
「喀嚓！」
開除除咁打開，果然，黎搵我既係大家姐，不過，仲有一個人。
係二家姐。
二家姐：「你係咪想借我係烏溪沙間屋。」
二家姐毫無語氣咁講，聽落係有少少可怕，不過我都慣左。
我：「eh…係吖，想用黎同Sarah佢地過下情人節，氹下佢地開心咁。 」
二家姐：「咁，跟我地黎。」
吓？咁突然？要去邊？
我search左一search呢個咁出名既心形石既相，哇D人又影得幾靚，尤其係係黃昏既時候。
好，一於就係黃昏個陣帶佢地去果度。
不過成日流流長，無理由淨係同佢地去舊石度睇日落架，可以帶佢地去邊呢？
呀，一於好似上次咁，帶呢班千金小姐去體驗下平凡人既生活，黎個一日體驗啦。
有成棟村屋連天台，話唔定仲可以燒下野食喎，應該會幾正。
講起村屋，唔知大家姐問二家姐拎到鎖鑰未呢？去問下先。
正當我企左起身，準備離開自己間房去搵大家姐個陣，我聽到敲門聲。
唔通係大家姐？佢拎到鎖鑰嗱？
我：「門無鎖架，入黎啦。」
「喀嚓！」
開除除咁打開，果然，黎搵我既係大家姐，不過，仲有一個人。
係二家姐。
二家姐：「你係咪想借我係烏溪沙間屋。」
二家姐毫無語氣咁講，聽落係有少少可怕，不過我都慣左。
我：「eh…係吖，想用黎同Sarah佢地過下情人節，氹下佢地開心咁。
」 二家姐：「咁，跟我地黎。」
吓？咁突然？要去邊？