「續寫」無啦啦多左幾個家姐同阿妺: 七星
阿傑..
呢個名好似聽過…
傑：「你之前同阿偉場比賽我有睇吖！打得好精彩！我睇得好痛快！」
「學生會選舉我都有投你，你講得好好！」
「所以真係抵你抱得美人歸，仲好似唔只一個喎！哈哈！我真係羡慕你！」
講完呢句之後佢就伸左個頭埋黎，好細聲咁同我講左幾句野。
傑：「作為一個普通人，係做得幾好既，不過都只係得咁多。」
「你以為搞掂阿偉同有佢阿爺撐就得？天真。」
「Form5既人比阿偉恐怖十倍啊口靚仔。」
我唔知點解聽完之後就自動向後縮，唔通我驚佢？
傑：「呀，等我重新介紹一下自己先，我叫楊俊傑，係七星楊氏同劉氏既仔。」
七星？佢係七大家族既人？咪住先？楊氏同劉氏？
我：「楊氏同劉氏..？」
傑：「我講清楚D啦，我爸係楊氏主席，我媽係劉氏集團既主席，就係咁簡單。
居然同時係兩大家族既人..佢會唔會仲惡過阿偉？
Sarah：「阿明..」
Sarah突然扯我衫尾，個眼神好似有野想同我講咁。
傑：「睇黎我地阻住你地添，咁我諗我地都係走先啦Anna。」
Anna：「哦..」
Anna無左平時果種霸氣，只係一味跟住阿傑講既野去做。
呢個阿傑居然可以食住Anna..
正當我仲諗緊點解佢可以食住Anna果陣，佢已經搭住Anna膊頭走左。
可惡，又一次係咁，我又乜都無做到。
我：「Sarah，你係咪知道佢既野？話哂俾我知。
」 Sarah：「佢係Form5好惡架，以前大部分Form5既人都聽佢講唔聽阿偉講。」
「以前既阿偉都會怕佢..」
唔係掛？阿偉都會怕佢？
Ellen：「當時我選學生會果陣都試過去Form5宣傳，結果去到A班就俾佢趕走左。」
連Ellen咁勁既人都唔比臉？
Ellie：「因為佢係下一代七星嘛..仲要同時係兩個家族既人。」
睇黎今次比阿偉果次更難搞..
咪住先？阿偉？
我：「李氏係咪七星之一？」
我突然覺得諗到可以抗衡佢既方法。
「你覺得自己有必要插手咩，人地既事同你有乜關係。」
呢把聲係！
我即刻望出去，見到大家姐同二家姐，後面仲有一個人。
又係佢，藍洛晨。
點解佢又會係度？呢D場合佢都會係度？
我：「點解你會係度？」
晨：「嘛，我屋企收到請帖，所以我咪黎。」
佢都收到請帖？佢到底係咩人？
大家姐：「晨仔乜你地識架？」
晨：「算係啦，之前見過幾次。」
大家姐叫佢晨仔？即係一早就識佢？
我同Sarah對望，大家都好似唔知發生咩事咁。
二家姐：「佢係藍家公子，都係七星之一。」
七星？佢都係！？我居然一早識左個七大家族既人？？？
我：「喂你..」
晨：「唔好提咩七星啦，一D意思都無，只係一個名俾佢地自己高興下。」
我：「吓？你知唔知七星代表..」
晨：「我知啊，咁又點先，阿明你想做七星咩？
」
我：「我..」
晨：「你真係幾貪心呢，明明已經有咁多一般人無既野，但又想要更多。」
我：「我只係想..」
晨：「你想好似上次對阿偉咁搵方法搞掂阿傑？但今次又係為左乜？」
「為左果個女仔？點解？你覺得今次情況同上次一樣？個女仔好似曉晨妹妹咁係被迫同佢一齊？」
一連串既問題我完全答唔到。因為我都唔知答案。
可能Anna係真心想同佢一齊呢。
畢竟我要Anna等左我咁耐，我又咩表示都無..
晨：「其實會唔會只係因為你想霸住人？」
「人地唔係一定屬於你架，而且阿傑唔係咁易對付，自己小心。」
係喎..點解我會咁緊張Anna..
因為佢一直都係我身邊？所以我唔想佢比其他人搶走？
定係因為我…
晨：「諗清楚自己想點同埋了解清楚狀況再去行動啦，貪心未必係壞事既，啊好無聊，返屋企訓覺算。
」
佢講完之後就放低左手上杯野飲，揮䄂而去。
我到底想點..
晨：「嘛，我屋企收到請帖，所以我咪黎。」
佢都收到請帖？佢到底係咩人？
大家姐：「晨仔乜你地識架？」
晨：「算係啦，之前見過幾次。」
大家姐叫佢晨仔？即係一早就識佢？
我同Sarah對望，大家都好似唔知發生咩事咁。
二家姐：「佢係藍家公子，都係七星之一。」
七星？佢都係！？我居然一早識左個七大家族既人？？？
我：「喂你..」
晨：「唔好提咩七星啦，一D意思都無，只係一個名俾佢地自己高興下。」
我：「吓？你知唔知七星代表..」
晨：「我知啊，咁又點先，阿明你想做七星咩？
」 我：「我..」
晨：「你真係幾貪心呢，明明已經有咁多一般人無既野，但又想要更多。」
我：「我只係想..」
晨：「你想好似上次對阿偉咁搵方法搞掂阿傑？但今次又係為左乜？」
「為左果個女仔？點解？你覺得今次情況同上次一樣？個女仔好似曉晨妹妹咁係被迫同佢一齊？」
一連串既問題我完全答唔到。因為我都唔知答案。
可能Anna係真心想同佢一齊呢。
畢竟我要Anna等左我咁耐，我又咩表示都無..
晨：「其實會唔會只係因為你想霸住人？」
「人地唔係一定屬於你架，而且阿傑唔係咁易對付，自己小心。」
係喎..點解我會咁緊張Anna..
因為佢一直都係我身邊？所以我唔想佢比其他人搶走？
定係因為我…
晨：「諗清楚自己想點同埋了解清楚狀況再去行動啦，貪心未必係壞事既，啊好無聊，返屋企訓覺算。
」 佢講完之後就放低左手上杯野飲，揮䄂而去。
我到底想點..