「續寫」無啦啦多左幾個家姐同阿妺: 特別篇未來

「同你估既一樣啦，佢贏左，已經上埋任。」

我：「嗯，睇完個辯論同埋Facebook張相都知八成係佢贏啦。」

「你..點睇佢？」

我：「點睇佢？佢而家直頭係一個人生贏家啦。」

「哶意思？」

我：「你諗下喇，原本佢一無所有既，係學校又係最底層果堆人。」

我：「阿媽一個返頭嫁，令自己做左有錢人，而家仲做埋學生會會長，仲唔係人生贏家？」

「聽你既語氣，你好似唔多鐘意佢？」

我：「又唔係話唔鐘意佢既，只係你唔覺得所有野黎得太快咩？」

「你咁講又好似係，所有野都只係短短幾個月內既事。」

我：「無錯，短短幾個月就有翻天覆地既變化，其實對一個人既心理有好大既影響。」

我：「就好似D暴發戶咁，有錢之後就財大氣粗。」

「你即係想話阿明佢..」

我：「咁又未必既，我只係列舉出其中一種可能性啫，可能佢唔會咁呢。」

「係..我都唔想佢好似阿偉咁，我幾睇好佢。」

我：「睇得出，我朋友話陳家兩位小姐都好似幾鐘意佢，咁後生就咁多女仔鐘意，有前途。」

「你指既有前途，係指佢有前途食軟飯？