「續寫」無啦啦多左幾個家姐同阿妺: 相似
得返自己一個係禮堂好似真係第一次。
個老師係臨走前叫我留低等一陣，話好快就會就會有人黎。
唔通係想對我頭先講既野秋後？
一諗到咁我又不自覺出左一身冷汗。
「吖，要你等真係唔好意思啊陳同學，要等其他同學走哂先所以哂左d時間。」
有一把聲係我身後傳出。
居然會係阿李生？？身邊仲帶住幾個保鏣唔通想殺左我？
李：「頭先，你講得幾好吖。」
吓？
李：「你好貼切咁形容出而家呢間學校既情況，居然有呢份膽量，我欣賞你，我終於搵到一個咁有膽既人。」
完全唔明白佢講咩喎我。
我：「李先生..你咁講係咩意思.？我份人比較頓，可唔可以講白少少。」
李：「聖所羅王書院，你知道係我出錢起架可？知唔知成立目的係咩？」
我：「聽人講係培育你個孫阿偉？」
李：「哈哈哈，就算係我面前都敢直接講出黎，阿曹可以有你呢個仔真係開心。」
屌，呢個阿伯到底想點，九唔撚搭八。
李：「培育阿偉，應該係阿晨佢話你知？不過其實仲有一個目的。」
「我知道就算點教阿偉都好，佢都無可能好似我大孫阿軒咁，無辦法，資質問題。」
「所以，我想係呢間學校入面搵，搵定將來可以幫到我手既人。」
「我俾哂所有有利條件阿偉，等佢可以不自覺咁做一個大反派，等有人去反抗佢。」
「不過，過左幾年，不但無人去反抗佢，指出唔公義既地方，果D我認為有潛質既人反而同流合污。」
「慢慢，間學校就好似你講既咁，扭曲左。」
救命，呢D野我唔想知，你快快趣話我知你搵我咩事啦好無。
李：「對唔住，話題講遠左，唔好阻你咁多時間啦，我入正題。」
我：「唔阻唔阻。」
李：「多得阿晨，我終於搵到一個合我要求既人，你第時有無興趣幫我手？」
嘩！講到咁遠！？
李：「你唔需要即刻答我，畢竟你而家都只係中四，到時你有興趣就搵我啦。」
李：「不過，作為一種支持又好鼓勵又好，我同你影張相啦，你擺上facebook當宣傳你地Knight啦。」
嘩！呢個阿伯！居然識facebook?
好似重點錯左添，不過我真係估唔到佢會支持我地Knight既方針，好surprise。
就係咁，我同全香港最有錢既人影左張相，佢仲好過癮咁做左個like手勢。
李：「咁你俾心機啦，只要你keep住而家呢份熱誠，將來一定大把世界。」
我：「係既係既，多謝李生。
」
佢拍拍我膊頭就轉身走左，禮堂又得剩返我一個。
返去啦咁。
我慢慢咁行出禮堂，準備返班房，不過見到有個人企左係度。
藍洛晨。
我：「你唔洗返學？係度出現既？」
晨：「反正返去都無乜野做，過黎睇下囉，係講得幾好喎，我無睇錯人。
」
我：「過獎啦，話時話頭先李生提既阿晨係你？你地識架？點解佢話我合佢要求
」
晨：「我識佢個大孫所以先識佢啫，一來佢覺得你敢言有膽量啦，二來可能覺得你同阿軒似掛？」
「係感覺上黎講似。」
又唔知你地講咩。
晨：「不過發生咩事都好，千其唔好唔記得呢一刻自己既諗法，係咁先，我女朋友搵我。」
佢地講野真係好難明，係咪因為我蠢？
一波三折之後，我終於可以返班房。
一入到班房，大家都望住我，連個Miss都係。
雖然已經被人望慣，但始終都係有少少唔舒服。
我返到埋位，坐我後面個肥仔突然用支筆戳我。
「喂阿明你頭先講得好好吖，支持你剷除堆特權階級吖，我一定投Knight。」
我：「哦..哦..多謝支持先。」
算係一個好開始，收到效果？
投票日係兩日後進行，呢段時間內大家都唔可以係學校入面拉票，即係代表戰場已經轉移左去facebook呢類社交平台。
而我，仲有岩岩得到既王牌。
李：「咁你俾心機啦，只要你keep住而家呢份熱誠，將來一定大把世界。」
我：「係既係既，多謝李生。
」 佢拍拍我膊頭就轉身走左，禮堂又得剩返我一個。
返去啦咁。
我慢慢咁行出禮堂，準備返班房，不過見到有個人企左係度。
藍洛晨。
我：「你唔洗返學？係度出現既？」
晨：「反正返去都無乜野做，過黎睇下囉，係講得幾好喎，我無睇錯人。
」 我：「過獎啦，話時話頭先李生提既阿晨係你？你地識架？點解佢話我合佢要求
」 晨：「我識佢個大孫所以先識佢啫，一來佢覺得你敢言有膽量啦，二來可能覺得你同阿軒似掛？」
「係感覺上黎講似。」
又唔知你地講咩。
晨：「不過發生咩事都好，千其唔好唔記得呢一刻自己既諗法，係咁先，我女朋友搵我。」
佢地講野真係好難明，係咪因為我蠢？
一波三折之後，我終於可以返班房。
一入到班房，大家都望住我，連個Miss都係。
雖然已經被人望慣，但始終都係有少少唔舒服。
我返到埋位，坐我後面個肥仔突然用支筆戳我。
「喂阿明你頭先講得好好吖，支持你剷除堆特權階級吖，我一定投Knight。」
我：「哦..哦..多謝支持先。」
算係一個好開始，收到效果？
投票日係兩日後進行，呢段時間內大家都唔可以係學校入面拉票，即係代表戰場已經轉移左去facebook呢類社交平台。
而我，仲有岩岩得到既王牌。