係青山醫院做看更幾年，見盡曬香港既痴線佬: 第五章

我大大力咁車落去，又幾過癮喔，於是我又車多巴落去。
 
間房又不停咁傳黎啪啪啪既聲音，而佢唔似二嬸咁，成條死魚咁。
 
個男人不停俾我打之餘，仲狠狠咁進實我，隻眼碌到勁大。
 
好正，原來果種感覺係好爽，會越打越起勁，尤其是你打緊既係衰人，你攞正牌去打人。
 
就好似旺角d警察咁，攞正牌打人，攞正牌去殺人，係幾咁爽，幾咁過癮。
 


你可以滿足左你不停發洩既慾望，而又唔洗負上應有既責任。
 
就同你做男優，中出d女優，中出完再中出，但又唔洗負責任一樣，爽完就算。
 
正當我享受緊打人既快感，度大門無啦啦打開左。
 
然後有一舊圓柱體碌左入黎，而我係唔知呢舊野咩黎既。
 
正當我停手諗緊咩黎既時候，個男人突然反抗，我成個人向後倒。
 


但我見到果個圓柱體釋放出氣體，好多而且好快。
 
好快……我就失去左知覺。
 
 
係我合埋眼，失去知覺一瞬間……
 
如果係電影既場合，就係咁岩有條友走過黎，而果個神秘人對日後既發展有深刻既關係！
 
但呢一切都唔係電影，而係真真實實既現實生活。


 
好遺憾，我係臨失去知覺前，我係俾人重重咁打左一掌，係好痛，痛到我即刻失去知覺，而我正係記得咁多。
 
唔知過左幾耐，我有返知覺，起身既時候，就係訓係醫院。
 
但唔係普通醫病既醫院，而係係青山醫院。
 
點解我會知？
 
因為我係訓係院長間房，而院長就係度低頭做緊野。
 
我起一起身，「醒啦？」經典TVB對白，心諗，唔通訓左咩？
 
「係呀。」例牌回答。
 


「過黎坐呀。」佢毫無感情咁講。
 
咁我就乖乖地聽佢講啦，點知我一落地就覺得腳仔軟，企都企唔穩。
 
可能累得制，出得太多力。
 
我慢慢咁行過去，周身乏力，勉勉強強行到過去坐低。
 
「你知唔知你訓左幾耐？」佢一眼都無望過我，仍然低頭咁做佢手頭上既野。
 
「唔知呀，幾耐呀？」我好真心咁問。
 
「三日三夜，真係唔知你地搞咩黎，搞成咁。」佢終於放低手上既野，望一望我，眼神好冰冷，周圍既氣溫突然下降左幾度，真係好有霸氣。
 
「你知唔知二嬸到依家都未醒？佢情況仲嚴重過你。」


 
我都要三日三夜，二嬸應該要成個禮拜啦，俾人打到咁。
 
「佢岩岩做完手術過左危險期，但仲未醒到，唔知幾時先識醒。」院長佢細細聲講，「都唔知係咪俾人打傻左呀。」
 
唔好以為細細聲聽唔到，其實可以睇同估，大約意思都係咁上下，次次估次次中。
 
 
「咁姐係佢返唔到工？」二嬸返唔到工我就碌柒啦，無人照住我。
 
「係呀，暫時都唔得架啦。」
 
「所以你都係休息幾日先，遲下再黎返工啦。」
 
都好既，休息一陣，等我沈澱下呢排所發生既事。


 
「你知唔知你私自打病人，你係可以唔洗返工架？」佢好嚴肅咁問我。
 
「我知我咁做係唔岩……但...」我個「係」字都未講完，院長就講：
 
「唔洗但係啦，見在你救二嬸份上，同埋人手不足，先留你係度，但你跟住落黎小心d，醒醒定定呀。」
 
搞到咁，仲唔識醒定d咩？呢份工真係吃力不討好。
 
我返到屋企既時候，已經好累，成身散曬咁。
 
累積落黎發生既野真係太多，要應付班痴線佬真係唔係咁易。
 
依家終於可以俾我抖下，係屋企做返個廢中。
 


沖個涼，睇下電視就想訓，但一訓就諗起果個打鬥畫面，真係幾變態，越諗就越精神，越興奮。
 
死啦，我自己跟得痴線佬多，自己係咪都變到痴埋一份呀？
 
 
呢幾日我不停諗返起果個場面，雖然只係短短既幾分鐘，但已經係我呢幾年發生最大件事黎架啦。
 
我咁大個人都未打過人，未打過交，係香港地點會無啦啦打交呀？
 
但原來打人係咁過癮，如果俾我繼續打落去，無暈低既話，我唔會收手，我一定會打到佢無曬反應為止。
 
唔知佢點呢？好想返工點下佢點，再一齊比武，分個勝負。
 
今晚就返工啦，返工既時候再睇下佢點先，唔知佢有無入廠呢？
 
到左今晚返工，第一次咁期待返工，就係為左見果條友仔。

 返到去就巡房，第一件事就係搵條蛋散。

 如大家所料，條友仔係唔見左，可能去左d更加嚴重既病房隔離，又或者去左醫院留醫啦。
 
總之，去左邊我就唔知啦。

但我知我sad sad地，無人陪我癲下，我連佢個名都唔知，起碼俾我知你個名，好等我日後搵你嘛。
 
佢間房空無一人，無燈光，死氣沈沈，同之前大戰既情況好不一樣。
 
舊地重遊，當時既血跡已經被清走，再無證據證明呀叔我曾經係度搏鬥過，出生入死過。