係青山醫院做看更幾年，見盡曬香港既痴線佬: 第二章
咁我應該點好呀？依家都洗濕左個頭囉。
「除左呢樣仲有無咩要注意嫁？」
「哈哈，」佢乾笑左兩聲，「你想要係度安安定定？無可能。」
「你係出面做看更根本搵唔到呢個數，搵得你黎做就自己辛苦架啦。唔好諗到呢度好似普通看更咁舒服呀。」
「出面D看更就真係無咩野做既，就咁訓教都得；呢度喎，除左巡房仲大把野你捱。」
「你講到咁，姐係我咩都唔洗準備？」
人到中年呀，要改變好多，會無咁博，只係但求安穩，依家我個心態都開始變。
「你做看更可以準備D咩呀？準備張凳呀？」權叔反我白眼，「我同你講只係想你做好心理準備姐。」
「有一樣好緊要既野你要記住，鎖匙千其唔好唔見，係千其，係一定！你唔見左，你真係碌柒啦，後果係點你自己諗啦，其他野自己執生啦。」
佢又講得好有道理，不過唔見左鎖匙又真係幾大鑊，分分鐘自己開左門，成班痴線佬沖出去，都唔知點收科，一個一個捉都唔知捉到幾時。
你完全估唔到班友仔會點，所以為左唔好俾呢D事情發生，真係去都邊都要保管好條鎖匙。
權叔佢食完支煙，然後係佢個腰包度拎左一抽鎖匙出黎。
抽鎖匙上面寫滿左唔同類型既number既，應該係房number。
「哪，你睇清楚啦，B係for boy，G係for girl，1係指1區，2係指2區，自己記住邊個區打邊個區。跟住就係房號碼，自己識睇架啦，仲要我教既話你就應該返去幼稚園。」
「除左我有一抽之外，D護士同埋清潔工人都有，之前係試過唔見左抽鎖匙，有病人走左出去，已經搞到好大件事。」
「總之自己小心啦，其他野我都保證唔到，但我做左咁耐，都習慣左。」
「你可以做到咁耐都算架啦。」我真心佩服佢。
「慢慢你都係咁架啦。」佢拎起佢個袋，拍一拍我膊頭。
「加油呀，我走先啦。」然後將抽鎮匙交左俾我。
然後佢就走左啦，輕鬆揮一揮衣袖，不帶走一片雲彩。
剩返我一個係度。
咁我係度都係無所事事嫁啦，於是我就去巡下房，視察下個環境。
沿上既燈光唔係好夠，迷濛既燈光充斥住整個病院。
呢度有好多分岔路，每條路係去唔同既區。
呢度D房唔似出面咁，6張床一間房，一堆病人住同一間房，方便照應同照顧。
但係呢度係精神病院，所以每一個病人都有自己獨立既一間房。
係間獨立房入面可以話係應有盡有，有廁所，有沖涼房。
呢D資訊全部都係我岩岩睇員工手冊得知既，上面仲有圖添。
床呢就唔係舒服嫁啦，但我估係出面要租呢D房都要每個月4000到啦。
我真係寧願自己係痴線嫁，住呢度又唔洗錢，又唔洗煩其他野，做個痴線佬都幾好。
正當我行行下，諗緊呢D野既時候。
我見到前面有個女人，佢就咁企左係度，眼定定咁望實我。
仲要夜媽媽咁，真係好L得人驚。
呀叔我就未驚過既，10年前可能仲要驚無命，依家都睇開曬啦。
但最大問題係，個女人係無著衫，係一絲不掛咁企係我面前。
重點，佢係唔靚女，而係一個老女人。
你好明顯係見到佢個胸係唔挺嫁。
我行埋佢，問佢咩事啦。
「小姐，你做咩事走出黎呀？」我唔敢望佢身體，怕俾佢屌／發癲。
但最大既重點係，佢點走出黎？
正常度門係鎖住嫁，無我地開鎖，佢點會走到出黎？
「由佢啦，我係度睇住佢架嘛。」
係漆黑既背後有把明亮既聲音傳出黎。
然後慢慢露個面出黎，係一位呀嬸，身穿制服，應該就係工友嬸嬸啦。
「咁點解要出黎既佢？」我百思不得奇解，我R撚曬頭。
「佢話熱喔，話想出黎，咪俾佢出黎。」佢咁既答案真係好難令我信服。
「下？熱？依家冬天黎架喎，今日仲要係得果9度，佢話熱？」
「有咩好大驚小怪姐，睇你一把年紀咁，都有成40-50章啦，成個廿歲既靚仔咁，未L見過大場面。」
係咪D上左年紀既人都咁臭串既呢？尤其是係D唔高職位既人。
不過見著咁既場面，我真係無野好講。
「房入面無冷氣咩？」開冷氣俾佢咪算囉，洗乜搞咁多野？
「冷氣壞左呀嘛，如果唔係唔洗帶佢出黎啦，呀嬸我做野係咪要你個新仔教呀？」
「咁我岩岩黎到唔識呀嘛，教又無人教我，可以點姐？」我一臉無奈，咩事都唔知又俾人屌到成面屁。
「唉見你咁可憐，最多以後唔屌你啦。」哇，呀嬸你真係皇恩浩蕩，感激不盡呀。
「咁佢又做咩要除衫呢？」
「佢鐘意呀嘛，你岩先有無聽到有人大嗌呀？」
「有呀，嗌得好大聲添，嚇死我。」
「咪就係佢囉。」呀嬸指一指個女人，「我叫佢唔好除，佢就嗌啦，咁我廢是嘈住其他人咪由佢囉。」
「我同你講呀，嘈醒曬其他人仲大鑊呀。」
我都知會大鑊，嘈醒曬成班痴線既，正係係度勁嗌都?我命啦。
我打量下個裸女，佢係睇落幾老，但算係有氣質，似係好人好姐，做咩搞成依家咁呢？
於是我就問個串串貢呀嬸，「呀嬸...呀...唔係，呀姨呀，點解佢望落好似好人好姐咁，搞成依家咁呀？」
「妖！你問咁多做咩姐，仲叫我呀嬸，我最好乜Seven都知。」
女人對呢d稱號真係好敏感，尤其是d上左年紀既女人。
「不過呢，我就好八既，有邊個女人唔八嫁？」佢都幾有自知之明喔，不禁對佢多了份欽敬。
「你唔好俾我知你d野呀，分分鐘爆出去既係我。」我都懷疑緊呢條呀嬸都係咪痴線，咁直接都有既？
「聽講佢之前好鬼港女架，當男人係玩具咁玩，跟住好似跟左個有錢仔，俾人搞大左個肚，本身大家都諗住要結婚嫁啦，就係臨結婚前一晚炸嘛，個男人就同佢講，你之前玩男人既其中一個係我兄弟，我依家係幫佢替天行動，你自己執生啦。」
「跟住就走左佢，第二日結婚既時候，佢丟曬架。」
「因為佢諗住果一日結婚係曬幸福，但點知......就搞成咁。」
哇，聽落係個精彩既故事，我有d想見識故事入面見義勇為既男人。
但又幫唔落，因為係自己拎黎。
我望一望佢，不由心生憐憫。
望住佢空洞既眼神，好似無左個靈魂咁，行屍走肉，想必佢風光既時候無諗過咁既下場呢？
「佢入左黎幾耐呀？」我問呀嬸嬸。
「好似都有10年啦，我入得黎6-7年到，我入黎既時候佢已經係度。」呀嬸望住佢，見佢係度不停咁自轉，唔知做乜勁。
佢都癲得幾出神入化架喎。
至少呢度可以俾佢痴線俾佢癲，出到去呀，我真係唔敢想像。
「佢叫咩名呀？」
「佢叫謝金恩。」
老實講，好難聽個名。邊個幫佢起架？個名都刻住「拜金」。
「醫生有無講話醫生返嫁？」
「你乖啦，入得黎既，醫得返都曬鬼氣啦，你痴左線會唔會無啦啦變返正常呀？」
Hi，佢真係講得幾岩，佢似看透世事咁既款。
留名跟嬸嬸學野。