毒L溝女記[遇上補習老師]: 重踏校園
「偉仔起身啦。」
一大清早彤姐叫我起身。
「知啦。」
我懶懶洋咁答左佢一聲。
「再唔起身返學就遲。」
我不得不聽命於彤姐，唯有起身。
「咦 阿彤你咁早就起左身?」
老媽子一開房門就見到彤姐。
「係啊，伯母早晨。」
「早晨，我仲諗住我黎叫佢起身，點不知你仲早過我。」
「放心啦伯母呢啲野我應份嘅，你去瞓多陣啦。」
「自從你出現左之後偉仔份人改變左好多，佢真係好聽你話。」
「唔好咁講，呢啲野都要佢自己改嫁。」
「依家你黎埋我地度住仲幫我管埋阿偉，又幫佢補習，我都唔知點多謝你。」
「唔洗多謝啦，以後我都會視伯母你為我嘅親人，大家一家人。」
「咁睇黎以後我就唔洗再為偉仔擔心。」
「係啊，你唔洗再為佢操心，你應該都會想見到偉仔孝順你。」
「係喎，我知道你地之前發生左好多事，所以我都買左個佛牌俾你戴，保佑你地可以平平安安繼續一齊落去，睇下靚唔靚。」
「靚啊，多謝伯母，我會日日戴住。」
話就話我仲好眼瞓，但我都偷聽到彤姐同老媽子一輪嘴咁傾計。
我刷完牙洗完面由廁所出黎。
「哎呀...」
突然我冼低左，佢地即刻望過黎。
「偉仔有冇事，我扶你起身。」
彤姐首當其充行左過黎彎低身扶我。
「冇...冇事。」
呢個時候我規探到彤姐件衫入面嘅兩顆巨乳。
「你前日先出院嫁咋，好心你行路就小心啲啦。」
「阿彤...好大。」
我雙眼視線聚焦落佢對胸，鹹濕樣顯露無遺。
「大乜野...」
彤姐好似開始注意到我望乜。
「啊...你個鹹濕仔，我一個唔小心走光你就借啲意係咁望。」
彤姐快快手手將我扶起。
「冇辦法啦，我個靚靚女朋友實在太吸睛。」
「想唔想渣啊?」
「想啊!!」
「想嘅就快啲去返學，唔係今晚我就唔俾你掂我，更加唔好諗可以睇我對波睇得你咁開心。」
彤姐咁講即係今晚又到我重振雄風嘅時候，又可以大戰三百回合。
「YES彤姐，我即刻去返學，今晚我地HAPPY HAPPY。」
「仲講，去啦。」
我即刻執埋啲野去返學，真係好期待今晚。
「哈哈，阿偉真係...」
老媽子最後都係鍾意笑下我。
呢日我懷著極好嘅心情去返學。
「咦，係何紹偉喎，你好撚勁喎拎條命去救人。」
一入課室BOBO姐就指住我串，原來我啲野已經唱開晒。
「謙虛謙虛，我條女黎喎，唔通睇住佢死呀。」
「你就好撚耶啦，TINA姐都唔夠你鬥。」
我眼立即掃向TINA個位，空空如也，我先倍感安心。
記得TINA以前份人唔係咁，佢好純品，但竟然經過一個短短嘅情人節佢就360度變左，我諗返都覺得驚訝。
但佢早就唔應該將成副心機放落我身上，因為我只係一條毒L，唔值得一個女神咁死心去追我，
加上我已經家有愛妻，更加唔應該受佢，佢應該要懂得放棄先啱。
「佢呢啲係罪有應得。」
「你就緊係想佢死，我坐佢隔離就成日見到佢拎你幅相出黎J，睇得出佢有幾鐘意你。」
「下...」
估唔到佢會鍾意到我咁樣。
「你當初受左佢咪唔洗搞咁多野，加上佢咁撚靚都唔啱你?何必要為條女去到咁盡。」
「你識條鐵咩，我呢啲叫專一，係好男人表現，你唔會想你條仔出面同第二個一齊俾頂綠帽你戴掛。」
「同埋明明你只係一條毒撚，樣又柒，點解咁都吸引到個女神溝你，我真係不解。」
「你唔撚明嫁啦，有樣野佢勝過好多人，就係勝在佢條巨龍夠大，幾多女都撲埋去屌偉度啦。」
豪哥突然行過黎搭爹。
「你講乜撚野呀，又係度鳩UP。」
我立即辯駁。
「唉我條巨龍就冇你咁大喇，冇你咁有福。」
「喂鹹濕豪你啲料都幾爆喎，真係多得你爆料。」
聽到BOBO姐咁講先知我啲野原來就係豪哥唱出去。
「屌你原來我啲野係你爆晒出去，我信錯你乜春都爆晒去。」
「息怒自怒兄弟，你啲料幾爆都好過一排就冇人記得嫁啦。」
「我屌你...」
「咦，何紹偉你終於返學啦?」
不知不覺間就連林SIR都行左過黎。
「你好啊林SIR。」
「你就威啦，登晒報紙話你捨命救人，TINA都俾人抓埋。」
啱啱就BOBO姐讚我，依家又到林SIR。
「唔好咁講，保護市民你我有責。」
「頒翻個熱心市民獎俾你好唔好?你咁有義氣最好日後唔好再俾我搵到你痛腳，就睇下你有義氣得幾耐。」
「好啊，多謝林SIR提醒，我一定會做到最好俾你睇，日後拎埋十大傑青俾你睇仲得。」
「你要交俾我嘅功課呢，交左未?」
「我依家即刻做完俾你。」
「我望你養左咁耐傷，就俾多你少少時間，放學前啦。」
「謝主隆恩，林SIR好走。」
然後林SIR終於遠離左我。
「睇黎林SIR仲係咁針對你。」
豪哥見林SIR走左先肯開口。
「冇辦法啦，鬼叫我係佢眼中釘，過多一年我就離開呢度就唔洗再對住佢。」
因為如無意外的話下年我就畢業。
想當年越王勾踐打輸仗咪又係靠忍耐，之後日後一下反敗為勝先可以卓有成就，
所以我要有勾踐精神，一年姐好耐咩。