毒L溝女記[遇上補習老師]: 拚命奮鬥

「張...倩...彤...」

我邊大叫邊追住部車，始終人鬥唔過車佢已經開左好遠。

點解會咁，抓佢嘅係咩人黎，我個腦好亂已經諗唔到野。

只知道我要一直call彤姐

「你的電話暫時未能接通...」



冇錯，又係呢句難聽過粗口嘅說話。

我已經冇辦法唯有報警，

正當我想報警陣突然有個電話打黎---係TINA。

佢打黎做咩。

「喂，TINA你又想點?」



「阿偉，你黎我屋企我有啲野想同你講。」

「屌你老味你今次又想玩咩花樣，我依家好煩唔得閒同你玩。」

「你係咪搵緊你個張倩彤?」

「阿彤?你點知我搵緊佢?係咪你派人抓左佢?」

「你煩唔煩啲呀，區區一個張倩彤睇你心急到呢。」



「你條撚樣抓左阿彤去邊?快撚啲講啊死仆街。」

「唉，如果我個何紹偉都可以咁著緊我就好。」

「我問緊你野啊答我啦!!撚樣。」

「黎到我屋企咪知囉。」

「好，我黎你屋企，如果你夠膽傷害阿彤我一定唔放過你。」

嘟嘟嘟....TINA收左線。

我唔可以茂茂然一丁友去，多個人會比較安全。

我call豪哥



「豪哥我有緊急事，xx樓見。」



我急速行去TINA屋企樓下。

「阿屌偉，乜事call得我咁急?我專心煲緊AV嫁。」

「人命關天，TINA派人抓左阿彤，我同你上TINA屋企...」

「哇，要我做啲危險野我唔DO嫁，咪預我。」

「我都未講完，我入去救人，你就係走廊照住我，如果聽到入面有爭執聲即刻報警。」



「冇危險事咁就DO啦。」

睇穿豪哥貪生怕死一啲義氣都冇唔會同我一齊救人，所以叫佢守門口就算，靜觀其變。

我同豪哥步入大堂搭lift，按下6樓之後lift慢慢升上。

「叮。」

唔洗20秒就到達6樓。

我同豪哥都凝住沉重嘅心情步向TINA屋企，

我同豪哥plan好之後佢行走左呢埋，而我慢慢禁下門鐘。

「叮咚。」



鐘聲拉長地響起，不安嘅感覺湧現。

一開門我見到有個著黑色衫嘅男人出現我眼前，我步入屋。

「何紹偉，你終於肯黎啦?」

我對視線匯聚前方，眼前再次出現令我驚訝嘅情境，

彤姐被五花大綁坐係張凳度，而TINA就坐係隔離。

「阿彤!!賤闣你做乜抓左我條女，快啲放左佢。」

「啊......」



我個肚突然俾個男人鍋左一鎚，睇黎呢啲係TINA班靚黎。

「我話左你唔同我一齊你一定會後悔，點解你就一定要咁固執?」

「快啲走啊，偉仔...唔好理我......」

彤姐喊住咁叫我走。

「張倩彤.......我一定會救你出黎...唔洗驚，嗚嗚。」

我亦都開始喊出聲。

啪!

「八婆!呢度幾時輪到你出聲。」

TINA摑左阿彤一巴掌。

「你做乜打佢，我唔會放過你!!」

講完我就起身衝過去TINA度，正當我開始衝，有兩個男人就抓住我。

我個肚再次俾人鍋多一鎚，呢一鎚好重。

「何苦呢紹偉，寧願受苦都唔同我一齊，放棄呢個女人啦。」

「偉仔，快啲走啦，我信你係俾TINA陷害啦，係我錯我一早就應該信你，唔應該一次又一次咁離開你，係我怪錯你....」

啪!

「收爹啦八婆。」

「阿彤!」

「對唔住啊偉仔，係我搞到你咁痛心....」

啪!

「叫你收爹啊!」

「我唔怪你啦，快啲走唔好理我，我早就應該死左佢，係我冇用...」

啪!

「夠啦TINA，你唔好再傷害阿彤，你仲有冇人性，佢岩岩出醫冇幾耐嫁咋。」

「人性?係你迫到我冇人性嫁，如果唔係張倩彤嘅出現我地就可以好幸福咁生活。」

「呢啲係命運，係個天注定我同佢一齊，冇得改變。」

「冇得改變?咁我摌除左呢個女人咪改變到，你吹得我脹?我就係要人定勝天，我要得到你!!!」

「走...啊...偉仔。」

啪!

「屌你仲出聲。」

呢一巴掌終於將彤姐擊暈左。

「張倩彤!!!」

「我屌你老母，我要殺左你。」

我再次企身拼盡全力衝到TINA身邊，

雖然班靚抓住我，我同佢地拼命爭紮，

苦苦爭紮我鍋中左某條靚個頭，呢發出嘅呢一鎚好重將佢打暈左。

剩低兩條靚見情況有變就拎左支鐵通繼續打我。

受到進一步嘅攻擊我冇能力再還擊，只知道佢地每一下打落黎都好痛。

但係我腦海裡突然閃出最後一刻信念，

「我咁辛苦先搵到阿彤，我一定要將佢救出!」

跪係地下俾人打緊嘅我之後一鎚重擊打落某條靚個春袋。

「啊...!!」

條靚痛到抓住自己春袋走開左，我對"爆J手"終於發揮效用。

剩低一條靚見情況不妙就諗都唔諗一棍扑落我頭度。

我頭頂受到一下重擊，瞬間睇嘅野都好模糊，仲會旋轉。

眼前一黑我終於失去意識。

「張...倩...彤...我...愛...你...」

最後我口中只識講出呢六個字。

我地會唔會隔世先可以再見面，

我地呢世係咪係時候要永別? 

一切一切結果...都要聽天由命...我...無能為力......