毒L溝女記[遇上補習老師]: 生日

「個天好藍...好靚。」

「係呀，真係好藍。」



「啲野超好食...停唔到口呀!!」

「係呀，超好多最緊要你鐘意食。」





「偉仔你好，又到我幫同你私補嘅時候~」

「你好啊阿彤，今日咁鬼早啊，今日啲功課好難你實唔識......」



「好攰呀，到山頂未呀?」



「就到啦行多幾步捱住呀偉仔。」



「睇下呢度啲景好靚...」

「睇下個海今日又藍又靚...」

「偉仔，就呢件衫啦夠晒襯你...」





話咁快就兩個月，彤姐每日都好開心，每次同我去睇靚景唔係靚就係藍

所以呢兩個字已經成為佢嘅關鍵詞

對耳早已習慣，但我並冇因為咁而覺得厭煩

因為佢把甜美嘅聲線我永遠都聽唔厭

我反而仲越聽越頂癮，堪稱上癮。

彤姐有一個習慣，就係好鍾意翹住我隻手周圍走

而我亦有一個習慣，就係好鐘意失驚無神錫彤姐塊面一下



大家一直都過住開心嘅日子，可謂幸福啊!



呢一日我如常返學

自從有左彤姐嘅出現，我每日返學都好開心好勤奮

再唔驚一班窮凶極惡之眾

林SIR?咩黎嫁?BOBO姐?又咩黎嫁，食得嫁?

愛情嘅魔力就是如此偉大。



「喂，阿偉醒本正野你睇啦，波多野結衣今期寫真集黎嫁。」

「無啦啦做乜送寫真俾我?」

「生日禮物啊，你唔係唔記得你今日生日下話。」

原來今日係我生日，估唔到豪哥咁有我心。

「生日快樂啊屌偉，又老一歲。」

「怪唔得你咁益我啦，多謝喎，到你生日我都實送翻樣好野益你。」

「真係估唔到你平時鹹鹹濕濕你竟然咁有兄弟情，仲記得我生日。」

「傻啦講呢啲，我不嬲對兄弟好嫁啦，兄弟如手足啊。」



「總之都多謝你啦，雖然係一本寫真集但我都會好好收係床下底唔俾我條女知嫁啦haha。」

「識做。」

叮噹叮噹!叮噹叮噹....

放學時間又到

「走啦阿偉，記得我俾你本寫真集要睇呀，唔好淨係識收埋唔睇。」

「知道啦。」


返到屋企



屋企照常漆黑，睇黎老媽子返左內地仲未返黎。

我行入廳

「砰!」

「生日快樂我最愛嘅偉仔。」

嘩，嚇撚死少啲心血都唔得掂。

「happy birthday to you~happy birthday to you~happy birthday to偉仔~happy birthday to偉仔~」

「阿彤啊，真係俾你嚇死，呢個驚喜真係夠晒大。」

「今日你生日啊大日子黎，緊係要驚喜啲啦!」

「你睇下個蛋糕，係我專為你而設嫁，蛋糕上面插左16枝蠟燭，係代表你歲數。」

「而你鐘意食士多啤梨味所以我買左個士多啤梨蛋糕，成個蛋糕紅當當亦代表我對你嘅愛意。」

原來彤姐為左我呢次生日花左咁大心思。

「只係一次生日你竟然對我花咁大心思，我嘅價值真係咁高咩?」

「緊係啦，你係一個對我好重要嘅人當然要對你好啦。」

我嘅眼淚開始控制唔到地慢慢流下。

「阿彤，我愛你啊，我...我真係估唔到有人會咁照顧我、關心我、對我咁好。」

「因為咁多年黎都冇人會咁著重我，就算係至親嘅人老媽子都唔會同我慶生，莫講話慶生，平時好多事都唔會理我，加上我朋友又唔多，老豆又一早離左世，寂寞嘅日子經已經慢慢習慣。」

「但呢次彤姐你...你竟然...對我咁好...我真係...嗚嗚。」

我攬住彤姐邊喊邊講，彤姐亦都攬住我。

「傻仔黎嘅，唔好喊啦，自此有我係度你都唔再寂寞，有啲咩事我都係第一個支持你，我以後就係你至親嘅人，我會好好咁去愛你。」

「係咪真?」

「緊係啦，乖唔好再喊啦，今日你喜慶日子黎嫁，蠟燭熔晒啦，快啲許願吹蠟燭啦!」

我唔再喊雙手合手開始許願。

「希望我可以同我最愛嘅張倩彤係埋一齊，永不分開，幸福地過每一天，祈求上天保佑。」

我合埋眼用個心講野。

「呼!」

許完願我一吹蠟燭瞬間熄晒。

「你許左咩願講俾我知。」

「講出黎就唔靈啦傻豬。」

「啍!」

「唔好嬲，我地食蛋糕。」

我同彤姐就咁樣兩個一齊渡過生日，sweet到爆。

真係好希望我地嘅日子日後都可以咁幸福，咁sweet。