行行下街，突然撞返前度: 章節六

係佢哋瞓咗之後，阿靜去咗沖涼，而我，梗係乖乖哋咁係到打機啦，雖然真係好想同佢一齊回味下當年嘅情境，不過始終今非昔比…… 

過咗陣，阿靜沖完涼，出到嚟嘅時候真係嚇咗我一跳，佢只係用條毛巾包住個身。嗚呀～魔鬼唔好再引誘我啦，見到嗰陣我真係有一絲衝動想將佢就地正法。 

當然，我嘅理性蓋過咗我嘅獸性。之後阿靜徑自走入我間房，真係心諗，你想點呀…… 

咪住，佢搵我條毛巾包住個身，咁我一間沖完涼點呀……過咗陣，阿靜出到嚟，佢著咗件明顯係係我衣櫃搵出嚟嘅白裇衫，黑色嘅內衣若隱若現，簡直係挑戰人類視覺感觀嘅極限。呢刻嘅阿靜就好比魔鬼嘅化身，而我就好似一隻餓狼面對自己同類嘅時候個種食與唔食之間嘅矛盾扎。 

阿靜一步一步咁迫近，終於行到嚟我面前，將條毛巾俾返我之後話：「嗱，去沖涼啦。」 





我一入到浴室，彷彿充斥住阿靜嘅香氣，同一刻就好似返返去5年前嘅情境一樣。我不停咁用水令自己冷靜。可惜愈要自己冷靜，體內嘅魔鬼愈活躍。 

當我沖完涼，入房拎被準備做廳長嘅時候阿靜突然話：「我怕凍啊，可唔可以陪我瞓？」 

我全身嘅氧氣同血液好似瞬間被抽乾咁，過咗幾秒先至反應到：「吓，唔好啦，一係開暖氣俾你啦。」 

阿靜係咁撒嬌，又捉住我隻手話：「我今日係你女朋友，我要你陪我瞓呀！仲有啊，今日，你想點就點啦。」窗外嘅月色照出阿靜講完呢句之後，紅都面哂嘅樣。 

受唔住阿靜嘅嬌嗔，我最後都……「係啦係啦，陪你瞓啦。」 





上到床，原本諗住背對背咁瞓，點知阿靜要我同佢面對面咁瞓，頂，咁點瞓呀…… 

其實頭先同阿靜熱吻之後，生理反應就一直冇停過……媽呀……我偷偷哋望住阿靜，不過乜都冇做過，頂，我唔係真係要眼光光等天光呀…… 

望咗陣，阿靜突然將個頭伸埋嚟我到，之後我哋雙唇再次合上，再由男左女右變成男上女下，大約5分鐘後，阿靜嘅呼吸聲開始急速，隻手都開始往我褲頭移動。係呢時候，我阻止咗阿靜……