《無期》: 第二章 幽藍，鐵影11

思考力、反應、身體協調都無與倫比，超出人類極限。

「砰！」

風褸男一拳擊退彩鱗，後者像被重型貨車撞到，倒飛十尺遠，差不多着地時，風褸男已經極速移動到其降落點，發出驚天地的超絕一擊！

看不清睇不明估不到想不著這究竟是拳是掌或是甚麼發出的！

「轟！」





如大炮的聲響卻不見硝煙，彩鱗被轟上天空，鐵鏈和一部份石屎亦被拖上半空，再與它一起重重地摔在地上。

彩鱗吐下一口口黑血後，竟然還能站起來不像重傷，似乎仍有一定戰力。右手在後腰拿出些甚麼在手。

此時風褸男卻沒有乘勝追擊，反而慢慢後退，退到老師身前，位置就像一開始一樣。

「我地走，慢慢退。」

彩鱗見他們正在後退亦停下手中的動作，望着他們慢慢消失於視線後，才放回手中物，轉身走向紅鱗…





「快啲！如果唔係追唔上你同伴。」

「金生，點解你要幫我？」

「話晒我啱啱先救咗你，唔洗拎到咁實喎，況且…你諗住傷到我？」

「小心啲好。你唔答既，我唯有爆喇。喺目的不明既情況下，我唔會俾你接近我同伴！」

「有必要咁小心？」





「哩段時間唔通你仲未見識過人性既黑暗？」

「咁又真係未。我諗我難啲見到。救你係順手啫。」

老師再跑慢一點，然後把手指扣着的拉環拉得更緊，作好引爆的準備。雖然他沒有信心能在這生物的注視下引爆，但還是要嘗試。

「順手？我諗你頭先都應該打得唔輕鬆，絕對唔係順手咁簡單，觀察咗我地幾耐？你地有幾多人？」

「唉，估唔到救個人都咁撚煩。我地得番好少人，可以戰鬥就更加少，世界轉變緊，我地需要觀察好哩個世界既情況先，你當我係斥候啦，如果有值得救既，情況許可我都會出手。」

「我會值得你出手？我似乎冇咁大價值喎。咁即係觀察咗我地幾耐？」

「你而家可以話係好廢，但係遲啲身體適應哩個世界既轉變之後，可能會好唔同，而你都係特別既一個，有潛力既。我原本跟住紅色嗰隻，佢好耐心跟你地大半日，再等你地鬆懈嗰一刻攻擊。哩種生物好強。」

「咁你地組織既目的係咩？」





「停底咗好耐喇，一陣追唔上㗎喇。我地只有一個目的，人類可以繼續生存，度過哩次劫難。」

「咁偉大？我唔信。」

「其實唔偉大。哩個只係生存落去既條件。」

「好，咁我暫時相信你先啦，金生。但係彩色嗰隻，點解唔殺？」

「殺？你講笑，再打落去邊個死話唔定，佢一定仲有後手，只係我值唔值得佢犧牲，頭先佢手上拎住啲野，只係唔想用，再逼佢可能會兩敗俱傷。同埋我唔係姓金！」