《無期》: 第三章 暗湧9

T拿出來的東西當然不會簡單，遞到病床前給盛：

「你停止侵蝕我既結界先，而你要既答案，聖石會解答你。」

盛以餘下的右手接過後：

「咩結界？我幾時有攪你結界？」

「可能係自然反應，當俾人打，好自然就會還手，係本能，我佈哩個結界係等大家可以繼續用到電器，過接近過去既生活，你既侵蝕會令結界崩潰，後果係點，唔洗講啦。」





「咁我點停？我根本乜都冇做過。」

「正正就係因為你乜都冇做，而家就係要你收斂，你真係好粗心大意，你而家已經超S級，做任何嘢都要三思，能力越大...」

「責任越大啊嘛，唔好再up咁多廢話啦。」

「唔係責任越大，係你引發既嘢後果就越大，責任只係人加喺自己身上既珈鎖，你自己覺得係自己既責任就係，人地點講係人地既事。感受一下我俾你既壓力，接受佢唔好反抗。」

盛開始感受到一股若有若無的壓力，正慢慢地加強，身邊心電儀器開始閃爍不定，要接受？是放鬆的意思嗎？





「噗！」

這不是聽到的聲音，而是盛認為應該聽到的聲音，像一個氣球爆破的聲音，而他就是那個氣球。他像領悟了些甚麼，開始「吹氣」，感覺一團氣體圍在身體邊，又再讓其自由散去。

望着T，他更難以理解，T的結界包圍了整個城，這種廣闊與堅韌是何等強大，這是另一層次的能力，足以橫掃一切的力量，比想像中強勁無數倍，何以會懼首懼尾，還需隱藏力量？不止如此，就連天使亦禁止協防。

「你咁強大，你究竟怕乜野？」

「好快你都係咁強大，而我怕既，你都一樣對抗唔到。」





「就算有幾強，我都唔會好似你咁，驚咗佢。當你怯既時候，你就已經輸咗。」

「怯唔怯都會輸，哩個只係影響自己表現既一種因素，職業拳手再怯都會打贏小學生，激勵有時係一啲用都冇。」

「砰！」

房門被撞開，一個衣衫不整的年輕男醫生破門而入，身後有兩個年長的醫生不小心踏進了病房後立即後退，但又不敢走開，如坐針氈般尷尬難受。

男醫生一邊整理被拉扯而變得凌亂的衣服一邊氣急敗壞地說：

「你想對我既病人做乜野？我唔怕你㗎。」

他身後那兩個醫生面如死灰，不斷做出各種手勢與表情想阻止他繼續說話，害怕殃及池魚。

T：「我想同佢傾幾句，冇想對佢做咩。另外點解要怕我？我會殺人咩？我十惡不赦咩？」





「咁...咁又唔係。我見有緊急情況，所以趕嚟睇睇...」

T：「睇完啦，病人冇事，你地可以走喇，俾我地傾下。」

盛：「我冇事，唔該晒你啊，陳醫生。」

「...我唔係姓陳。」

盛：「記錯記錯，鄭醫生啊嘛，口快講錯。」

「我都唔係.........」

林醫生還未來得及糾正盛的錯誤就已經被如獲大赦的醫生門拖走了。





Ben依稀記得袍上的名牌上的名字，忍不住提醒盛。

「盛哥，人地姓林㗎。」

盛無所謂地：「是但啦。」