《無期》: 第三章 暗湧

「冇可能，你亂講。就算係，唔好唔記得哩度都係由佢建立，冇佢我地都冇哩個基地，冇任何電器可以用，至少都要懷有感恩之心。你竟然叫佢黑面咁唔尊重？」

「我就係咁叫，點吖？我唔同你嘈，總之咁多人死都係因為佢咋。」

年輕男不再理會憤怒的Ben，而是轉向和老師等人：

「其他人過嚟登記，名，ID Card No.，災前職業，能力同戰績，登記完先可以入去。」

霧：「哦？點解要填咁多野？」





年輕男：「哩度規矩就係咁，你咪唔好填，留喺出面唔好入嚟囉。」

Ben拿了數份表格給他們：

「唔好聽佢講，填名同ID得喇，方便啲認啫，另外如果有親人搵緊你地都可以即刻知道，其他optional既可以唔填，唔洗理佢。」

年輕男沒有反駁：「哼。」

Ben:「你話啊天死咗，盛半變四份一究竟係咩事？」





年輕男：「四日前入夜既時候，逝者大軍毫無先兆咁出現，然後瘋狂咁進攻，好似有人指揮佢地咁，識攻擊我地防守薄弱既地方，而且仲聯合蜥蝪人，啊天就係因為彩色蜥蝪既偷襲而死。然後就精力彩喇，之後連龍都有五隻，好彩剩半喺度，殺兩隻傷兩隻咁，最後俾其中一隻咬甩埋剩番嗰隻左腳，佢到而家都仲昏迷緊，唔知過唔過到哩關。」

Ben難以相信，只是一直搖頭，頭中喃喃地「點會咁，冇可能。」之類的說話。

年輕男：「所以你話佢點解唔出手？佢去咗邊？佢神嚟㗎嘛，咁無敵點解唔幫手？對佢嚟講唔係舉手之勞咩？」

「我無講過我係神，我講過我唔會再出手，就係咁簡單。」

突然一把男聲打破年輕男反問後的沈默。





一個穿着T-shirt 牛仔褲的男人站在出口處，於通道中的陰影中不快不慢地走過來。就算因為衣物是黑色與深藍，在幽暗中難以發現，但在他開口前完全沒有人察覺到他的出現，密頭鞋在平整的水泥地上發出拖曳的磨擦聲，而大家卻在此刻才聽得見。

這人出現得非常詭異，就像是躲在黑影中突然鑽出來；又像是屏蔽了聲音與影像，走到門口時才卸下防備現身；又或者他像Gantz那樣傳送過來的？

Ben：「大帝...點解？」

然而當那人進入了房間後，顯得更加怪異，一片黑霧如面具般緊貼在其面上，完全看不到容貌，連髮型亦遮蓋了，難怪那年輕男會稱呼他為黑面。

霧強忍着想一睹龍顏的好奇心，她仍感到雙目赤痛，偷看天使的代價猶在。

不至她，在場所有人都像被按下暫停鍵一樣靜靜地望着他，望着這個突如其來的不速之客，不敢動甚至不敢呼吸，因為眼前人是擁有至高無上力量的人，有殺掉所有人的能力。

而這人此時此刻正指着某人。

這似乎不太妙。