《無期》: 第三章 城與大帝2

天使對乞衣魔法師給她的評價毫無反應，仿佛不是在說她一樣，或根本她就聽不到？

霧：「你話佢係似天使咁既生物，係咩意思？」

「意思係佢真係唔係人，應該…

佢地喺一個巨蛋入面從天而降，落喺大帝附近，一出蛋就跪拜佢，然後先慢慢先學識少少廣東話，但都唔係好識講野。基本上佢係大帝派嚟保護我地既。頭先可能機件有問題。」

霧暗地裏「偷看」一下這生物時！突然雙目一震，疼痛無比，眼水不斷流下。天使望了霧一眼後，繼續「監視」着藍。





「嘩！小心小心，阿姐你輕手啲啦。對唔住，唔記得講唔好立亂試探佢，佢會反撃架，仲要好狠下添，你冇事阿嘛？睇嚟你應該有特殊既眼力，感知形既能力者好特別同罕有，希望你地可以考慮留底幫手。」

天使無視霧的痛楚，調整了自己的重心，好像準備隨時發動雷霆一擊一樣，只是對象不是霧等人，而是藍。那冷冷雙眼不帶一絲情感，亦看不見憎恨與敵意，為何要一而再再而三的針對藍？

「啊！！！」

藍突然整個人抽搐着，口中叫聲與呻吟之聲不斷。

隨着藍的抽搐的幅度與叫喊的聲浪不斷加強，天使的攻擊意圖就越發明顯。





正當大家以為天使出擊之際，明撲向藍。

「家姐，你冇事嘛，唔好死啊！」

藍在明的懷裏慢慢地平復下來，而相對地天使亦慢慢減低攻擊的意圖。明顯她是覺得藍有問題！連歷等人先前的攻擊也只以震退為目的，反而視奄奄一息的藍為威脅？一定有古怪，但這古怪是天使或是藍？

「好喇，停底俾我抖下都得掛，你走啦，我唔想攪大佢，我會自己返去。」

天使聞言立即衝天而起，一扇雙翼如流星般飛走了，沒一句廢話甚至不回望一眼。決絕得非常徹底。





那速度比之巨龍逃亡時的速度亦不惶多讓。

這生物太可怕，而更恐怖的是那個大帝，乞衣剛才以「佢地」來形容，即他們擁有不少於一名天使，那不是有足夠實力橫掃一切勢力？

去香港會有所收獲，這是鐵影所暗示的嗎？他們是否一夥的。

這一切在老師等人心裏形成了無數個謎團，如旋渦般把人困在中心，再也走不出這迷宮。

「真係非常抱歉，講番正經野先，我地要去北角嗰邊，有啲遠， 大概要兩至三日左右，中途經過啲森林唔好入去，因為好危險，在下未必夠實力保護到你地。」

霧：「咁再遇到龍點算？」

「都唔太擔心既，大帝封印咗黑彈同紅海喺我體內，魔力仲未耗盡，再有龍都仍然可以同佢打一陣，逃走應該冇問題。」

霧：「即係如果冇哩兩種能力，你都打唔贏龍？」





「當然啦，始終龍係A級頂尖生物，我小小一個魔法師係唔會夠佢打，但有大帝賜與既能力就唔同喇，黑彈可以毀滅佢，紅海可以擋住佢，攻防都贏晒。

不過你地真係好西利，竟然可以斬傷佢，避得開佢既攻擊，已經踏入B級既領域喇。相信你地都係靠自己努力，真係令人尊敬。」