《無期》: 第二章 捕獲

這次不用細想deal 唔deal，正常情況下均會繞開異地，裏面的生物古怪而且危險，應盡可能避免接觸那些未知的危險。

整個太子應該已經被異森林取代了，地震與奇異地區的出現一定有關係，那天就像開啟了地獄之門一樣，大部份人變成失智者，強烈地震，異生物湧現，肉眼看不到的可怕鬼魂，究竟那天發生了甚麼？

霧：「佢地信唔信得過？」

老師：「暫時都ok，我就覺得佢半真半假，真既係佢地似乎冇惡意同真係想join我地。但一定有野隱瞞我地。自我覺醒又有咁大能力，一定有古怪。其實觀察我地幾耐先係真正既最後問題，而佢都認由你地入城就已經開始，一啲都冇隱瞞，咁佢真正既秘密係咩？」

『咁即係暫時觀察住佢地既可靠性先？』





小馬尾回望十多米後的姊弟說：

「哈，咁都幾得意，俾我地觀察番轉頭。」

十五米後的距離，有着相似的對話。

「家姐，佢地真係信得過？」

「應該得，你睇佢地團隊，男女既相處既方式，女性喺入面應該冇受虐待地位平等，好難得。另外雖然唔知佢地俾咩追走到嚟哩度，但佢地進退有度並冇失到方寸，亦唔係是但入一座大廈避難，起碼有啲腦，唔太白痴。已經值得嘗試。」





「咁又係，上次嗰team人，唉，諗起都覺得仆街。咁我地可以遇到佢地都算好好彩。」

「冇錯，所以要小心，就算佢地真正接納我地都要小心，唔好講錯野，你永遠唔知道彼此既關係咪真係可以緊密到可以去承受一切。」

「知喇，我乜都唔知道。」

「咁就最好啦。」

「不過佢地真係好西利，差少少就突破到。如果係咁，我地就冇咗支好籤喇。」





「其實已經突破咗，不過仍然可以照劇本上演。」

勢明突然感覺到莫名的冰冷包裹着整顆心。

他望着藍，望着她認真與冰冷的目光正觀察着前面那6個人，他感覺到有些應該早已捨棄的東西，其實還殘存着，在某個位置隱藏潛伏着，這刻已消逝得無影無蹤。

肩上的背囊似乎更沈更重了。

「原來如此。」

「嗯。」

偶然在廢墟的陰影中有零星的失智者都被一擊必殺，一點也沒有拖慢他們前進的速度，白日與數量已決定了一切。

所以藍與明是走得頗輕鬆的，前方有人開路，他們只要跟上便可以了，就似在家中後花園散步一般。





然而危險與威脅並不一定是源自失智者與異生物的，人有時可以很恐怖，超乎想像突破人性的界限，讓你發現給予你無盡寒意與絕望的人（們）其實是惡魔。

前方有一道以倒塌物砌成的路障，當老師等人見到時已太遲了，對方一定已經發現了他們。

「前面既人聽住，你已經進入我地既領地，放低武器接受調查。」

今次麻燃煩喇！