地鐵尋憶: 第三集 (過去)
地鐵尋憶 第三集 (過去)
------------------------------
我再次張開眼睛,前的景象是一片藍藍的天空被一棵大樹的樹枝和綠葉遮擋。我慢慢地坐起來,發現自己正躺在一片草地上...
當我觀察四周的環境時,我發現有一座鞦韆在我的右手邊,有一位女生背向我坐在鞦韆上...
我慢慢站起來,想走近那女生「你......呀!!!!!」當我用手抻向那女生時,我的身體突然產生劇痛...痛得倒在地上。
「你唔好離開樹蔭範圍啊,唔係你會死...」那女生的聲音很像在那裡聽過...?
但我還是痛得無法張開眼睛,身體的每一寸肌肉只要稍微輕輕一動就痛得像被人撕開似的...
「你重記唔記得當初同我既約定...?定其實所有都係謊言...?」我記起是誰了!她就是經常出現在我夢裡的女生...但我連她是誰也不知道,又怎會知道什麼約定...
痛楚開始慢慢散去...我才勉強張開眼睛,只看見她皺著眉望著我...
「睇黎...」此刻,有一把男聲在遠方慘叫「睇黎都重係未......」...「咪.......住.......你到.....底.......」眼前開始漸漸變黑...
「啊!!!!!!!...」我被那慘叫聲驚醒...「依度係邊度...」
「點解.....」我慢慢坐起來,看到晢叔、啊Sam等還有一些我們隊伍的人...都睡在我的周邊...「到底發生咗啲咩事...?」
「啊!!!!!!!....」慘叫聲還未停止,於是我便起身走向慘叫聲的位置看看。
我走到一個用白布圍住的地方,慘叫聲就是從這裡發出的...我偷偷把白布揭開,看到啊耀躺在一張床上,正被人搶救中。
「Kenneth...你無事就好啦...」
我回頭一看,只見到晢叔很吃力在嘗試坐起來
「晢叔,你瞓返底先啦...」我跑過去晢叔身旁,慢慢扶著他躺下「到底發生咗啲咩事啊?點解會咁???重有啊耀佢...」
「你冷靜啲先...唉...聽我講,我地頭先係麗翔道遇到撕噬種,原本以為死緊...好彩啊木醒目走咗去油麻地站搵救兵我地先無事炸...之於啊耀...我諗佢以後都無得再做搜索兵...」晢叔開始流眼淚「我真係一個好差既隊長..呵?」
我現在終於能夠看清晢叔的樣子...
晢叔的外表感覺上只是一位30-35的男人,完全沒有大叔的感覺...但稱呼他做晢叔卻一點違和感都沒有,可能是因為他健碩的身形加上面上有條大刀疤的關係吧?
「咁啊耀到底咩事?點解佢會叫得咁痛苦?同埋點解佢無可能再做搜索兵?」
「佢係幫我地拖延時間個陣被撕噬種撕開咗佢隻手同腳...」
我嚇得整個人呆一呆「咁...其實撕噬種係咩黎架?啊耀咁勁都唔夠佢打?」
晢叔嘆了一口氣「唉...其實怪物唔只一種,吞種係最常見既一隻,你見過架啦...而撕噬種就係較為罕見既一隻,佢地都有唔同既習性。就好似吞種咁,佢地係唔會咀嚼佢地既食物...而係直接吞落肚,而且怪物都有分唔同既級別,由一級去到五級,而撕噬種就係一隻四級既怪物...」
「其實...傳言中係重有一隻怪物係被分為第六級...」有一位陌生男人走近「我地叫佢做(天人種),不過只係傳說...無人見過佢...有傳言話『滅吞』就係遇到佢之後就失蹤...」
「我係『破困』副隊長...」陌生男人展示出他的隊伍證明(即是紋身)「我叫文琪,你地既傷,好返啲未啊?」
「好好多啦...有心...」晢叔向文琪微笑著點頭「Kenneth,佢就係救咗我地既人,佢係荃灣站隊既副隊長...」
「佢講得無錯架...的確曾經係有傳聞話過有依隻野既出現...佢之所以叫做天人種,係因為佢既外表依然重係人類之外重可以操縱天地所有氣侯同埋生物等等...更有傳聞話過佢可以直接移平一座山...」
晢叔與文琪握手「...我係『地精』既隊長,佢地都叫我做晢叔。」
「咁你呢?我應該點稱呼你?」
「Ehhh...你好啊...我係啱啱加入『地精』既Kenneth...」
「Kenneth,不如我地去酒吧飲住酒傾?我諗晢叔都攰架啦...話哂佢都抱住你跑過黎油麻站,哈...」
文琪這刻的笑聲令我有點不爽...「吓...晢叔...真係好對唔住...如果唔係因為我...」
「唉...男人老狗,唔好講依啲野。」(Kenneth內心:明明啱先最肉麻個個就係佢...)
「啊......重有啊,Nicole叫我同你講唔洗擔心佢...佢同然仔個隊人返咗奧運站,佢重有叫你醒返之後唔好周圍走等佢返黎咼...無啦。」
「喔...好啊...唔該哂你啊晢叔...咁你休息下先啦。我轉頭再上黎...」
「其實...點解你會加入搜索隊既?」文琪一邊行一邊問我...
「你話點解啊...因為...我想...知道答案」
「答...案...?」文琪笑了笑「好啊...幾好...」
文琪拍了拍我的膊頭「其實我突然叫你出黎係有野想問你...就係,我想知道你既過去,你由病毒爆發後到依家既事...可唔可以話比我聽?」
「吓...?」我停下了腳步,呆看著文琪...
「拿...唔好誤會啊...我只係覺得你好熟口面,所以諗我地會唔會係之前見過面...?」
「可能係既...但對唔住...我諗我答唔到你依個問題,因為我只有近依一年既記憶...」
文琪一面凝重地看著我「咁樣..........咁......由佢啦,咁你會唔會有啲咩係重想知? 」
「我想知道更多有關依個世界既野...」我心裡很疑惑點解Nicole有咁多野都無同我講過...?
「嗯......好啦,首先你有無聽過(派別)依樣野?」
「派系...?無咼...」此時我地剛好走到酒吧門口...
「我地坐低先再講............拿...依家我地就其實主要被分成三大派別,有(奉教)、(復園)、(守護)。而我地依家係既地方就係屬於守護派,因為每一個派別都有佢既地盤...」
「地盤...?」我開始懷疑,到底Nicole為什麼沒有告訴我那麼多...?
「就好似守護派咁,守護派係掌管荃灣綫同東涌綫,而復園派掌管西鐵綫、東鐵綫同馬鞍山綫,而淨低個啲就係奉教派既地盤...當然重有一啲較為細既派別佢地...」
輝哥行到我身旁「文琪,你過一過黎啊,晢叔有啲野話想拜託你...」
「我諗我知咩事...」文琪望向月台閘門「因為我都感覺到。」
「咁就掂啦...」
文琪打斷了輝哥的說話「但係!!!我要留係度。」
輝哥呆了一呆「明白...Kenneth,晢叔叫我...」
在這刻突然有警報聲響起......
輝哥:「切......又會咁快都有...」...
待續.........