【喪屍系列】喪淵___炎獄(一): 二十) 慘案疑雲

到底是怎樣的不幸，會令到世界有著天翻地覆的變化，暫時賣個關子，好等日後再談。
 
視線暫且隨我跳回西洋菜街的慘案現場，由於事件太過普通，也沒引起多少關注。警方於短短數日間，便拉了一大堆疑狂回來盤問。
 
「唔係事必要你講，除非你想講，所講有可能用筆記低及用來做呈堂證供。」警察一邊說，一邊拿出筆及紙，目無表情的背後，是一大堆問候娘親的說話，想來矛頭應是直指真兇，要殺人就殺吧，為甚麼要這樣明目張膽，在一條人流不少的大街犯案，是覺得警方近日無所事事，所以特意要弄些「驚喜」出來；還是為著其他事情而來。整個警局上下，都毫無頭緒。唯一有的頭緒，可能就是這個真兇狠毒，狠毒得殺人的同時，要用來立威。
 
「阿Sir，我同你講咗好多次，我唔係乜野疑犯，如果我要犯案，駛等到依家，仲要大街大巷，慌死人地同埋你地唔知咩！」疑犯一臉無奈，語帶一絲不滿，為了個犯案的可能，竟然要坐在警局中，回答時已經是第10個小時，這10個小時足夠他睡覺、吃喝玩樂，無憂無慮的生活。
 
「但點解我地會係現場截查時，會截查到你，咁既話，有無咁巧合，你只係恰恰出現……」警察仍是一臉警戒，雖則他亦想盡快完成調查，將真正犯人緝拿歸案，但在調查期間，他亦不知何是好，因為在場的人不多，但每個人都好像有其在場的理由，誰是誠實誰欺騙，還真是未知之數。
 




「我因為肚餓，所以落街買咗個杯麵食，點知由OK行番去屋企途中，就『砰』的一聲，就係係我身後出現，但我無回頭睇，點知有無事架，你知架啦，睇開電影，黑社會的手段同騙徒一樣，層出不窮，如果我唔小心睇到，仲有命架咩，咁梗係老虎蟹扮乜都唔知，靜雞雞咁走開架啦，跟住就俾你地塔咗我返黎，都唔咪話無奈兼無癮。」肥超一臉無奈，他都沒有想到，不過出街買食物，便要弄至淪落於差館之中，還要用上10個小時，甚至可能更多的時間。
 
「但你食的杯麵，好像不是那間便利店會有既貨，係咪你另外有事隠瞞住我地。」警察繼續窮追不捨，彷似獵犬般，不到黃河心不死。
 
「阿Sir，你唔係想屈我係兇手嘛，我肥超雖則好食懶做，但有一樣嘢，個個街坊都知道，就係我做人光明磊落，行事為人都有自己宗旨，唔好話殺人，連殺隻螞蟻我都唔會。」肥超稍微停頓了一會，深吸一口氣，然後繼續說：「同埋仲有一樣野，個隻杯麵之前確實係無貨既，但以我係依區既地位，加上有朋友做便利店，要知道幾時有新貨抵逹，又有幾難姐！我個晚就係知道有新既杯麵返貨，所以先咁夜走落去，平時食麵食到厭晒啦，邊到有貨，就梗係仆住去搶啦，你話恰唔恰先，尤其我依啲鐘意食野既人，唔想食就假既。」
 
警察望著肥超的肥大肚腩，想來他說的應該是真話。但問題是，如果他說的是真，那麼真正的兇手究竟在哪裏呢？而他的目的又是甚麼？