轉性人的荒淫校園: 52.《寶島的回憶。一》
於是我做左好多日Kristy，暫時放低左果堆煩惱，投入Tobias 嘅懷抱。呢幾日就黎去旅行，大多數係執下行李，然後同Tobias 傾下電話，同佢去下買旅行用嘅野⋯⋯有人照顧真係好。
***
出發用日一朝早，朝早六點Tobias 就已經係我屋企樓下等我。我同Gabriel講左之後果四日三夜都係女仔，就拖住個喼去到屋企樓下，見到Tobias 繞腳坐左係佢個行李。我望到佢個樣⋯⋯係忍唔住笑。
「做咩笑得咁開心呀，傻妹。」
「你個pose 好搞笑⋯⋯」
「行啦，掛住笑。」
「咩喎⋯⋯男朋友帶我去旅行開心嘛。」
Tobias 一隻手拖住我，另一隻手拉住個喼。「行啦⋯⋯」
Tobias 同我行左去地鐵站，由於好早，地鐵上面冇咩人。我地去到香港站Tobias 帶左我去市區check in，買機場快線飛，拎機票寄行李⋯⋯全部一律都係Tobias 幫我，帶住我。同佢去旅行真係好，就好似有個私人導遊咁，有專人照顧我，有專人帶路⋯⋯又有專人安排。BB⋯⋯多謝你呀。
我上到機場快線，Tobias 俾我坐窗口個位。好攰呀⋯⋯晨咁早起身，人地都未瞓醒。機場快線尐凳又好坐，我對眼愈合愈埋，個頭愈來愈斜⋯⋯
然後有人攬住我條腰「BB你重未瞓醒呀？」然後拉左我埋佢身邊⋯⋯係Tobias 嘅氣味「你瞓陣啦，到機場我叫醒你。」
我捱住Tobias 個膊頭，合埋左對眼。無耐我感覺到有個好溫暖嘅嘴唇印左係我額頭⋯⋯好有安全感⋯⋯唔知Jessie 有冇咁諗關公嘅呢？唔好理啦，而家Tobias 錫曬我。瞓覺。
瞓瞓下覺，有人拍左兩下我手臂「豬豬，要起身啦！」
「嗯⋯⋯嗯⋯⋯」我捽下對眼⋯⋯精神左小小「到嗱？」
「係呀傻妹。」
「我要你拖住我。」
Tobias 捉住我隻手「BB，行啦。」
我企左起身，然後Tobias 就拉左我出架機場快線外面「你全程都要拖實我，唔准唔見左我㗎。」
「得啦⋯⋯邊度搵番個咁可愛嘅女朋友呀？」
「點知你會唔會去到台灣見到人地尐台妹熱情又溫柔，之後賓周指揮大腦，影都冇㗎？」
「呢個傻妹最中意亂諗嘢。」Tobias 摸左一下我個頭，拖住我隻手，然後帶左我過海關「我淨係同關紫霞Kristy 一個去街，淨係錫Kristy 一個，淨係中意Kristy 一個。唔會有第二個。」
「有口字邊定冇口字邊呀？」
「有口字邊，並不會呀。」然後Tobias 錫左我塊面一啖。
「個嘴都要⋯⋯」
「喂，不如我地玩個遊戲丫。」Tobias 神神祕祕咁「我地全程扮兩公婆⋯⋯你哎我老公丫，老婆。」
「痴線。」
***
過左E道，入左登機大堂，啱啱好重有一個鐘先上機。「老婆，你肚唔肚餓呀？」
「成朝冇食過野。我想食翠華。」
「我都要飲杯奶茶回魂。老婆你睇下食咩，我去買。」
「好啦。」翠華有咩食丫？咪又係炒蛋，豬仔包米粉。Tobias 買完行番埋黎⋯⋯都係佢最細心「點解你知我要走䓤嘅老公？我好似唔記得左叫你⋯⋯」
「你次次食嘢都夾走尐䓤㗎啦老婆。」
「好啦，算你啦。」我笑住咁望Tobias。幸福⋯⋯好幸福⋯⋯
***
Tobias 真係將所有行程都計劃得好好，食完早餐之後，重有大約半個鐘就起飛。Tobias 帶左我去登機閘，等左一陣就上機。
上到機，Tobias 拎左部電話出黎，開左個PDF 檔案。我望一望⋯⋯咪劈炮的關公篇《變性人的荒淫校園》嘅紙言打包？（出曬之後就有）於是，出於好奇，我捱左個頭去Tobias 個膊頭上面「老公⋯⋯你睇緊咩呀？」
「冇呀，我見頭幾集幾好笑咪下載左黎睇囉。」
「喂呀⋯⋯你同下個老婆傾計呀」我叫Tobias。
「咁又係⋯⋯香港搭飛機去台灣重快過搭高鐵上深圳，都係同老婆傾下計。」
「老公，咁你信唔信有變性人㗎？」
「唔信⋯⋯如果係都幾恐怖喎⋯⋯有日起身發現自己搞緊基。」
***
架飛機好快就係台北降落。Tobias 好man 呀⋯⋯佢拖住我係個機場度又搵行李，又過海關。台北個海關好搞笑，見到我係香港人就同我講半鹹淡廣東話，然後問我佢講得準唔準。其實又真係唔差喎⋯⋯好有親切感。
去到入境大堂，Tobias 拉住我隻手，係個大堂入面，唱台幣、買車飛、買電話卡，然後帶我去塔車。佢完全知道自己做緊咩，係好肯定，而且好有信心。果一刻⋯⋯你真係好有型呀⋯⋯呢幾日跟住你我好放心呀Tobias。
我同Tobias 住台北101附近一間酒店，貪佢方便。我地去到，check in ，個職員問我地想要兩張床定一張床。
「你話呢？老婆。」Tobias 問。
「我冇所謂。」
「咁我想同老婆一齊瞓。」Tobias 話「一張大床丫，唔該。」
入到𨋢之後，Tobias 攬住我。
「老公，我怕黑，你今晚都要攬住我瞓呀。」
我地入到房，放低尐嘢，抖順條氣，大約晏晝四點就出發啦！（精簡）我地去左行信義區誠品先，間誠品有七層，好多野賣。然後就上左去台北101⋯⋯張門票根本就係搵笨，完全失望⋯⋯
我同Tobias 去完果度間鼎泰豐食晚飯，就番酒店啦⋯⋯都只係八點幾⋯⋯今日好攰，想早尐休息⋯⋯下集再會。