轉性人的荒淫校園: 50.《單車》

我係地鐵入面兜兜轉轉，總算係十一點之前去到沙田站。小遙早過我到，佢企左係條柱下面㩒電話。有別於平日，佢見到我冇話特別開心，只係十分之冷淡咁樣「嗨。」
「你等左我好耐呀？」
「唔係呀。」小遙今日對我冷淡得好唔尋常。佢M到，佢今日一定係M到。我想拖小遙隻手，不過佢縮開左，於是我捉左空氣。我完全唔明，點解小遙

今日又要我陪佢踩單車又要唔show 我。是但啦，女人M到係特別麻煩。

唔係喎，我自己係半個女人，我自己都知啦！女人M到係絕對唔會踩單車㗎喎，單車張凳咁尖，會頂住個妹妹，搞到極度唔舒服，加埋本身黎M，會超級痛。

我同小遙係沙田新城市廣場搵左間餐廳，我同小遙打對面坐，然後一人哎左個餐，各自食。成個氣氛真係好怪，自從同小遙行埋左之後，平日出街食飯，小遙都會話想試下我果碟，然後你餵下我，我餵下你，互相交換口水。但今日完全冇，係面對面，各自一人一碟，自己食自己，好似中間有一座冰山咁。講來講去都係「尐嘢好唔好食」之類嘅廢話。
食左一陣，小遙終於肯講碟野食以外嘅嘢。「關公，你覺得情侶兩個人之間應該有秘密呀？」


「嗯⋯⋯有時互相中間有少少空間都唔係壞事嘅。」
「咁你有冇咩特別嘢想同我講。」
小遙今日古靈精怪咁，應該都係不外乎於果尐《拍拖一百二十三日紀念日》之類嘅濕尻嘢。「你今日換左髮形？」我試下尻撞。
「都係嘅。」小遙好冷淡咁應左我一句。小遙今日究竟做咩。

***

我同小遙食完嘢，佢同我講，佢想去船灣淡水湖個主壩踩單車。我地去左好運中心，各自租左架單車，去大埔還。我地沿往城門河，一路踩，經過科學園，入左去大埔。

唔知點解，沿路都十分之安靜，小遙冇乜點同我講嘢。我地一路上都冇乜點講嘢，冇咩互動，直至去到大埔尐小路，我跣腳，然後直炒左埋條膠柱度（註。1）。條膠住我有彈性，打平倦左落個前轆下低，然後側左小小，係個車轆有邊出番黎。條膠柱真係好有彈性⋯⋯係我個車轆下面，好快就彈番去完本直個位置。冇錯⋯⋯即係我坐緊個位置。我細個有套卡通，入面尐小朋友係唔係都會哎一個對白「爆丸⋯⋯shoot！」然後條膠柱就「Shoot！噼啪！」打左落我右面粒龍珠果度⋯⋯今次真係爆丸呀。



唔知算係好彩定唔好彩，如果以後用鐵柱我應該飛左落地跌尻到仆街。

一時之間，我痛到眼水標埋出黎，成塊面變左藍色。我失左平衡，連人帶車跌左落地「屌⋯⋯好撚痛呀⋯⋯」我掩住諗小關公，捲埋一舊。諗起古巨J有首歌叫《爆鳥》，入面有句歌詞，可以描述到我而家嘅情況。「別講笑，小鳥爆開了，春袋爆開了，陰莖正燃燒⋯⋯」（註。2）
小遙企係度，撬埋手，望住我「你有冇事呀。」
「我就冇⋯⋯細佬就好傷。」
小遙係度冷笑「哎喲⋯⋯報應囉⋯⋯你有冇咩想同我講呀。」
「你快尐扶起我啦。」
「唔得喎。」小遙掩住嘴冷笑，企係度望住我。



***

我攤係地上面抖左一陣，終於抖順左條氣，騎番上架單車。小遙都係繼續唔理我，我跟住小遙一路踩到大尾督，然後轉左去船灣淡水湖。我同小遙轉左上船灣淡水湖條主壩上面踩單車。本來同女朋友係度踩單車，沿途有講有笑，係一件好浪漫，好「那些年」嘅事。不過，今日小遙同我就好似好冷漠咁，反而突顯左呢個地方嘅空曠。我同小遙之間嘅氣氛亦好突兀。去到條水壩中間，小遙停左落黎，行左去水壩旁邊嘅石欄，捱左係度。我行埋去，用一手疊住小遙。「做咩呀⋯⋯你今日。」
小遙深呼吸左一啖「我有啲嘢想問你。」
「問啦。」
「你尋日放假有咩做呀。」
好啦⋯⋯終於正常番肯講嘢啦「冇呀，咪上下網打下機囉。」
「唔好掂我。」小遙扭開我隻手，然後將兩隻手放係背脊後面。「你有冇其他嘢想同我講呀。」
「你grad trip 想去邊⋯⋯」
啪！小遙隻手臂大力一抽，隻手畫左一個大半圓形，手扳啱啱打左去我塊面上面「衰人！」
「做⋯⋯咩⋯⋯呀⋯⋯」仆街⋯⋯唔通小遙知道我同Jessie 去左長洲交歡？
我未黎得切反應，小遙用另一隻手又刮左我另一邊面一巴⋯⋯好大力⋯⋯大力到有回音。我見到小遙眼濕濕「你冇嘢同我講啊嘛⋯⋯我好多嘢要問你。」
小遙拎左部電話出黎，開左Whatsapp ，入面有幅相，係影住中環去長洲果個碼頭，下面有兩個人，一個係我一個係Jessie 「Athena 尋日send 左張相俾我，呢個邊個黎。」

仆街，應該係果次我去接小遙放學俾佢尐姐妹點左相。



「Jessie ⋯⋯同學⋯⋯」
「咁點解你要暪住我同佢去長洲呀？」一滴又一滳眼涙由Jessie 隻眼湧落黎，然後佢又刮左我一巴「你成日話我地之間要有空間，咁個空間大到放得落第二個女人牙？點解係果件豬西呀？」
「我同Jessie 佢冇野㗎⋯⋯」
「你叫我點相信你呀？」小遙愈減愈激烈「你同條死豬西一個男一個女去長洲，唔做愛有咩做呀？」
「對⋯⋯唔住⋯⋯」
小遙又車左我一巴「你唔使對唔住呀，我唔會原諒你㗎⋯⋯」小遙失左控咁喊「我今日問左你好多次你有冇特別嘢想同我講⋯⋯我原本諗住你自首氹番我就算⋯⋯點知你一次又一次咁講大話⋯⋯」
「唔⋯⋯會再⋯⋯有⋯⋯下次⋯⋯」
「唔緊要呀！你即管去搵你件豬西啦，我唔會再理你架啦。以後你有你，我有我」小遙抹乾尐眼淚，騎左上架單車「我真係好中意你㗎。就當我唔好彩俾你呃左我隻豬啦。」
「小遙⋯⋯」
「你冇資格再哎我個名。」小遙踩單車準備走「你唔使再追我，我唔想再見到你⋯⋯你去搵你果件豬西啦。」

我崩潰左係地上面，望住小遙騎住單車愈踩愈遠。

係我貪玩。



係我唔啱。​

***

註1: 呢種 
http://orientaldaily.on.cc/cnt/news/20131207/photo/1207-00196-001b4.jpg

註2: 古巨基 爆了
https://m.youtube.com/watch?v=_ZfjrVTZ-gk​