轉性人的荒淫校園: 38.《殘廢人與護士。上》
《38.殘廢人與護士。上》
殘廢人與護士⋯⋯我都唔知點解要改呢個名⋯⋯呢兩篇文冇殘廢人，亦都冇護士。吖⋯⋯係咁解嘅。即係呢⋯⋯呢段有一半係真人真事黎。係小弟中五月六嘅時候發嘅事情。至於點解呢兩篇點解叫殘廢人與護士呢？係因為關公我中六有個老師曾經係網上面發表過一篇同樣叫《殘廢人和護士》嘅文。同容係篇文入面會提及，幾年前關公我重試過係Google 搵到篇文，但而家已經搵唔番啦。
全能嘅高登大神，如果有人搵到可以post 上黎，我會好感動，一定會賜酒。 而果篇《殘廢人與護士》亦都係呢篇文嘅靈感。
幾百年前，有班友，杜甫、李白、白居易果堆⋯⋯得閒冇嘢做食飽飯冇屎屙係咁尻嗡，然後有人抄低左。今日佢地堆廢話變左做課文，有堆自稱中文老師嘅屎忽鬼又幫佢地作左堆問答。個答案重長過首詩。
雖然而家社會有班道德撚鄙視甜故。縱然雨狗巴打博命咁爭取紙言俾稿費，但紙言依然係唔會出稿費俾甜故作家，連幾蚊都慳番。原來寫甜故連雨狗口中嘅乞衣都冇資格做。
是但，我日日寫二千幾字甜故，都覺得好開心。
幾百年之後，社會可能冇咁保守，D人就會開始重視甜故。到時，可能中學生上堂嘅時候個老師就係度教甜故。可能到時D中學生揭開佢地本《中學生必背古詩文》會發現《三字經》之後果頁印左《港大七不思議食女事件》。而公開考試有篇文叫《轉性人的荒淫校園》如果呢一日真係出現，記住，呢一段就係寫作動機。
再一次多謝我個中學老師同佢篇殘廢人與護士。
***
繼續故事：
***
暑假好快就到左八月尾。係呢個暑假入面，我一日做下關公，一日做下Kristy，都不知幾爽。做關公果時就約下小遙拍拖，上下Jessie 屋企做愛。當然唔少得約番以前學校D人出街去玩啦！做Kristy 嘅時候就同下Tobias 同Jessie去街，同埋陪Tobias 做功課。
暑假終於都放完啦，我番學校。第一日番學，我係男。班主任冇變，都係Miss Wong。我當然係坐左去Jessie 隔離。九月一號不嬲都冇咩特別野，都係講兩句廢話，派下通告就散Band 走人。呢日亦都唔例外，今日冇咩特別，所以冇咩好講。
第二日我用Kristy 嘅身份番學。上通識堂嘅時候有個高高瘦瘦嘅男老師行左入黎。佢個樣⋯⋯好難形容⋯⋯有啲似劉德華。「大家好，我教通識嘅，我姓毛。」
「毛老師你好。」
Jessie 坐左係我隔離，我靜靜雞同佢講「喂！佢好似華仔呀。」
「係呀係呀⋯⋯點解學校會請個老師咁靚仔嘅老師㗎。」
***
（呢節係真人真事，只係人物有小小分別）
華仔教通識真係好認真。平日上通識堂就最輕鬆，一般而言都係老師派份剪報，播條片，然後積極撚出去發表兩句。「冷！冷！」打鐘！尻下尻下又落堂，腦都唔使用。至於考試喎⋯⋯祝你好運啦！華仔就唔同。華仔真係有心嘅，佢會教我地點答條問題，係有個框架，有D例子咁教我地跟住答。
佢好有心，俾左份人名表我地，叫我地填自己個電郵落去，佢話要add 我地入一個Dropbox ，要俾D文件我地。而《殘廢人與護士》亦都係同呢個電郵地址有關。
***
華仔上完堂之後就到食晏。其實我同Tobias 愈來愈熟，係舊年學期尾，Tobias 已經成日搵我食晏。我行到去班房門口。哎喲⋯⋯佢真係企左係度等我喎。
「你成個痴漢咁企係度，想搵邊個呀？」
「全班最靚果個。」
「陳大文，有人搵你呀⋯⋯佢要搵全班最靚果個⋯⋯」全班人笑到格格聲。陳大文係咪全班最靚仔我就唔知，不過肯定係最有自信果個。成日post 啲係健身房自拍嘅相，重要加埋個一大pat 嘅MK 頭。係下面加句「型男鍛練中。」之前俾人放左佢上5P網⋯⋯D人居然封佢做男神，然後重有幾十版「十卜卜」同「好令令」，佢當堂自信心爆標，日日對住塊鏡打飛機。
我覺得佢頭髮又唔剪，又多肌肉，睇落似做咕喱多啲。
大文俾人放左上5P網，然後又俾我地發現左喎，重用班房部電腦開住投映機上佢個post⋯⋯自始以後一提起靚仔都會指住陳大文。
作為高登嘅一份子，我實在唔明白5P 嘅審美標準⋯⋯如果佢擺自己幅相上高登，結果唔係俾人起底，就係因為上戴嘔心、令人不安嘅照片俾admin bam 。
Tobias 拍左一拍我膊頭「我搵你呀⋯⋯我想同你食飯呀。」
「口花花。」然後我遞左隻手俾Tobias。
「咁你係靚嘛⋯⋯」
「哇⋯⋯有人話Kristy 全班最靚喎⋯⋯」後面班同學係度呀「Kristy 校花喎⋯⋯又同男神去撐枱腳」
「你快尐帶我離開呢度呀。」
然後俾Tobias 拉走左。
***
（呢節係真人真事，只係人物有小小唔同，情節有增減）
我同Tobias 落左去金鐘食完嘢，沿住轉左入公園行番學校。Tobias 話重有時間，唔想番學校住。我地坐左係公園張長凳，拖住手仔傾計。傾傾下計，Tobias 叫我合埋眼⋯⋯然後⋯⋯慢慢⋯⋯我嘅皮膚感覺到佢嘅呼吸。佢個嘴唇壓左落我額頭度。中學生不應該談戀愛呀⋯⋯我地係學校附近㗎⋯⋯你係咪傻左呀！
我打開對眼，嚇到塊面白曬⋯⋯仆街啦⋯⋯副校長⋯⋯係副校長行緊埋黎⋯⋯我望到佢⋯⋯佢都望到我⋯⋯
最衰都係你呀Tobias！無啦啦做咩錫人喎！人又唔係你女朋友。而家簡直係捉姦在牀⋯⋯咪住⋯⋯