轉性人的荒淫校園: 10.《我和小遙有個約會。上》
上回講到我去左參觀扑野學會嘅活動，同Jessie啪啪啪。今日，我就約左小遙去行街睇戲食飯。
朝早十一點，我去到銅鑼灣地鐵站。身穿恤衫，牛仔褲，自問官仔骨骨。我沿住銅鑼灣地鐵站嘅電梯上到車站嘅大堂。原來小遙已經到左。小遙身穿白色嘅圓領T恤，入面嘅黑色Bra透左出黎，下面著米黃色小熱褲，外表頗為吸引。
正當我行近小遙嘅時候，小遙擺左個嚴肅嘅表情「啊先生，你約左我幾點啊？」
「十一點正。」
「咁依家呢？」
「十一點過小小。」
「咁你即係遲到啦！你約左我去街咁多次，你有冇一次係準時架？」
「係係係⋯⋯我唔啱，我唔著⋯⋯今日我地一齊出街係開心事。」
「算啦！遲到總好過冇到，點呀，你今日打算帶我去邊呀？」
「我Book左晏晝四點半去九龍Megabox 睇《支那隊長七擒七縱占士邦》。我地可以去德福hea 陣先丫。」
「好丫，聽你講啦 ，」小遙終於笑左一笑。「呀先生，你由今日一開始見到我就眼甘甘咁望住我，你前世未見過女人咩？」
「唔係呀，你今日好靚。」
平日嘅小遙著百摺裙校服普通到唔普通，完全唔靚，令佢伶瓏浮凸嘅身材歸零。除左長衫以外，自從新法執笠以後香港嘅女裝校服，一直都不及東洋日本嘅水手裝來得美觀。本公有幸去東洋自由行，亦特意揀左間係女校隔離嘅酒店，每朝出門亦大飽眼福。
「多謝wor」小遙耳尖一紅，微笑住答我「你再成個鹹濕佬咁望住我，我下次同你出街著到成個伊斯蘭人咁架啦。」
「行啦⋯⋯咁多野講。」
於是我地入左閘，塔左地鐵去九龍灣德福。如果你睇緊嘅係醫學院大俠嘅文章，醫學院大俠想必會用上三四百仔介紹德福花園，再quote首歌，咁又一千字。但關公我連上維基都懶⋯⋯算了吧。
我地去到德福，已經差不多十二點，個肚有D餓，所以去醫肚先。
***
小遙一路食飯，一路睇Facebook，忽然面露笑容。「哇我要玩呢架機呀！」小遙興奮咁講。小遙click左入條link 「疑，德福間機舖有呢部機wor⋯⋯關公，你淨間陪我去玩」我接過小遙部電話，望一望⋯⋯原來係港女至愛嘅Tsum Tsum，個遊戲基本上同andriod 同iPhone 一樣。分別就係個Mon大小小同埋玩完之後有個扭蛋，入面有隻分仔。Android ,App Store 唔使錢，街機要。
「吓，小遙，乜你都啱呢D嘅咩？」
「調查證實十個女仔有十個都中意Tsum Tsum」
估呀到雖然小遙係個男仔頭，但都小小女仔咩性格，而佢似女仔嘅時候都幾可愛「咁你係女仔咩？」
小遙今日著左高踭鞋，佢用佢對鞋個踭大力一踩落我腳板度「你話我係咪女仔呀？」
「係⋯⋯係⋯⋯使唔使咁惡呀。」
「咦，Tsum Tsum部機德福呢度有喎。你食完未呀？食完就埋單走人。使唔使我餵你」小遙心急想去玩
「反正我都去打灣岸，你等我食埋就去啦。唔係我食埋⋯⋯係你餵我食埋」
「抹大口⋯⋯呀⋯⋯」小遙拎羹，拂左好大，我再強調，係好大啖飯，之後一野隊落我個口「快D⋯⋯𡁻𡁻𡁻⋯⋯吞⋯⋯吞呀」然後又拎起支羹，拂左另一大啖飯。
我聯想起俾人拎黎做鵝肝果D法國肥鵝係點樣俾D農夫餵食⋯⋯而衣我大致上都係差唔多。「快D食呀，唔好發怐愗啦！」（音：吽逗）係小遙嘅「溫柔」餵哺同威迫底下，我終於食完。我叫左個侍應埋黎找數。小遙唔係果D濕尻港女，同男朋友出街奉旨唔出錢，係都話AA制，要出番一半錢。
正當我地行到機鋪，原來間機鋪已經摺柒左，咁啱隔離有間連美國黎到都認唔出嘅美國冒險樂園。「哇，原來呢度有冒險樂園！」小遙見到冒險樂園，神情輕奮。「既然玩唔到Tsum Tsum機，就入冒險樂園夾公仔同擲彩虹啦！」小遙行近幸運彩虹，係我耳邊講左句「尼斯禾打稍仙源」（你是我的小幸運）然後將個代幣一掉，個銀落左入大獎嘅位置。可惜，擲彩虹中大獎嘅情節只會係電視出現⋯⋯「唔好意思，擲界⋯⋯」小遙心有不甘，繼續掉。佢唔明白，幸運彩虹唔係運氣同機率嘅問題⋯⋯而係物理嘅問題⋯⋯大獎個圈根本就細過個銀，電視節目D人中獎，係P圖P上去嘅。「算啦，我地去夾公仔。」小遙空間感惡劣，加上個公仔夾做左手腳，個公仔㚒就好似賢虧嘅男人咁，軟弱無力。於是，我叫小遙借過，㩒左個鎖匙窿三秒，之後開始夾。我每玩一局就拎一個公仔⋯⋯由於我太神，好快，就俾經理趕走左。於是我地去左Megabox。***
去Megabox好麻煩，又要轉大巴，又要搞黎搞去。我地先去德福廣場嘅公共交通交匯處等左陣大巴。之後轉到陀陀另，終於到左Megabox 。「我都唔明架，全香港港九新界咁多間戲院。你係要黎Megabox，轉到我頭都暈埋。」
「Megabox 戲院大而且冇人啊嘛！而家重有一個鐘，我地四周圍行下啦。」
「乜我有得揀咩？」於是，我地係Megabox行下行下，同平日一樣，話題多到講唔完。忽然我隻手唔覺意掂到小遙隻手。小遙隻耳一紅「做咩呀？」
「冇呀。」然後我若無其事咁捉住小遙隻手。「疑，果度有溜泳場wor....」本公寫文欲罷不能⋯⋯本集無糖⋯⋯下集先有。欲知後事如何，請看下回分解。