轉性人的荒淫校園: 5.《少女的一天。中》

「我叫Tobias....nice to meet you.....May I know your's」（詮：1）
Tobias 嘅口音，唔係令人生厭，粗豪做作嘅偽ABC，而係正宗嘅大英帝國 British Accent  。溫柔得黎好sexy，sexy得黎俾人一種高尚嘅感覺。
「我叫紫霞，你可以叫我呀紫，Kristy」然後我地成程車傾在好多計。Tobias 佢文雅得黎好幽默，重好gentleman。架Van 仔好快就翻到學校啦！
「Kristy 呀，我地一齊上班房呀」 Tobias 話
「好呀！」Tobias⋯⋯快D抄我牌啦⋯⋯

上到班房，Tobias 同我講Bye Bye 之後就去左佢自己班房。正當我入到班房，「早晨Kristy」坐隔離嘅Jessie同我打招呼；（下集續⋯⋯）
咪住！點解Tobias冇抄我牌架?有冇搞錯！

樓豬！！！！！你係咪又寫灟野呀！！！！！





***

「Kristy，今日lunch 之後有默書呀！」Jessie 同我講。
「得啦⋯⋯默咩？」關公我向來好記性，有過目不忘嘅能力，所以非常淡定。
「出師表呀」Jessie 回答「乜你今日咁遲架！」
「係呀遲左出門口，今日好黑呀，又姨媽到，然後出街又仆親」
Jessie 嘟長個嘴「唔好唔開心啦⋯⋯」
我望住Jessie 笑番「唔」
默書唔緊要啦，我physics 堂背啦，實搞得掂。





***

放完Lunch 係中文堂，任教嘅黃老師係個大肥婆，如果簡單咁型容下佢，將佢比喻做哈爾移動城堡就最適合啦。

「好，默書，新同學自己去櫃拎本簿」黃老師話。我拎左本簿翻埋位就開始默啦。由於關公我記性本來不錯，出師表個諸葛亮又同我friend，加上今朝嘅數學堂有溫書，所以，冇難度。我開始奮筆疾書。「臣亮言：先帝創業未半，而中道崩殂。今天下三分，益州疲弊，此誠危急存亡之秋也⋯⋯臣本布衣⋯⋯」死啦⋯⋯跟住係咩呢？我都唔明，呀諸葛亮講咁多野把撚咩⋯⋯劉禪都係坐係度瞓覺架啦。我望向Jessie 一方，睇下佢進度如何。點知，我發現Jessie 一路望住下面。

Jessie 沿住長衫條叉向上摺，凸左成個大脾出黎⋯⋯原來Jessie 將成份《出師表》抄左係大脾。於是我拍一拍Jessie 對腳，示意佢俾我抄。於是，Jessie再抺大D對腳，等我睇得更加清楚。正當我抄到最尾果行，因為《出師表實在太長，所以最底果行俾Jessie件長衫遮左。我烏低身，撥開Jessie 條裙。搞到凸左佢條底褲出黎。
我抄下抄下，忽然





「關紫霞，林靖榕，企起身，雙手擺頭頂！」
「yes madam....咩事，係咪要拉要鎖」
「你地對手做咩？」呀missy 問
「冇咩呀，關紫霞佢跌左野，摷番咋！」人間有愛，Jessie 幫我辯護。
「哦！摷野！」班房另一面，幾個搞屎棍笑到嘰嘰聲。
「你地肯定係作弊！」
「唔係呀，真係嚮地下執野咋！」我同Jessie 異口同聲咁講。

黃主任行埋黎「你兩個，揭起條裙俾我睇下！」我心諗，死啦，Jessie 抄左成份《出師表》係大脾。

點知，黃主任一揭起Jessie 條裙，Jessie 對腳居然係白雪雪。原來。係千均一髮之間，Jessie 將櫃桶嘅缷妝水倒落大脾，拉低條裙，之後企起身，再捽一捽，D原子筆印就咁冇矖。「冇理由嘅，我雙眼就係證據！」睇開cctvb 膠劇嘅黃老師話。「你兩個！放學去紀律室搵我！」其他同學奸笑，我深感不妙⋯⋯
***

放學後，我同Jessie 去到紀律室門口，等侍被處致，「淨間你咩都唔好講，咿咿啊啊就得架啦，黃主任唔係好罰人架咋，佢得個大聲架咋！你有冇聽過銀樣蠟槍頭」Jessie 安慰我。





「你兩個入黎！」聲大夾惡嘅黃主任命令。我同Jessie 兩個就死死地氣入左去。「你兩個企係碰牆隔離！」
「雖然我唔知你兩個做乜，但我肯定你兩個唔係互摸緊，就係默書出術」肥訓導主任暨瞓導主任話。「做咩唔出聲呀！即係認左啦！」
「嗱！我而家就趕住放工！你兩個聽日小息黎受罰啦！」

於是，我同Jessie 就離開左紀律室。

「冇野嘅，都係罰企啫！」Jessie 話「有我陪你，吹陣水好快過架咋！」
「好嘢！冇事loo ⋯⋯」我話「Yeah 」然後同Jessie high five。
「邊有人俾人罰都咁開心㗎⋯⋯」
「咪係lol！」然後我同Jessie 就膠笑。女仔就有呢度好，係唔係咩都可以笑一餐。「係呀，Kristy，其實呢
我見黃老師罰男仔會罰得好過癮，多數係入間房傾兩句就走得。」
「Jessie,你覺得黃老師咁趕收工有咩做丫？」
「唔使問，梗係去拍拖啦⋯⋯」
「佢wor，成坐山咁都有人要？」
「感情嘅野，你識咩丫」傾下傾下，我地就行到去學校門口。




「喂，我行呢邊呀聽日見」然後揮雙手同Jessie 道別。
「Bye Bye，我去地鐵站呀」

去到小巴站，Tobias 拎住本書企左係度等緊車「咁啱嘅？」 係Tobias 開口講野先。
「係呀，我啱啱俾人罰呀」
「哦，我咁啱走左車呀！」
「疑，你都有讀Chem牙？」
「係呀⋯⋯」
「Chem 真係好難呀⋯⋯我唔明Missy 講咩光合作用⋯⋯」
「光合作用敗屙（Biology/生物) 黎架wor」
我尷尬咁傻笑「咩係咩？」

一路上，我地有講有笑，Tobias 真係好nice。忽然，架van 仔轉左個急灣，我一失平衡，埃覺落Tobias 度，個胸壓左落佢隻手臂。
「哎呀⋯⋯對唔住呀⋯⋯」我有些小尷尬。
Tobias 對我笑左一下「唔緊要，你有冇事呀？」




矜持⋯⋯女仔要有矜持「冇呀⋯⋯」
（詮：2）
Tobias 嘅笑容溫柔又親切「咁你小心D啦！」

架van 仔好快就去到我屋企樓下，我地落左車。正當我地要落車嘅時候咁啱，又真係好似CCtvb D電視劇咁，天空落雨。「哎喲，我冇帶遮呀！」我面帶幾分傻氣咁講。
天空忽然落起大雨，究竟Tobias 會點呢？唔知佢會唔會抄我牌呢？


詮1：Tobias 係希臘名，即係大家熟悉嘅Toby 仔
詮2：梗係覺得矜持兩個字同篇文好唔協調​