【少少重甜】《用甜筒打喪屍！！》（完）: 第176回 - 回程

「好啦，我地起行。」我步出女僕Cafe的洗手間。杏樹跟在我的後面。 

師姐十分驚恐：「喂..Chris..隻野跟住你喎...  」 

「係呀，無事既無事既，我同佢做左好朋友架啦。 」我說。 

詩音：「好厲害好厲害！這樣我們隊伍有兩個女僕了。」 

詩音真係唔識驚！  人地唔係女僕呀，係喪屍女僕呀   仲要著住人地套衫周圍走。 



「呀，走之前。」我對久美子說。「我想你地平時補給果陣，記得羅埋呢樣野。」 

我拿出一支甜筒。 

「..雪糕嗎？」久美子說。 

「係甜筒。」我說。「我地發現到喪屍對呢任何甜的食物特別靈敏。如果合適地使用既話，你地可以用黎誘導喪屍的走向。必要時會你救你一命。」 

「..好的。謝謝你。」 



「我走啦，暖暖。」我對暖暖說。 

暖暖也走過來給我一個擁抱，嗚呀..暖暖心口都唔少野喎原來！   「保重，你會回來嗎？」 

「會。」我看著杏樹。「我會帶佢返黎。」 

「這裡會為你開著門的。  」 

女僕cafe，成為第3個據點。