【少少重甜】《用甜筒打喪屍！！》（完）: 後記

多謝收睇《用甜筒打喪屍》既巴打們。

呢個故事既靈感，係源自因為幾個月前去左次日本。呢次我人生第一次去日本，所以覺得非常之有新鮮感。故事入面好多地方，都係我親身去過既，所以會幾有feel。

無幾耐之後我又睇左套電影叫做《喪屍未日戰》，覺得呢套野做得好差（不過後尾睇返漫畫其實都ok），覺得個主角咁鬼廢j，如果係我就一野打爆左d喪屍先啦乜乜柒柒。雖然套電影係好慢、好悶，不過相反，我可以一路睇戲一路plan自己會點做，我既故事又會係點。

諗諗下，不如我就寫一套我自己既喪屍故事啦？所以就出左呢一套無槍用既喪屍故。

可能有巴打都有睇過呢套電影，不過你地都應該會覺得，我呢個故同電影劇情差好遠，因為始終我唔係日本人，去到日本即使打打殺殺，都係當遊玩，無乜顧慮，唔怕什麼會遇到以前既熟人親人變成喪屍之類既老套劇情，可以好癲地狂周圍去周圍打。

寫呢個故比我想象中吃力，因為做既research多過之前勁寫既既女僕cafe故好多。包括要解釋點解故事入面無乜槍，因為日本槍牌，查法律，又要查下日本車型號，揀架日本車用下

不過竟然正皮量不及cafe故既1/3

呢個故當然未完，我本身都plan到好後。呢個結局只係到原定計劃既一半。不過都決定放一個break。呢段休息時間真係話唔埋要幾耐，話要一星期以上，可能要再耐d都唔定。因為工作總是唔會等我寫埋文先黎的，呢樣就係我地part time寫故仔既悲哀。所以巴打們，見到新手寫故仔記得比個正皮鼓勵下人