【少少重甜】《用甜筒打喪屍！！》（完）: 第61回 - 調查小隊

由墨田水族館作為據點，以防守為主既小社區，由二十七個人組成。當中男女比例係4:5，有四名是香港人。 

基於晴空塔的特殊功能，水族館範圍喪屍數目極少，接近0。（可能有D未被發現） 

而水族館可以說仍然能維持日常展覽工作，因為仍然有足夠動物食糧同技術人員。 

而今次會議的內容，除左係講牌防守同食物之外...就係...調查小隊！！ 

相信有睇過進擊的巨人都知道，主動去搞勁巨人果班男朋友就係調查兵團。而開會就係要揀選能夠出外調查、定期帶情報返黎既人。因為係呢個上網都斷埋既時期，情報收集變得十分原始。當然唔洗講，我會係第一個人選，因為...我要帶詩音去做下檢查，係咪真係有左bb。如果真係有就麻煩。 



加上我都打到幾下，有基本戰鬥能力。 

第二人選係..師姐。因為遇到日本人必需要有人幫我翻譯。 

第三人選係一個叫做池田既日本仔，即係一開始發現我同Angel果個。佢本身係做潛水員，負責落水缸清潔的。佢比較熟悉附近既路。 

我地3個人就係第一批調查小隊..其實又唔叫得做調查，因為其實只係係水族館附近行下，睇下邊度無乜喪屍，畫下地圖咁，其實唔算好難既工作，如果無另外兩個人加入的話。 

最屎忽痕想跟住我既，當然係...............詩音啦... 



「你不可以拋下我一個！」詩音話。 

「大丈大...有我在嘛。 」師姐話。不過詩音信唔過師姐咁。 

「喂你唔好跟黎啦...操身大細   。」我話。 

「...驗左孕未？」虧佬細細聲同我講。佢知道左詩音被中出既事，我同佢商量的。 

「驗左4次啦仆街仔，2次有2次無，唔知想點。」我話。 



「咁..可能激素水平未穩定姐，之後再驗啦。」虧佬話。 

「    有無咁向左走向右走兒嬉呀！」 

虧佬：「你不如話你搞到詩音d激素好波動呀....」 

「屌你你識唔識架   」 

虧佬：「喂，咁我係內科唔係婦科架嘛  」 

我：    

另一個要加入既人係..Angel。 

「喂，你都過埋黎，其地得返虧佬一個香港人好悶姐。」我話。 



「唔怕啦..好多人識英文架呢度，北村d英文都好叻。」Angel話。 

唉，又死跟埋黎。兩男三女，差d就3男2女玩5p啦。