【少少重甜】《用甜筒打喪屍！！》（完）: 第57回 - 人情
叫得咁向左走向右走大聲，我預左隻喪屍會走出黎架啦。
我掉底呢個淫Angel，然後慢慢行去出口度伏擊隻契弟喪屍。 「啊，有人。」有把男人聲講日文嚇到我鳩都縮。
有個唔知乜水走埋黎我身邊，用日文講一大堆野。黑媽媽我睇唔清楚佢個樣，又唔知佢講乜，只係指一指個出口，然後我地一齊向個有光既出口度行去。
日本仔好大膽咁行先，然後見到喪屍，佢「嘩」左一聲，跟住好大力咁用佢手上果支golf棍係咁扑落去！
哇Hi，仲狼過我！
隻野比佢打到頭破血流，D血猛咁噴出黎。睇黎呢隻係新鮮喪屍。呢個出口連接住出面街道，不過暫時無其它喪屍。
「這門暫時關上較安全呢。」日本仔話。唔知係咪日文既問題，點解個日本仔好似一d都唔緊張，仲好誠懇咁。
我聽唔明佢講咩日文，我指住自己：「Chris，from Hong Kong」
日本仔話：「哦~~Hong Kong Hong Kong...」
我即刻跑返去整返醒Angel，我要佢幫我翻譯呀
日本仔：「剛才是她叫嗎？」
「呀..佢嚇暈左！she was freaking out！」我話。
Angel由性高潮回過神來，然後同日本仔傾左幾句。
「佢話，前面係企鵝池果度係人類既大本營。」Angel同我講。
「係？咁去睇下啦。」我即刻好興奮
。 我地跟住友善既日本仔帶路。
「頭先..唔該哂你。」Angel話。Angel同我講唔該哂既時候，我記得對上一次佢同我講唔該哂係我幫佢淘寶果時，我仲傻的嗎9咁話唔收佢錢。
「你欠我一個人情。」我話。「睇下你點還。」
但Angel無出聲。
