【少少重甜】《用甜筒打喪屍！！》（完）: 第15回 - 取消的航班

巴士到羽田機場了。受日本文化影響，我地同司機鞠左個躬，答謝佢沿途既照顧。諗返起都奇怪，係香港搭程巴士你會唔會多謝個司機？ 

我同虧佬羅住一袋二袋行去check in。而詩音bb呢...都應該做好分離既心理準備，不過睇得出有點唔開心咁。 

我同虧佬兩個一心想去香港航空度check in啦，但我地得到既回覆竟然係... 

所有航班取消！！ 

下？做乜鳩？我地睇錯日期？因為時差，睇錯左一個鐘？唔係！顯示屏上有我地航班資料，但紅字寫住cancelled？點解呀？ 



凌晨3點鐘，機場已經有一大堆人濟留係度。相信到聽朝天光會更加麻煩。 

「請各位旅客注意，由於機場發現暴徒，所以所有航班取消，不便之處敬請原諒。」機場以純正日文廣播。 

咩暴徒可以搞到飛機都唔起飛呀？痴線架？機師打飛機就話姐  

「詩音可唔可以幫我上網睇下有無新聞？」我話。詩音點點頭就用手機上網。 

我連接機場wifi，查下whatapps，message分別係： 



阿妹（2:05）：阿哥有無幫我買杯緣子？ 

Benetta（1:59）：Safe Flight 

呀Hi無買到杯緣子完全唔記得左阿妹！Benetta係我個鬼妹女朋友。睇黎佢地係香港都睇唔到咩特別既新聞。 

再碌落少少，有個久違左既名字。Angel。 

Angel（12:59）：頭先淺草有喪屍。 



Angel是誰？Angel係我小學同學，亦都係中學時代既女神。後來佢黎到日本讀書，就已經無乜聯絡了。估唔到佢都知道我係日本。 

我立即回覆：乜話？咁你有無事？