【少少重甜】《用甜筒打喪屍！！》（完）: 第6回 - 親吻
我向虧佬道：「虧佬，你返去先啦，我同詩音行一陣街。」
虧佬識趣地說：「得啦我唔做電燈膽。
」 食完個中華料理做晚餐，當然係要同我呢個日本彼女（女朋友）談下心架啦
我地行 左去附近一個海邊，我記憶中叫做吾妻橋。
我就唔再用英文去寫了，詩音既日式口音英文我會用括號括住。
「啊...你在香港的女朋友是個怎樣既人？」詩音問。
我唔會避開唔提女朋友：「佢呀...係外國人黎，工作上認識既...不過佢識講廣東話。」
「那她一定是一個好漂亮既人啦...」詩音話。唔知點解日本妹有時講野會有種無乜自信既表現。明明係靚女。
「呀..都算唔差啦。工作上好出色。
」 「啊..那你家裡有多少人？」詩音對我好好奇。
做左女朋友先黎互相了解，其實有點奇怪
「我有一個妹，我地兩個住。」我舉起兩隻看指。
詩音又望住地下d沙一路行一路講，有種日本妹獨有既可愛味道。「啊..有個妹妹嗎...我係獨生女。」
「講起上來，你媽咪都好靚女。」我話。
「ありがとうございました~（多謝~）」詩音笑起上來。我見佢笑得咁開心，我一手拉佢埋黎攬住佢條腰，然後情深地望住佢。
我唔比佢有思考既時間，然後好快咁蜻蜓點水式同詩音錫左一下。
詩音呆左，之後面都紅哂地推開我，就算係夜晚只有街燈既微弱燈光，都見到佢塊面有幾紅。
「做咩啊...」詩音雙手按住面珠。「太快了..」
