【少少重甜】《用甜筒打喪屍！！》（完）: 第2回 - 東京
我其實幾鐘意日本呢個地方，因為我一出街好似置身係日劇入面咁。聽住特別既日文地鐵廣播，總係覺得會有好似《GANTZ殺戮都巿》既情節會發生係我地身上。
「呢度咁似日本既？」未訓醒既我話。
「你老味呢度真係日本呀
」Jonathan話。 完全唔識日文既兩條麻甩佬，羅住本旅遊書，無啦啦就黎左東京。黎到先開始埋怨言語不通。
呀係，唔記得介紹，同我同行呢個瘦猛猛既麻甩佬Jonathan，係香港既職業係一個醫生。有錢無地方洗，放假咪搵左我呢個中學同學去旅行去到盡囉！雖然佢既職業係好值得尊重，但我都會叫佢做虧佬，因為佢真無時間做運動，體能極差。
至於我叫做Chris，d人會叫我做型佬Chris。我既職業係...
「地鐵到啦喂。」虧佬話。
我地住係上野二丁目一間旅館，每次去景點都要去搭呢個亂到九彩既東京地鐵。老實講，我到而家都唔係好識睇佢個路線圖。
「次の停留所は、神田、神田です」（下一站是神田。）
地鐵既日文廣播果然係好好聽。如果識到個日本妹，係幾好既事呢...
「喂我地落左車之後搵間小店食個飯先啦，未食早餐好肚餓。」虧佬皺哂眉。
我：「好，你話事囉虧佬。」
作為醫生都唔識早餐，其實係好平常既事。我一早知無機會落街食早餐，所以一早沖左個即食代餐，起碼有野落肚先。
我地落左地鐵，是但搵左間唔知乜野日文名既店鋪就入左去。
日本食肆好多都好得意，係入錢落部機度買飛，然後就羅張飛去比店員睇。
「いらっしゃいませ！！」每次去親d店鋪，店員都勁有禮貌勁好笑容咁歡迎。雖然我又唔識答佢，不過都微笑做回禮。呢個都是我鐘意日本既原因。
呢間小店就無果部買飛機，只係點菜。當然我只能手指指點菜啦
。 「This one and this one...」我話。
「はい！」日本妹店員話。笑容十分好睇。
日本妹走左之後，虧佬話：「哇點解日本d食店都咁多靚女？香港都係得d阿姐做...」
唔洗講都知佢講緊譚仔啦
。 我：「你都係見到一個就好多啦？」
「你望下入面做緊野果個先啦..」虧佬話。
我望下入面，即刻雙眼發光！！哇，我真係好少見如此美麗既女性！！呢位側面對住我既女性，棕色長髮而又非常柔順，眼大大，而且身材非常好！完全無多餘既肉！！你話瘦，佢又唔算好瘦，而且對波都唔細
「啊。」日本妹發出一聲。然後望左過黎。
（GANTZ殺戮都巿片段）